ഗവർണർ താൽക്കാലികമായി നിയമിച്ച കെടിയു വിസി സിസ തോമസിനെതിരായ നടപടി സർക്കാർ ശക്തമാക്കിയിരിക്കുകയാണ്. മുൻകൂർ അനുമതിയില്ലാതെ വിസി സ്ഥാനമെറ്റടുത്തുവെന്ന് ചൂണ്ടിക്കാണിച്ച് കാരണം കാണിക്കൽ നോട്ടീസ് ഉന്നതവിദ്യാഭ്യാസ സെക്രട്ടറിക്ക് നൽകിയിരിക്കുകയാണ്. കാരണം കാണിക്കൽ നോട്ടീസിന് മറുപടി നൽകേണ്ട അവസ്ഥയിൽ എത്തിയിരിക്കുകയാണ് കാര്യങ്ങൾ. നമുക്കറിയാം സർക്കാർ നൽകിയ പേരുകൾ തള്ളിയാണ് ഗവർണ്ണർ സിസയെ നിയമിച്ചത്.

അന്ന് മുതൽ സിസ തോമസിനെതിരെ പോരാട്ടം ശക്തമാണ്. സിസാ തോമസിനെ നിയമിച്ച് 5 മാസം കഴിഞ്ഞിരിക്കുകയാണ്. അപ്പോഴാണ് ചുമതലയേറ്റ കാര്യത്തിൽ കാരണം കാണിക്കൽ നോട്ടീസ് അയച്ചിരിക്കുന്നത് എന്നതാണ് ഏറെ ശ്രദ്ധേയമായ കാര്യം. അടുത്തിടെ സിസയെ സാങ്കേതിക വിദ്യാഭ്യാസവകുപ്പിൽ നിന്നും മാറ്റിയിരുന്നു. എന്നാൽ പകരം നിയമനം കൊടുത്തിരുന്നില്ല. സിസയുടെ പരാതിയിൽ അഡ്മിനിസ്ട്രേറ്റീവ് ട്രിബ്യൂണൽ തിരുവനന്തപുരത്ത് നിയമിക്കാൻ ഉത്തരവിടുകയും ചെയ്തു എന്നതും ശ്രദ്ധേയമായ കാര്യമാണ്.

സിസയെ സാങ്കേതിക വിദ്യാഭ്യാസ വകുപ്പ് സീനിയർ ജോയിന്റ് ഡയറക്ടർ സ്ഥാനത്തു നിന്ന് മാറ്റിയിട്ട് പകരം നിയമനം കൊടുത്തില്ല . സിസ തോമസിനെ ഗവർണർ കെടിയു വിസിയാക്കിയത് സാങ്കേതിക വകുപ്പിൽ സീനിയർ ജോയിന്‍റ് ഡയറക്ടറായിരിക്കവെയാണ്. നിലവിൽ വിസി സ്ഥാനത്ത് തുടരുന്നതിന് സിസ തോമസിന് തടസ്സമില്ല. പക്ഷേ സാങ്കേതിക വിദ്യാഭ്യാസ വകുപ്പിലെ സിസ തോമസിന്റെ പുതിയ നിയമനം തിരുവനന്തപുരം ജില്ലയ്ക്ക് പുറത്താണെങ്കിൽ സാങ്കേതിക പ്രശ്നങ്ങൾ വർധിക്കാനുള്ള സാധ്യത വളരെ കൂടുതലാണ്.