ആശാ വര്ക്കര്മാര്, അങ്കണവാടി, പ്രീപ്രൈമറി അധ്യാപകരുടെ വേതനപ്രശ്നങ്ങള് പരിഹരിക്കുമെന്ന് ധനമന്ത്രി കെ. ബാലഗോപാല്
ആശാ വര്ക്കര്മാര്,അങ്കണവാടി, പ്രീപ്രൈമറി അധ്യാപകര്, പാചകത്തൊഴിലാളികള്, സാക്ഷരതാ പ്രവര്ത്തകര് എന്നിവരുടെ വേതനപ്രശ്നങ്ങള് പരിഹരിക്കുമെന്ന് ധനമന്ത്രി കെ. ബാലഗോപാല്.
എം.എല്.എ. മാര്ക്ക് മണ്ഡലത്തില് ഒരു ഗ്രാമവണ്ടിക്ക് പ്രത്യേക വികസനഫണ്ടില് നിന്ന് തുക അനുവദിക്കും. പട്ടയം മിഷന് രണ്ടുകോടി രൂപ നല്കുമെന്നും മന്ത്രി നിയമസഭയില് പറഞ്ഞു. നീര കമ്പനികളുടെ പുനരുദ്ധാരണത്തിന് സര്ക്കാര് പ്രത്യേക പാക്കേജ് തയ്യാറാക്കുന്നതായി മന്ത്രി പി. പ്രസാദ് നിയമസഭയില് പറഞ്ഞു. പദ്ധതി തയ്യാറാക്കാനായി കേരഫെഡിനെ ചുമതലപ്പെടുത്തിയിട്ടുണ്ട്.
നീര ഉത്പാദനം നിലച്ചതോടെ സംസ്ഥാനത്ത് 27 നീര കമ്പനികള് സാമ്പത്തിക പ്രതിസന്ധിയിലാണ്. എട്ട് കമ്പനികള് ജപ്തി നടപടി നേരിടുകയുമാണ്. കെ.എസ്.ആര്.ടി.സി.യുടെ ഗ്രാമവണ്ടി പദ്ധതി ദേശീയതലത്തില് നടപ്പാക്കാനായി കേന്ദ്രസര്ക്കാര് തീരുമാനിച്ചതായി മന്ത്രി ആന്റണി രാജു പറഞ്ഞു.
ഇത്തവണത്തെ ദേശീയ പുരസ്കാരം ഈ പദ്ധതിക്കായിരുന്നു. കഴിഞ്ഞ ഡിസംബറില് കെ.എസ്.ആര്.ടി.സി. 222 കോടിയിലധികം രൂപയുടെ ടിക്കറ്റ് വരുമാനം നേടി റെക്കോഡിട്ടു. ഇത് തുടരാന് വൈവിധ്യവത്കരണവും വിപുലീകരണവും നടപ്പാക്കുകയും ചെയ്യും
കേരളത്തിലെ വിദ്യാര്ഥികള് പഠനത്തിന് വിദേശത്തേക്ക് പോകുന്നത് സംബന്ധിച്ച് ഉന്നതവിദ്യാഭ്യാസ കൗണ്സില് പ്രത്യേകപഠനം നടത്തുമെന്ന് മന്ത്രി ആര്. ബിന്ദു അറിയിച്ചു.
ഇതിനായി കണ്ണൂര് സര്വകലാശാല വൈസ് ചാന്സലര് ഡോ. ഗോപിനാഥ് രവീന്ദ്രന് അധ്യക്ഷനായി സമിതി രൂപവത്കരിച്ചു. സംസ്ഥാനത്ത് സ്വകാര്യ കല്പിത സര്കലാശാലകള് അനുവദിക്കുന്നത് സംബന്ധിച്ച് ഉന്നത വിദ്യാഭ്യാസ കൗണ്സിലിന്റെ റിപ്പോര്ട്ട് പഠിച്ച് ശുപാര്ശ നല്കാനും സമിതി രൂപവത്കരിച്ചു.
ബിരുദ കോഴ്സുകളുടെ ഭാഗമായുള്ള ഇന്റേണ്ഷിപ്പിന് പ്രത്യേകം ക്രെഡിറ്റ് ഏര്പ്പെടുത്തുന്ന രീതിയില് പാഠ്യപദ്ധതി പരിഷ്കരിക്കുകയും ചെയ്യും.
" f
https://www.facebook.com/Malayalivartha
