എൽഡിഎഫ് രാജ്ഭവൻ മാർച്ച് നടത്തുന്നതിനിടയിൽ ഡൽഹിയിൽ മാധ്യമങ്ങളെ കണ്ടിരിക്കുകയാണ് ഗവർണർ ആരിഫ് മുഹമ്മദ് ഖാൻ. പ്രതിഷേധിക്കാൻ എല്ലാവർക്കും അവകാശമുണ്ടെന്ന് ഗവർണർ പറഞ്ഞു. എന്നാൽ സമ്മർദ്ദം ചെലുത്താമെന്ന് കരുതരുത് എന്ന താക്കീത് ഗവർണർ മാധ്യമങ്ങൾക്ക് കൊടുത്തിരിക്കുകയാണ്. തന്റെ മേൽ സമ്മർദ്ദം പ്രയോഗിക്കാമെന്ന് കരുതേണ്ട എന്ന് ഗവർണർ കടുപ്പിച്ച് പറഞ്ഞു. കോടതിവിധി പാലിക്കാൻ എല്ലാവർക്കും അവകാശം ഉണ്ടെന്നും ഗവർണർ ചൂണ്ടിക്കാണിക്കുകയുണ്ടായി.

ഭരണഘടനാ ഉത്തരവാദത്തിൽ നിന്ന് പിന്മാറില്ലെന്നും അദ്ദേഹം പറഞ്ഞിരിക്കുകയാണ്. ഒട്ടേറെ പ്രാവശ്യം സർക്കാർ സർവകലാശാലകളിൽ നിയമ വിരുദ്ധ ഇടപെടൽ നടത്തിയെന്ന ആരോപണം വീണ്ടും ഗവർണർ ഉന്നയിച്ചിരിക്കുകയാണ്. അധികാരത്തിലിരിക്കുന്ന പാർട്ടിയുടെ കേന്ദ്രമാക്കി സർവകലാശാലകളെ മാറ്റാൻ താൻ അനുവദിക്കില്ല എന്നും ഗവർണർ തുറന്നടിച്ചിരിക്കുകയാണ്. നിർണായകമായ പരാമർശങ്ങൾ ആണ് അദ്ദേഹം നടത്തിയിരിക്കുന്നത്. താനൊരു ചാൻസലറാണ് .ചാൻസ്ലർ എന്ന രീതിയിൽ വിദ്യാർത്ഥികളുടെ വരുംകാലത്തെ കുറിച്ച് തനിക്ക് ആശങ്കയുണ്ടെന്നും ഗവർണർ വ്യക്തമാക്കിയിരിക്കുകയാണ്.