തലശ്ശേരിയില് ലഹരി മാഫിയ നടത്തിയ ഇരട്ട കൊലപാതകത്തില് മൂന്നുപേര് പൊലീസ് കസ്റ്റഡിയില്.... മറ്റൊരു പ്രതിയ്ക്കായി അന്വേഷണം ഊര്ജ്ജിതത്തില്
തലശ്ശേരിയില് ലഹരി മാഫിയ നടത്തിയ ഇരട്ട കൊലപാതകത്തില് മൂന്നുപേര് പൊലീസ് കസ്റ്റഡിയില്.... മറ്റൊരു പ്രതിയ്ക്കായി അന്വേഷണം ഊര്ജ്ജിതത്തില്.
തലശ്ശേരി സ്വദേശികളായ ജാക്ക്സണ്, ഫര്ഹാന്, നവീന് എന്നിവരാണ് പൊലീസ് കസ്റ്റഡിയിലുള്ളത്. മറ്റൊരു പ്രതിയായ പാറായി ബാബുവിനായി തെരച്ചില് തുടരുന്നു. ബാബുവും ജാക്സണുമാണ് കുത്തിയതെന്ന് ഖാലിദിന്റെ മരണ മൊഴിയില് പറഞ്ഞിട്ടുണ്ടായിരുന്നു.
ഇന്നലെയാണ് കണ്ണൂര് തലശേരിയില് സംഘര്ഷത്തിനിടെ സിപിഎം അംഗവും ബന്ധുവും കുത്തേറ്റ് മരിച്ചത്. തലശേരി നിട്ടൂര് സ്വദേശികളായ ഖാലിദ് (52), ഷമീര് എന്നിവരാണ് കൊല്ലപ്പെട്ടത്. ലഹരി വില്പ്പന ചോദ്യം ചെയ്തതും ചില സാമ്പത്തിക തര്ക്കവുമാണ് സംഘര്ഷത്തിന് പിന്നിലെന്ന് പൊലീസ് .
തലശേരി സിറ്റി സെന്ററിനടുത്തുവച്ച് ഇന്നലെ വൈകിട്ട് നാല് മണിയോടെയാണ് മൂവര്ക്കും കുത്തേല്ക്കുന്നത്. ഇല്ലിക്കുന്ന് ത്രിവര്ണഹൗസില് കെ ഖാലിദ്, ഖാലിദിന്റെ സഹോദരി ഭര്ത്താവും സിപിഎം നെട്ടൂര് ബ്രാഞ്ചംഗവുമായ പൂവനാഴി ഷമീര് എന്നിവരാണ് മരിച്ചത്. ഖാലിദ് തലശേരി സഹകരണ ആശുപത്രിയിലും ഷമീര് കോഴിക്കോട് സ്വകാര്യ ആശുപത്രിയിലും വെച്ചാണ് മരിച്ചത്.
ഷമീറിന്റെ സുഹൃത്ത് നെട്ടൂര് സാറാസില് ഷാനിബിനും സംഘര്ഷത്തിനിടെ കുത്തേറ്റു. ഇയാളുടെ പരുക്ക് ഗുരുതരമല്ലെന്നാണ് ആശുപത്രി അധികൃതര് അറിയിക്കുന്നത്.
ലഹരി വില്പ്പന സംഘത്തില്പ്പെട്ട ജാക്സണും പാറായി ബാബുവും അടങ്ങുന്ന സംഘമാണ് കുത്തിയതെന്ന് ഷമീര് നല്കിയ മൊഴിയില് പറയുന്നു. പ്രതികള്ക്കായി പൊലീസ് അന്വേഷണം ആരംഭിച്ചു.
"
https://www.facebook.com/Malayalivartha
