ഏകീകൃത സിവിൽ കോഡിനെ കുറിച്ച് നിർണായകമായ പല പരാമർശങ്ങളും നടത്തി ഗവർണർ. ഏക സിവിൽ കോഡിനെ പിന്തുണച്ചിരിക്കുകയാണ് അദ്ദേഹം. ഏക സിവിൽ കോഡ് നീതിയുടെ ഏകീകരണമെന്നാണ് ഗവർണർ പറഞ്ഞിരിക്കുന്നത്. തുല്യ നീതിയെന്ന ആശയം യാഥാർഥ്യമാക്കണമെന്നും അദ്ദേഹം തുറന്നടിച്ചിരിക്കുകയാണ്. ഏകീകൃത സിവിൽ കോഡിനെ കുറിച്ച് നിർണായകമായ കാര്യങ്ങൾ തന്നെയാണ് അദ്ദേഹം നടത്തിയിരിക്കുന്നത്. നേരത്തെ ഏകീകൃത സിവിൽ കോഡ് ബിജെപിയുടെ രഹസ്യ അജൻഡയല്ല. അത് ബിജെപിയുടെ പരസ്യമായ അജൻഡ തന്നെയാണ്. അതിന്റെ പേരിൽ ഗവർണറെ വേട്ടയാടരുതെന്ന് കെ. സുരേന്ദ്രൻ വ്യക്തമാക്കിയിരുന്നു.

ഏകീകൃത സിവിൽ കോഡിനെ കുറിച്ച് ഗവർണർ നിർണായക പരാമർശങ്ങൾ നടത്തിയ ഈ സാഹചര്യത്തിൽ ബിജെപി സംസ്ഥാന അധ്യക്ഷൻ നേരത്തെ ഈയൊരു വിഷയത്തിൽ നടത്തിയ പരാമർശങ്ങൾ കൂടെ ശ്രദ്ധേയമാണ്. കേരള ഗവർണർക്കെതിരെ നടത്തുന്ന ആക്രമണങ്ങളിൽ പ്രതികരിക്കുന്നതിനിടയിലാണ് ഏകീകൃത സിവിൽ കോഡിനെ കുറിച്ച് അന്നു നിർണായകമായ പരാമർശങ്ങൾ കെ സുരേന്ദ്രൻ നടത്തിയത്.

ഇന്ത്യയിലെ പ്രധാന മത-ജാതി വൈജാത്യങ്ങൾക്കനുസരിച്ച് ഓരോ വ്യക്തിക്കും പ്രത്യേകം-പ്രത്യേകം ബാധകമാകുന്ന രീതിയിൽ ഇപ്പോൾ നിലവിലുള്ള വ്യക്തി നിയമത്തെ നീക്കി എല്ലാ ഇന്ത്യക്കാർക്കും ഒരേ രീതിയിൽ ബാധകമാകുന്ന തരത്തിൽ ഒരു പൊതു വ്യക്തി നിയമ സംഹിത വേണം എന്ന ആവശ്യത്തിനേയും തർക്കത്തിനേയും കുറിക്കുന്ന പദമാണ് ഏകീകൃത സിവിൽ കോഡ്. ഇത് വ്യക്തികളുടെ വിവാഹം, വിവാഹമോചനം, പരമ്പരാഗത സ്വത്ത്, ദത്ത്, ജീവനാംശം എന്നീ വിഷയങ്ങളിൽ പൊതുവായ നിയമം കൊണ്ടുവരാൻ ഉദ്ദേശിച്ചിട്ടുള്ളതാണ്.