മുഖ്യമന്ത്രി പിണറായി വിജയന്റെ കറുപ്പലര്‍ജ്ജി മാറ്റാന്‍ കേന്ദ്രത്തില്‍ നിന്ന് ആള് വരുന്നുണ്ട്. കറുപ്പ് എങ്ങനെയാണ് കേരളത്തിലെ ഭരണകക്ഷിക്കും മുഖ്യമന്ത്രിക്കും ഭീഷണിയാകുന്നത്. ഇനി കേരളത്തിലെത്തുമ്പോള്‍ കറുത്ത സാരി ധരിക്കും. പിണറായിയെ വെല്ലുവിളിച്ച് ദേശീയ വനിതാ കമ്മീഷന്‍ അധ്യക്ഷ രേഖ ശര്‍മ. കേന്ദ്രത്തിലെ പെണ്ണുങ്ങള്‍ വരെ ഇരട്ടച്ചങ്കനെ ഭീഷണിപ്പെടുത്തി തുടങ്ങി. മുഖ്യന്റെ കറുപ്പലര്‍ജ്ജി അങ്ങ് കേന്ദ്രത്തിലും ചര്‍ച്ചയാണ്. കറുപ്പ് കണുമ്പോള്‍ കാണിച്ച് കൂട്ടിയ പേക്കൂത്തുകള്‍ ദേശീയ മാധ്യമങ്ങളിലൊക്കെ ചര്‍ച്ചയായിരുന്നു. കരിങ്കൊടി കാണിച്ചതിന് പെണ്‍കുട്ടികളെ പോലീസ് തല്ലിച്ചതയ്ക്കുന്നു. ഇത് നടക്കുന്നത് സ്ത്രീ സ്വാതന്ത്ര്യം വിളമ്പുന്ന സര്‍ക്കാര്‍ ഭരിക്കുന്നൊരു നാട്ടില്‍. രേഖ ശര്‍മ്മ പൊട്ടിത്തെറിക്കുകയായിരുന്നു. ഏതായാലും കേന്ദ്രത്തില്‍ നിന്നും കറുപ്പണിഞ്ഞ് ആളെത്തുന്നുണ്ട് മുഖ്യ. ഇനി നമ്മള്‍ എന്ത് ചെയ്യും മല്ലയ്യാ. വലിയ ട്രോളാണ് സര്‍ക്കാരിന് നേരെ.

കറുപ്പ് എങ്ങനെയാണ് കേരളത്തിലെ ഭരണകക്ഷിക്കും മുഖ്യമന്ത്രിക്കും ഭീഷണിയാകുന്നതെന്നു രേഖ ശര്‍മ രോഷത്തോടെ ചോദിക്കുന്നു. അങ്ങനെയെങ്കില്‍ അടുത്ത തവണ കേരളം സന്ദര്‍ശിക്കുമ്പോള്‍ കറുത്ത സാരി ധരിക്കുമെന്നും മാധ്യമങ്ങളോടു സംസാരിക്കവെ രേഖ ശര്‍മ വ്യക്തമാക്കി. പുരുഷ പൊലീസുകാര്‍ വനിതകളെ മര്‍ദിക്കുന്ന സാഹചര്യം നിലനില്‍ക്കുന്നുണ്ട്. പൊലീസോ സംസ്ഥാന സര്‍ക്കാരോ ഇക്കാര്യത്തില്‍ നടപടിയെടുക്കാത്തതാണ് ഈ പ്രവണത കൂടാന്‍ കാരണം. സ്ത്രീ ശാക്തീകരണത്തെക്കുറിച്ച് മുഖ്യമന്ത്രി വാചാലനായ ഒരു സംസ്ഥാനത്ത് എന്തുകൊണ്ടാണ് ഇത്തരം സംഭവങ്ങള്‍ ആവര്‍ത്തിക്കുന്നതെന്നും രേഖ ശര്‍മ ചോദിച്ചു. കോഴിക്കോട് യുവമോര്‍ച്ച പ്രവര്‍ത്തകയെ പൊലീസുകാര്‍ മര്‍ദിക്കുന്ന ചിത്രവും അധ്യക്ഷ ഉയര്‍ത്തിക്കാട്ടി. പതിക്കെതിരെ സ്ത്രീത്വത്തെ അപമാനിച്ചതിനും പട്ടിക ജാതി പീഡന നിരോധന നിയപ്രകാരവും കേസെടുക്കണമെന്ന് രേഖ ശര്‍മ ആവശ്യപ്പെട്ടു. യൂണിഫോമിലാണ് ഇയാള്‍ അതിക്രമം നടത്തിയത്. സംസ്ഥാനത്ത് ഗാര്‍ഹിക കുറ്റകൃത്യങ്ങളുടെ എണ്ണം കൂടിവരികയാണ്. വയനാട് പോലെ ആദിവാസി സമൂഹങ്ങള്‍ ഏറെയുള്ള ജില്ലകളിലാണ് ഇത്തരം കുറ്റകൃത്യങ്ങള്‍ കൂടുന്നത്. കേരളത്തില്‍ നിന്ന് വിദേശത്തേക്കുപോയി ജോലി ചെയ്യുന്ന സ്ത്രീകള്‍ക്കെതിരെ നടക്കുന്ന അതിക്രമങ്ങള്‍ കൂടിയതായും രേഖാ ശര്‍മ പറഞ്ഞു.

അങ്ങനെ പിണറായി സര്‍ക്കാരിനെ മുള്‍മുനയില്‍ നിര്‍ത്തിയിരിക്കുകയാണ് രേഖ ശര്‍മ്മ. നമ്പര്‍ വണ്‍ സംസ്ഥാനമെന്ന് പുട്ടിന് പീര പോലെ ഇടയ്ക്കിടെയുള്ള പിണറായി സര്‍ക്കാര്‍ തള്ള് പൊളിച്ചടുക്കി കൈയ്യില്‍ക്കൊടുത്തു വനിത കമ്മീഷന്‍ അദ്ധ്യക്ഷ. പുറത്തിറങ്ങുമ്പോള്‍ കറുപ്പ് കാണാതിരിക്കാന്‍ മുക്കിന് മുക്കിന് പോലീസിനെ ഇറക്കിയിരിക്കുകയാണ് ആഭ്യന്തര വകുപ്പ്. അതിന് ജനങ്ങളെക്കൂടി ബുദ്ധിമുട്ടിക്കുന്നു. കറുപ്പ് പ്രതിഷേധവുമായ് വരുന്ന സ്ത്രീകളേയും പെണ്‍കുട്ടികളേയും പോലീസ് തല്ലിച്ചതയ്ക്കുന്നു. കുഞ്ഞുങ്ങള്‍ക്ക് മരുന്ന് വാങ്ങാന്‍ പുറത്തിറങ്ങിയവരെ വരെ പോലീസ് വിരട്ടിയോടിക്കുന്നു. കറുപ്പിട്ട് പുറത്തിറങ്ങുന്ന ചെറുപ്പക്കാരെ മണിക്കൂറുകള്‍ തടഞ്ഞുവെക്കുക. അങ്ങനെ തികഞ്ഞ ആരാജകത്വം. മുഖ്യമന്ത്രിയുടെ കറുപ്പലര്‍ജ്ജിക്ക് ജനങ്ങള്‍ വലിയ വില കൊടുക്കേണ്ടി വരുന്നു. ഏതായാലും അതിന് കേന്ദ്രത്തില്‍ നിന്നാണ് ശബ്ദം ഉയര്‍ന്നിരിക്കുന്നത്. വരുന്നുണ്ട് അതും കറുപ്പിട്ട് തന്നെ വരുന്നുണ്ടെന്ന് വെല്ലുവിളി. എന്തുചെയ്യുമെന്ന് ഒന്നറിയണം. പോലീസിനെ ഇറക്കുമോ തല്ലിച്ചതക്കുമോ സര്‍ക്കാരെ. അങ്ങനെ കേന്ദ്രത്തിലെ പെണ്ണുങ്ങളില്‍ നിന്നും ഇരന്ന് വാങ്ങുകയാണ് പിണറായി സഖാവ്.