വീണ്ടും കുടുങ്ങി....തിരുവനന്തപുരത്തു നിന്ന് റോഡ് മാര്ഗം കൊണ്ടുപോയ വിമാനം ചവറ പാലത്തില് കുടുങ്ങിയതിനു പിന്നാലെ ആന്ധ്രപ്രദേശില് മേല്പാലത്തിന് താഴെ കുടുങ്ങി... ഗതാഗത തടസ്സമുണ്ടായത് മണിക്കൂറുകളോളം ...
വീണ്ടും കുടുങ്ങി....തിരുവനന്തപുരത്തു നിന്ന് റോഡ് മാര്ഗം കൊണ്ടുപോയ വിമാനം ചവറ പാലത്തില് കുടുങ്ങിയതിനു പിന്നാലെ ആന്ധ്രപ്രദേശില് മേല്പാലത്തിന് താഴെ കുടുങ്ങി... ഗതാഗത തടസ്സമുണ്ടായത് മണിക്കൂറുകളോളം ...
ഹൈദരാബാദിലേക്കുള്ള യാത്രാമധ്യേ ബാപാട്ലയിലെ കൊറിസപാട് മേല്പാലത്തിന് താഴെയാണ് കുടുങ്ങിയത്. ഇതോടെയാണ് മണിക്കൂറുകളോളം ഗതാഗതം തടസ്സപ്പെട്ടത്.
ഇതിനിടെ, കൊല്ലം ചവറ പാലത്തില് വിമാനം കുടുങ്ങിയിരുന്നു. ട്രെയിലറില് പുറപ്പെട്ട വിമാനത്തിന്റെ ഭാഗം പാലത്തില് തട്ടിനില്ക്കുകയായിരുന്നു. ഇവിടെയും മണിക്കൂറുകളോളം ദേശീയപാതയില് ഗതാഗതം തടസ്സപ്പെട്ടു.
സംഭവമറിഞ്ഞ് ആളുകള് കാണാനെത്തിയതോടെ ജനക്കൂട്ടത്തെ നിയന്ത്രിക്കാനും പൊലീസ് പാടുപെട്ടു. തുടര്ന്ന് ട്രെയിലറിന്റെ ടയറുകളുടെ കാറ്റഴിച്ചാണ് പ്രതിസന്ധി പരിഹരിച്ചത്.ആന്ധ്രയിലും വിമാനം കുടുങ്ങിയയതറിഞ്ഞ് നിരവധി പേര് തടിച്ചുകൂടിയിരുന്നു. പൊലീസ് സ്ഥലത്തെത്തിയാണ് ഗതാഗതം നിയന്ത്രിച്ചത്.
മണിക്കൂറുകള് നീണ്ട ശ്രമത്തിനൊടുവില് പാലത്തിനും വിമാനത്തിനും കേടുപാടില്ലാതെ പുറത്തിറക്കാനായെന്ന് പൊലീസ് .
അതേസമയം ഹൈദരാബാദിലെ ഭക്ഷ്യശൃംഖലയായ 'പിസ്ത ഹൗസ്' ഉടമ ശിവശങ്കര് ആണ് ഉപയോഗശൂന്യമായ വിമാനം തിരുവനന്തപുരം അന്താരാഷ്ട്ര വിമാനത്താവളത്തില് നിന്ന് ലേലത്തില് സ്വന്തമാക്കിയത്. 75ലക്ഷം രൂപക്ക് സ്വന്തമാക്കിയ വിമാനം റസ്റ്ററന്റ് ആക്കി മാറ്റുകയാണ് ലക്ഷ്യം. 30 വര്ഷം മുമ്പ് സര്വിസിലുണ്ടായിരുന്ന വിമാനമാണിത്. കഴിഞ്ഞയാഴ്ചയാണ് വിവിധ ഭാഗങ്ങളായി വിമാനം നാല് ട്രെയിലറുകളിലായി ദേശീയപാത വഴി കൊണ്ടുപോയത്.
https://www.facebook.com/Malayalivartha