വീട്ടമ്മയെ പീഡിപ്പിച്ചു; ബലാത്സംഗക്കേസില് പൊലീസ് ഇന്സ്പെക്ടര് പിടിയില്; ; അറസ്റ്റ് ചെയ്തത് സ്റ്റേഷനില് നിന്നും; സംഭവം കൊച്ചിയിൽ
കൊച്ചിയിൽ ബലാത്സംഗക്കേസില് സര്ക്കിള് ഇന്സ്പെക്ടറെ അറസ്റ്റ് ചെയ്തു. കേസിൽ കോഴിക്കോട് കോസ്റ്റല് പൊലീസ് ഇന്സ്പെക്ടര് സുനുവാണ് അറസ്റ്റിലായത്. തൃക്കാക്കരയില് രജിസ്റ്റര് ചെയ്ത കേസിനെ തുടർന്നാണ് അറസ്റ്റ് ഉണ്ടായത്.
അതേസമയം പൊലീസ് സ്റ്റേഷനില് വെച്ചാണ് ഇന്സ്പെക്ടറെ അറസ്റ്റു ചെയ്തത്. മാത്രമല്ല തൃക്കാക്കര പൊലീസ് സ്റ്റേഷന് പരിധിയിലുള്ള ഒരു വീട്ടമ്മയുടെ പരാതിയെ തുടർന്നാണ് തൃക്കാക്കര പൊലീസിന്റെ നടപടി. എന്നാൽ കഴിഞ്ഞ മെയ് മാസത്തിലാണ് കേസിനാസ്പദമായ സംഭവമുണ്ടായത്.
വീട്ടമ്മയുടെ പരാതി പ്രകാരം ഇന്സ്പെക്ടര് സുനു അടക്കമുള്ള സംഘം പീഡിപ്പിച്ചു എന്നാണ് പറയുന്നത്. തുടർന്ന് രാവിലെ ജോലിക്കെത്തിയപ്പോള് ഇന്സ്പെക്ടര് സുനുവിനെ തൃക്കാക്കര പൊലീസ്, സ്റ്റേഷനിലെത്തി അറസ്റ്റ് രേഖപ്പെടുത്തുകയായിരുന്നു. ഫറൂഖ് ഡിവൈഎസ്പി അടക്കമുള്ളവരെ വിവരം അറിയിച്ചശേഷമായിരുന്നു തൃക്കാക്കര പൊലീസിന്റെ നടപടി. കേസില് സുനുവിനെക്കൂടാതെ വേറെയും പ്രതികള് ഉള്ളതായിട്ടാണ് പൊലീസ് നല്കുന്ന സൂചന.
https://www.facebook.com/Malayalivartha
