തലസ്ഥാനനഗരിക്ക് ആവേശ കാഴ്ചയൊരുക്കുന്ന ഒരു ഉത്സവമാണ് അന്താരാഷ്ട്ര ചലച്ചിത്രമേള. 27-ാം മത് ചലചിത്ര മേളയുടെ നടത്തിപ്പുമായി ബന്ധപ്പെട്ടുള്ള ആലോചനായോഗം നഗരസഭയിൽ ചേർന്നു.പൂർണമായും ഗ്രീൻ പ്രോട്ടോക്കോൾ പാലിച്ച് മേള സംഘടിപ്പിക്കാനാണ് യോഗം തീരുമാനിച്ചത്. നിർണായകമായ കുറിപ്പ് പങ്കു വച്ച് മേയർ ആര്യ രാജേന്ദ്രൻ. ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ;

തലസ്ഥാനനഗരിക്ക് ആവേശ കാഴ്ചയൊരുക്കുന്ന ഒരു ഉത്സവമാണ് അന്താരാഷ്ട്ര ചലച്ചിത്രമേള. 27-ാം മത് ചലചിത്ര മേളയുടെ നടത്തിപ്പുമായി ബന്ധപ്പെട്ടുള്ള ആലോചനായോഗം നഗരസഭയിൽ ചേർന്നു.പൂർണമായും ഗ്രീൻ പ്രോട്ടോക്കോൾ പാലിച്ച് മേള സംഘടിപ്പിക്കാനാണ് യോഗം തീരുമാനിച്ചത്.മേളയുടെ ഭാഗമായുള്ള വേദികളിൽ പ്ലാസ്റ്റിക്,ഡിസ്പോസിബിൾ എന്നിവയുടെ ഉപയോഗം പൂർണമായും ഒഴിവാക്കും. അലങ്കാരങ്ങൾക്കും പരസ്യങ്ങൾക്കും പ്രകൃതി സൗഹൃദ വസ്തുക്കളെ ഉപയോഗിക്കാവു.

മേള നടക്കുന്ന വേദികളിലേക്കുള്ള തെരുവ് വിളക്കുകൾ കേടുപാട് തീർത്ത് പ്രവർത്തനക്ഷമമാക്കും.മാത്രമല്ല തീയറ്ററുകളുടെ അറ്റകുറ്റ പണികൾ തീർക്കാനും ശുചിമുറികൾ വൃത്തിയാക്കി സൂക്ഷിക്കുന്നതിനും ഉടമകൾക്ക് നിർദ്ദേശം നൽകിയിട്ടുണ്ട്. ഇത് പരിശോധിക്കാൻ ഹെൽത്ത് ഇൻസ്പെക്ടർമാരുടെ നേതൃത്വത്തിൽ പ്രത്യേക സ്ക്വോഡുകൾ രൂപികരിക്കും.

മേളക്ക് എത്തുന്നവരുടെ വാഹന പാർക്കിംഗിന് സൗകര്യമൊരുക്കാൻ പൊലീസിന് നിർദ്ദേശവും നൽകി. ചലച്ചിത്ര അക്കാദമി വൈസ് ചെയർമാൻ ശ്രീ. പ്രേം കുമാർ,സെക്രട്ടറി അജോയ്,തീയറ്റർ ഉടമകൾ,ഹോട്ടൽ & റെസ്റ്റോറന്റ് അസോസിയേഷൻ ഭാരവാഹികൾ,വിവിധ സർക്കാർ വകുപ്പ് പ്രതിനിധികൾ നഗരസഭ ഉദ്യോഗസ്ഥർ എന്നിവർ യോഗത്തിൽ പങ്കെടുത്തു. നമ്മുടെ മേള വലിയ വിജയമാക്കണം.... എല്ലാവരും ഒപ്പമുണ്ടാകുമല്ലോ ......