പാൽ വില വര്‍ധനവിൽ പ്രതികരിച്ച് മന്ത്രി ജെ. ചിഞ്ചുറാണി രംഗത്ത്. പാൽ വില വര്‍ധനവിന്റെ പ്രയോജനം കര്‍ഷകര്‍ക്കെന്നാണ് മന്ത്രി ജെ. ചിഞ്ചുറാണി പറയുന്നത്. വില കൂട്ടുന്ന ഘട്ടത്തിൽ മായം കലർന്ന പാലെത്തുന്നത് തടയാൻ അതിർത്തികളിൽ പരിശോധന വർധിപ്പിച്ചെന്നും മന്ത്രി വ്യക്തമാക്കി .

മായം കലര്‍ന്ന പാല്‍ കൊണ്ടുവരുന്നവര്‍ക്കെതിരെ കര്‍ശന നടപടിയെന്ന് മന്ത്രി ചിഞ്ചുറാണി പറഞ്ഞു. കാല്‍സ്യക്കുറവു മൂലം തളർന്നു വീഴുന്ന പശുക്കൾക്ക് ചികിത്സ നൽകാൻ കൂടുതൽ സംവിധാനം ഉറപ്പാക്കുമെന്നും മന്ത്രി വ്യക്തമാക്കി. എന്നാൽ കര്‍ഷകര്‍ ക്ഷീരമേഖലയില്‍ നിന്ന് പിന്‍മാറുന്നുത് തുടരുകയാണെന്ന് മില്‍മ ചെയര്‍മാന്‍ കെ.എസ്. മണി പറഞ്ഞു.

മലപ്പുറം ജില്ലയിൽ മാത്രം പാല്‍ ഉല്‍പ്പാദനത്തില്‍ 27 ശതമാനം കുറവുണ്ടായതായി അദ്ദഹം വ്യക്തമാക്കി. കൂടുതൽ ക്ഷീര കർഷകർ മേഖലയിൽ നിന്ന് കൊഴിഞ്ഞുപോ‌യതും മലപ്പുറത്താണ് എന്നതാണ് ശ്രദ്ധേയമായ കാര്യം. കോവിഡ് പ്രതിസന്ധി അവസാനിച്ചതോ‌ടെ എല്ലാവരും തിരികെ വിദേശങ്ങളിലേക്ക് പോയതും ക്ഷീരമേഖലക്ക് തിരിച്ചടിയായി എന്നതാണ് ശ്രദ്ദേയമായ കാര്യം.