മാലിന്യക്കൂമ്പാരത്തിനു തീ പിടിച്ച് ഒരാഴ്ച കഴിഞ്ഞിട്ടും കൊച്ചിയിലെ അന്തരീക്ഷം മോശമായി തുടരുന്നു... ബ്രഹ്മപുരത്തേക്ക് ഇനി പ്ലാസ്റ്റിക് ഇല്ല.... പ്ലാസ്റ്റിക് മാലിന്യം ഹരിതകര്മസേന വഴി ശേഖരിക്കും... ഉറവിട മാലിന്യ സംസ്കരണം കര്ശനമായി നടപ്പാക്കുമെന്ന് മുഖ്യമന്ത്രി....
പ്ളാന്റില് പ്ളാസ്റ്റിക് മാലിന്യങ്ങള്ക്ക് സര്ക്കാര് വിലക്ക്.... ബ്രഹ്മപുരത്തേക്ക് ഇനി പ്ലാസ്റ്റിക് ഇല്ല... ബ്രഹ്മപുരം മാലിന്യ പ്ളാന്റിലെ തീകെടുത്താനും ശാശ്വത പരിഹാരം കാണാനുമായി ഹൈക്കോടതി ഇന്നലെ കര്ശന നിര്ദ്ദേശം നല്കിയതോടെ പ്ളാന്റില് പ്ളാസ്റ്റിക് മാലിന്യങ്ങള് സര്ക്കാര് വിലക്കിയിട്ടുണ്ട്.
ജൈവമാലിന്യ സംസ്കരണ പ്ളാന്റ് പൂര്ണമായി പ്രവര്ത്തന സജ്ജമാക്കാനും റോഡുകള് നിര്മ്മിക്കാനും തീരുമാനിച്ചു. അതിനിടെ, ഹൈക്കോടതി ഇന്നലെ വിളിച്ചുവരുത്തുകയും വിമര്ശിക്കുകയും ചെയ്ത ജില്ലാ കളക്ടര് രേണു രാജിനെ വയനാട്ടിലേക്ക് സ്ഥലംമാറ്റി. പ്ളാന്റിലെ തീയണയ്ക്കാനായി സമയക്രമം നിശ്ചയിച്ച് നടപടി സ്വീകരിക്കാനായി ഹൈക്കോടതി സര്ക്കാരിനും നഗരസഭയ്ക്കും നിര്ദ്ദേശം നല്കുകയും ചെയ്്തു.
കളക്ടര് രേണുരാജ് നടപടികള് പലതും സ്വീകരിച്ചെങ്കിലും ഇവ പൊതുജനങ്ങളുടെ ശ്രദ്ധയില് എത്തിക്കുന്നതില് വീഴ്ചയുണ്ടായെന്ന് ഹൈക്കോടതി കുറ്റപ്പെടുത്തി. തീപിടിത്തമുണ്ടാകുന്നതിന് മൂന്നു ദിവസം മുമ്പ് സുരക്ഷാ സംവിധാനങ്ങളുടെ അഭാവം ചൂണ്ടിക്കാട്ടി നഗരസഭയ്ക്ക് കത്തു നല്കിയിരുന്നെന്നും നടപടിയുണ്ടായില്ലെന്നും കളക്ടര് വിശദീകരിച്ചു.
ജില്ലാ ദുരന്ത നിവാരണ അതോറിറ്റി അദ്ധ്യക്ഷയെന്ന നിലയില് കളക്ടര് ചുമതല നിര്വഹിച്ചോയെന്ന് ഡിവിഷന് ബെഞ്ച് ചോദിച്ചു.പ്രശ്നത്തില് നിന്ന് കളക്ടര് മാറി നില്ക്കരുതെന്നും കളക്ടറുടെ ടീം സജീവമായി പ്രവര്ത്തിച്ചിരുന്നെങ്കില് സ്ഥിതി വഷളാവില്ലായിരുന്നുവെന്നും ഹൈക്കോടതി വിമര്ശിക്കുകയുണ്ടായി.
കളക്ടറെ സ്ഥലം മാറ്റിയ വിവരം അഡ്വക്കേറ്റ് ജനറല് കെ. ഗോപാലകൃഷ്ണ കുറുപ്പ് ഹൈക്കോടതിയെ അറിയിച്ചു. മാര്ച്ച് പത്തിന് ഹര്ജി വീണ്ടും പരിഗണിക്കുമ്പോള് പുതിയ കളക്ടര്, നഗരസഭാ സെക്രട്ടറി എ. ബാബു അബ്ദുള് ഖാദര് എന്നിവര് വീണ്ടും നേരിട്ട് ഹാജരാകാന് നിര്ദ്ദേശിച്ചു.
അഡി. ചീഫ് സെക്രട്ടറിയും മലിനീകരണ നിയന്ത്രണ ബോര്ഡ് ചെയര്മാനും ഓണ്ലൈന് മുഖേന ഹാജരാകണം. കോടതി നിര്ദ്ദേശങ്ങളിങ്ങനെ ....
ബ്രഹ്മപുരത്തെ പ്ളാന്റില് നാലു മണിക്കൂറിനകം താത്കാലിക വൈദ്യുതി കണക്ഷന് നല്കണം. ഖരമാലിന്യ സംസ്കരണ സംവിധാനമില്ലാത്ത സ്ഥാപനങ്ങള്ക്ക് നഗരസഭാ സെക്രട്ടറി നോട്ടീസ് നല്കണം.
ബ്രഹ്മപുരത്ത് സ്വീകരിക്കുന്ന അടിയന്തര, ഹ്രസ്വകാല, ദീര്ഘകാല നടപടികളും മാലിന്യ സംസ്കരണം മെച്ചപ്പെടുത്താനുള്ള നടപടികളും നഗരസഭാ സെക്രട്ടറി അറിയിക്കുകയും വേണം.
മുഖ്യമന്ത്രിയുടെ അദ്ധ്യക്ഷതയില് ഇന്നലെ ചേര്ന്ന യോഗത്തിലെ നിര്ദ്ദേശങ്ങളും അവ നടപ്പാക്കുന്നതിനുള്ള സമയക്രമവും തദ്ദേശ ഭരണവകുപ്പ് അഡി. ചീഫ് സെക്രട്ടറി അറിയിക്കണം.
സര്ക്കാര് തീരുമാനങ്ങളിങ്ങനെ ...
1. ജൈവമാലിന്യം കഴിവതും ഉറവിടത്തില് സംസ്കരിക്കാന് നിര്ദേശം നല്കും. ഇതിന് വിന്ഡ്രോ കമ്പോസ്റ്റിങ്ങ് സംവിധാനം അടിയന്തരമായി റിപ്പയര് ചെയ്യും. ബ്രഹ്മപുരത്തേക്ക് റോഡ് സൗകര്യം ഉറപ്പാക്കും.
2. ജില്ലാ കളക്ടര്, കോര്പ്പറേഷന് അധികൃതര് തുടങ്ങിയവരടങ്ങിയ എംപവേര്ഡ് കമ്മിറ്റി രൂപീകരിച്ച് പ്രവര്ത്തനങ്ങള്ക്ക് മേല്നോട്ടം വഹിക്കും. പ്രദേശത്തെ ജനങ്ങളെ ബോധവത്കരിക്കും. മന്ത്രിമാരും മേയര് ഉള്പ്പെടെയുള്ള ജനപ്രതിനിധികളും പങ്കെടുക്കുന്ന യോഗങ്ങള് ചേരും.
ബ്രഹ്മപുരത്ത് ഇപ്പോള് 300 അഗ്നിശമന സേനാ ജീവനക്കാരും 70 മറ്റു തൊഴിലാളികളും മാലിന്യനീക്കത്തിന് 50 ഓളം ഹിറ്റാച്ചി/ജെ.സി.ബി ഓപ്പറേറ്റര്മാരും 31 ഫയര് യൂണിറ്റുകള്, 4 ഹെലിക്കോപ്റ്ററുകള്, 14 അതിതീവ്ര മര്ദ്ദ ശേഷിയുള്ള ജലവാഹക പമ്പുകള് തുടങ്ങിയ സംവിധാനങ്ങളും തീകെടുത്താനുള്ള ശ്രമത്തിലാണ്.
"
https://www.facebook.com/Malayalivartha
