ഇന്നലെ രാത്രിയോടെ ശിവശങ്കരനെ അറസ്റ്റ് ചെയ്തിരുന്നു അത് നിർണായകമായ ഒരു വിവരം തന്നെയാണ് ഇപ്പോൾ ഇതാ ഒരു റിപ്പോർട്ട് പുറത്തുവന്നിരിക്കുകയാണ് ശിവശങ്കരനെതിരെ ഗുരുതരമായ ആരോപണങ്ങൾ ഉന്നയിക്കുന്ന ഒരു റിപ്പോർട്ടാണ് റിപ്പോർട്ട് പുറത്തുവിട്ടിരിക്കുന്നത്. ലൈഫ്മിഷന്‍ കേസില്‍ അറസ്റ്റിലായ മുഖ്യമന്ത്രിയുടെ മുന്‍ പ്രിന്‍സിപ്പല്‍ സെക്രട്ടറി എം.ശിവശങ്കര്‍ അന്വേഷണവുമായി സഹകരിക്കുന്നില്ലെന്നും തെറ്റിദ്ധരിപ്പിക്കാന്‍ ശ്രമിക്കുന്നെന്നും ഇ.ഡി.റിപ്പോര്‍ട്ട്.ലൈഫ് മിഷന്‍ ഇടപാടുമായി ബന്ധപ്പെട്ട് ശിവശങ്കറിന് മാത്രം അറിയാവുന്ന ചില കാര്യങ്ങളുണ്ട്.

ഇതിനായി കസ്റ്റഡിയിലെടുത്ത് ചോദ്യം ചെയ്യേണ്ടതുണ്ടെന്നും ഇ.ഡി. റിപ്പോർട്ടിൽ വ്യക്തമാക്കി. ഇ.ഡിയുടെ അറസ്റ്റ് റിപ്പോര്‍ട്ടില്‍ പറയുന്ന മറ്റൊരു കാര്യം ശിവശങ്കറിനെതിരെ ലൈഫ് മിഷന്‍ കേസില്‍ തെളിവുണ്ട് എന്നാണ് .ശിവശങ്കറിന്റെ അറസ്റ്റ് സിബിഐ കേസിന്റെ അടിസ്ഥാനത്തിലാണ് എന്നും ആ റിപ്പോർട്ടിൽ വ്യക്തമാക്കിയിട്ടുണ്ട്. മാത്രമല്ല ശിവശങ്കറിന്റെ ഫോണില്‍ നിന്ന് കിട്ടിയ ചാറ്റുകളുടേയും മറ്റു ഇടപാടുകളുടേയും രേഖകള്‍ ഇ ഡിയുടെ കയ്യിൽ ഉണ്ട്.

ഇവ വിശദമായി പരിശോധിക്കുകയാണെങ്കിൽ ശിവശങ്കറിന് കേസിലുള്ള പങ്ക് തെളിഞ്ഞു വരുമെന്നാണ് പറയുന്നത്.ഇ.ഡി.യുടെ അറസ്റ്റ് റിപ്പോര്‍ട്ടില്‍ ചൂണ്ടിക്കാണിക്കുന്ന ശ്രദ്ധേയമായ കാര്യം ഇത് തെളിയിക്കാന്‍ സാധിക്കുമെന്നാണ് .ഇതിനിടെ കേസില്‍ ശിവശങ്കറിനെ അഞ്ചാം പ്രതിയായിട്ടാണ് ഇ.ഡി.ചേര്‍ത്തിരിക്കുന്നത്. ഉച്ചയ്ക്ക് 12.15 ഓടെ അദ്ദേഹത്തിന്റെ വൈദ്യപരിശോധന പൂര്‍ത്തിയാക്കിയിട്ടുണ്ട് .

വൈദ്യപരിശോധന നടത്തിയത് എറണാകുളം ജനറല്‍ ആശുപത്രിയിലാണ്. ഇതിന് ശേഷം ഇ.ഡി.ഓഫീസിലേക്ക് കൊണ്ടുവന്നു. ഇന്ന് തന്നെ അദ്ദേഹത്തെ കോടതിയില്‍ ഹാജരാക്കി കസ്റ്റഡിയില്‍ വാങ്ങാനാണ് ഇ.ഡിയുടെ തീവ്രമായ ശ്രമം. എറണാകുളം സാമ്പത്തിക കുറ്റവിചാരണ കോടതിയിലാകും ഹാജരാക്കും. ചൊവ്വാഴ്ച രാത്രിയോടെയാണ് ശിവശങ്കറിന്റെ അറസ്റ്റ് അന്വേഷണ ഏജന്‍സി രേഖപ്പെടുത്തിയത്. ലൈഫ് മിഷന്‍ കേസില്‍ തിങ്കളാഴ്ച ഒമ്പതുമണിക്കൂർ ചോദ്യം ചെയ്യലിന് അദ്ദേഹം വിധേയമായി. ചൊവ്വാഴ്ച വീണ്ടും ഹാജരാകാന്‍ ആവശ്യപ്പെടുകയും ചെയ്തു.