ലൈഫ് മിഷന് കോഴ ഇടപാടില് 4.5 കോടി കമ്മിഷനെന്ന് ഇഡി... ചോദ്യം ചെയ്യലില് തെറ്റായവിവരം നല്കാന് ശിവശങ്കര് ശ്രമിച്ചു
ലൈഫ് മിഷന് കോഴ ഇടപാടില് 4.5 കോടി കമ്മിഷനെന്ന് ഇഡി റിപ്പോര്ട്ട്. സന്തോഷ് ഈപ്പന് നിര്മാണക്കരാര് നല്കാന് മുന്കൈ എടുത്തത് എം.ശിവശങ്കര് ആണ്. ചോദ്യം ചെയ്യലില് തെറ്റായവിവരം നല്കാന് ശിവശങ്കര് ശ്രമിച്ചെന്നും ഇ.ഡി. സ്വപ്നയും ശിവശങ്കറും തമ്മിലുള്ള വാട്സാപ്പ് ചാറ്റ് ഇ.ഡിയുടെ റിമാന്ഡ് റിപ്പോര്ട്ടിലുണ്ട്. കോഴപ്പണം എത്തിയതിന്റെ തലേന്ന് നടത്തിയ ചാറ്റ് എന്ന് ഇ.ഡി. എന്തെങ്കിലും പിഴവുവന്നാല് എല്ലാം അവര് നിന്റെ തലയിലിടുമെന്ന് സ്വപ്നയോട് ശിവശങ്കര്. സ്വപ്നയ്ക്ക് ജോലി നല്കണമെന്ന് മുഖ്യമന്ത്രി തന്നോട് പറഞ്ഞെന്നും ശിവശങ്കര്. ശിവശങ്കറെ കോടതി അഞ്ചു ദിവസത്തേക്ക് ഇ.ഡി.കസ്റ്റഡിയില്വിട്ടു.
തിങ്കളാഴ്ച കോടതിയില് ഹാജരാക്കണം. രണ്ടുമണിക്കൂര് ചോദ്യം ചെയ്യലിനുശേഷം ഇടവേള അനുവദിക്കണമെന്ന് കോടതി. ആവശ്യമെങ്കില് വൈദ്യസഹായം നല്കണമെന്നും കോടതി. കേസില് അഞ്ചാം പ്രതിയായ ശിവശങ്കറിന്റെ അറസറ്റ് ഇന്നലെ രാത്രിയാണ് രേഖപ്പെടുത്തിയത്. തിരുവനന്തപുരം സ്വദേശി യദു കൃഷ്ണന് ഉള്പെടെ ആറുപേരെയാണ് കേസില് പ്രതി ചേര്ത്തിരിക്കുന്നത്. അതേസമയം, ഇന്നലെ 12 മണിക്കൂര് ചോദ്യം ചെയ്തെന്ന് ശിവശങ്കര് കോടതിയില്. ഇത് ശാരീരികബുദ്ധിമുട്ടുണ്ടാക്കി, കൃത്യമായി ഭക്ഷണം കഴിക്കാനായില്ലെന്നും ശിവശങ്കര് കോടതിയില് പരാതി ഉന്നയിച്ചുരുന്നു.
ലൈഫ് മിഷന് കള്ളപ്പണ ഇടപാടില് എം.ശിവിശങ്കറിന്റെ അറസ്റ്റ് മുഖ്യമന്ത്രിയുടെ ഓഫീസിനെ വീണ്ടും സംശയനിഴലിലാക്കി. മുഖ്യമന്ത്രി പിണറായി വിജയനും കോഴ ഇടപാടില് പങ്കുണ്ടെന്ന് പ്രതിപക്ഷനേതാവ് ആരോപിച്ചു. അറസ്റ്റ് സര്ക്കാരിന് തിരിച്ചടിയല്ലെന്നും മുഖ്യമന്ത്രിക്കെതിരായ രാഷ്ട്രീയനീക്കമായി കരുതുന്നില്ലെന്നും സിപിഐ സംസ്ഥാന സെക്രട്ടറി കാനം രാജേന്ദ്രന് പ്രതികരിച്ചു. അഴിമതിയും കള്ളപ്പണ ഇടപാടും നടത്തുന്നവര് എത്ര ഉന്നതരായാലും അഴിയെണ്ണുമെന്നും വി മുരളീധരന് ഫെയ്സ്ബുക്ക് പോസ്റ്റില് കുറിച്ചു.
സ്വര്ണക്കടത്ത് കേസിനേക്കാള് ലൈഫ് മിഷന്! കേസില് ശിവശങ്കര് അറസ്റ്റ് മുഖ്യമന്ത്രിയുടെ ഓഫീസിലേക്ക് നേരിട്ട് ബന്ധപ്പെടുത്തുന്നത് സര്ക്കാരിനെ ആശങ്കയിലാക്കുകയാണ്. മുഖ്യമന്ത്രിയുടെ ഓഫീസില് ഇനി കൂടുതല് പേരെ ചോദ്യം ചെയ്യുമോ മുഖ്യമന്ത്രിയെ തന്നെ മൊഴിയെടുപ്പിക്കാന് വിളപ്പിക്കുമോ തുടങ്ങി നിരവിധി സംശയങ്ങള് സിപിഎം കേന്ദ്രങ്ങള്ക്കുണ്ട്. സര്ക്കാരിന്റെ സ്വപ്ന പദ്ധതിയില് കോഴയിലുള്ള അറസ്റ്റ് സ്വര്ണക്കടത്തുപോലെ ശിവശങ്കറിന്റെ സ്വഭാവത്തെ പഴിചാരി രക്ഷപെടാനാകില്ല. മുഖ്യമന്ത്രിക്കെതിരായ രാഷ്ട്രീയ നീക്കത്തില് പ്രതിപക്ഷം തുടക്കമിട്ടു കഴിഞ്ഞു.
https://www.facebook.com/Malayalivartha