കൊച്ചിയിൽ സ്വകാര്യ ബസ് പാഞ്ഞുകയറി ഇരുചക്ര വാഹനയാത്രക്കാരന്‍ മരിച്ച സംഭവത്തിൽ നടുക്കം രേഖപ്പെടുത്തി ഹൈക്കോടതി. അപകടത്തിന്റെ ദൃശ്യങ്ങള്‍ ‍ഞെട്ടിക്കുന്നതാണ്. ഇത്തരത്തില്‍ ഇനി ഒരു ജീവനും നഷ്ടമാവരുത്.

ബസിന്റെ അമിതവേഗം കണ്ടിട്ടും ട്രാഫിക് ഉദ്യോഗസ്ഥര്‍ നടപടി എടുത്തില്ലെന്ന് വിമര്‍ശിച്ച കോടതി നിയമലംഘനങ്ങള്‍ എത്രനാള്‍ നോക്കി നില്‍ക്കാനാവുമെന്നും ചോദിച്ചു. ഡി.സി.പിയുടെ സാന്നിധ്യത്തിലാണ് ഹൈക്കോടതി സിസിടിവി ദൃശ്യങ്ങള്‍ പരിശോധിച്ചത്.

തുടര്‍ച്ചയായ രണ്ടാം ദിവസവും സ്വകാര്യ ബസ് പാഞ്ഞുകയറി ഇരുചക്ര വാഹനയാത്രക്കാരന്‍ മരിച്ചതിനെ തുടര്‍ന്നാണ് ഹൈക്കോടതി ഡി.സി.പിയെ വിളിച്ചു വരുത്തിയത്.