സാമാന്യ ബുദ്ധിയുള്ള ആര്ക്കും ഇക്കാര്യം മനസ്സിലാക്കാമെന്നിരിക്കെ ഇതിന്റെ പേരില് പാര്ട്ടിക്കും, സര്ക്കാരിനുമെതിരെ കള്ള പ്രചാരവേലകള് അഴിച്ചുവിടാനാണ് പ്രതിപക്ഷ പാര്ട്ടികളും, ചില മാധ്യമങ്ങളും ശ്രമിക്കുന്നത്.
സിപിഎം എന്ന പാര്ട്ടിയും അതിന്റെ നേതാക്കളും പറയുന്നത് അക്ഷരം പ്രതി അനുസരിക്കുകയും വിശ്വസിക്കുകയും ചെയ്യുന്നവരാണ് കേരളത്തിലെ മൂന്നരക്കോടി ജനങ്ങളെന്ന് സിപിഎം നേതാക്കള് തെറ്റിദ്ധരിച്ചിരിക്കുകയാണ്. പാര്ട്ടി അംഗങ്ങളെ പൊട്ടന്മാരാക്കുന്നതുപോലെ എല്ലാവരേയും പൊട്ടന്മാരും അടിമക്കുട്ടങ്ങളും ആക്കാമെന്ന ധാരണയിലാണ് ഇന്നലെ സിപിഎം സംസ്ഥാന സെക്രട്ടറിയേറ്റ് സ്വപ്ന സുരേഷിന്റെ ആരോപണത്തിനെതിരെയുള്ള പത്രക്കുറിപ്പിറക്കിയത്. പത്രക്കുറിപ്പിലെ കോമഡികള് സിപിഎം ബോധപൂര്വ്വമാണ് സൃഷ്ടിച്ചെതെന്ന് വ്യക്തം. കാരണം വെറെ ആര് വിശ്വസിച്ചില്ലെങ്കിലും പാര്ട്ടിക്കാര് തൊണ്ട തൊടാതെ വിഴുങ്ങിക്കൊള്ളുമെന്ന് എ.കെ.ജി സെന്ററിലിരിക്കുന്ന തലനരച്ച സഖാക്കള്ക്കറിയാം.
ഏറെ വിചിത്രമാണ് സിപിഎം സംസ്ഥാന സെക്രട്ടറിയേറ്റ് പുറപ്പെടുവിച്ച പത്രകുറിപ്പാണ്. കേരളവും കടന്ന് വിവാദമായി കൊണ്ടിരിക്കുന്ന ഒരു കേസിന് സിപിഎം സെക്രട്ടറിയേറ്റ് മറുപടി തയ്യാറാക്കുമ്പോള് സാമാന്യബോധമെങ്കിലും ഉപയോഗിക്കേണ്ടതല്ലെയെന്ന സംശയമാണുയരുന്നത്. ഇന്നലെ ഏ.കെ.ജി സെന്ററില് നിന്നിറക്കിയ പത്രക്കുറിപ്പിന്റെ ആദ്യ ഭാഗത്ത് പറഞ്ഞു തുടങ്ങുന്നത് സ്വര്ണ്ണക്കള്ളക്കടത്ത് കേസ് പന്വലിക്കാന് മുപ്പത് കോടി വാഗ്ദാനം നല്കിയെന്ന പ്രതിയുടെ ആരോപണം നട്ടാല് കുരുക്കാത്ത നുണയാണെന്നാണ് സിപിഎം സംസ്ഥാന സെക്രട്ടറിയേറ്റ് പുറപ്പെടുവിച്ച പത്രക്കുറിപ്പിലുള്ളത്. പത്രക്കുറിപ്പ് കയ്യില് കിട്ടിയ മാധ്യമ പ്രവര്ത്തകര് നേതാക്കളെ ബന്ധപ്പെട്ടെങ്കിലും പിശക് തിരുത്താന് തയ്യാറായിട്ടില്ല.
സ്വര്ണക്കടത്ത് കേസ് പ്രതി സ്വപ്ന സുരേഷിന്റെ പുതിയ വെളിപ്പെടുത്തല് അസംബന്ധമെന്നാണ് സിപിഎം പറയുന്നത്. സ്വര്ണ്ണക്കള്ളക്കടത്ത് കേസില് പ്രതിക്കെതിരെ കേസെടുത്തിരിക്കുന്നത് കേന്ദ്ര ഏജന്സികളാണ്. കേന്ദ്ര ഏജന്സികളെടുത്ത കേസില് സംസ്ഥാന സര്ക്കാരിന് ഒന്നും ചെയ്യാനില്ലെന്ന കാര്യം സാമാന്യ ബുദ്ധിയുള്ള ആര്ക്കും അറിയാവുന്നതാണ്. എന്നിട്ടും സംസ്ഥാന ഭരണത്തിന് നേതൃത്വം നല്കുന്ന പാര്ട്ടി എന്ന നിലയില് അവ പിന്വലിക്കാന് വാഗ്ദാനം നല്കിയെന്നത് നട്ടാല് പൊടിക്കാത്ത നുണയാണെന്ന് സിപിഎം സംസ്ഥാന സെക്രട്ടറിയേറ്റ് പ്രസ്താവനയില് പറഞ്ഞു.
സാമാന്യ ബുദ്ധിയുള്ള ആര്ക്കും ഇക്കാര്യം മനസ്സിലാക്കാമെന്നിരിക്കെ ഇതിന്റെ പേരില് പാര്ട്ടിക്കും, സര്ക്കാരിനുമെതിരെ കള്ള പ്രചാരവേലകള് അഴിച്ചുവിടാനാണ് പ്രതിപക്ഷ പാര്ട്ടികളും, ചില മാധ്യമങ്ങളും ശ്രമിക്കുന്നത്. ചില മാധ്യമങ്ങളും, പ്രതിപക്ഷവും എല്ലാം ചേര്ന്ന് തയ്യാറാക്കുന്ന ഈ തിരക്കഥകളില് ഇനിയും പുതിയ കഥകള് കൂട്ടിച്ചേര്ക്കപ്പെടുമെന്ന് ഇതുവരെ നടന്ന സംഭവങ്ങള് വ്യക്തമാക്കുന്നുണ്ട്.
തദ്ദേശ സ്വയംഭരണ തെരഞ്ഞെടുപ്പ് നടക്കുന്ന ഘട്ടത്തിലും, നിയമസഭാ തെരഞ്ഞെടുപ്പ് നടക്കുന്ന ഘട്ടത്തിലും ഇതുമായി ബന്ധപ്പെട്ട് നടത്തിയ എല്ലാ പ്രചരണങ്ങളേയും കേരളത്തിലെ പ്രബുദ്ധജനത തള്ളിക്കളഞ്ഞതാണ്. അവരുടെ മുമ്പിലാണ് ഇത്തരം നുണകളുമായി വീണ്ടും ഇറങ്ങിപ്പുറപ്പെട്ടിരിക്കുന്നതെന്ന് അപവാദപ്രചരണക്കാര് മനസ്സിലാക്കണമെന്നും സെക്രട്ടറിയേറ്റ് പ്രസ്താവനയില് പറഞ്ഞു. എന്നാല് ്സ്വപ്നസുരേഷ് നടത്തിയ അപവാദ പ്രചരണമാണെങ്കില് നിയമനടപടി സ്വീകരിക്കുമെന്നോ ഇല്ലെന്നോ പ്രസ്താവനയില് പറയുന്നില്ല. ഗോവിന്ദന് മാസ്റ്റര് കേസ് കൊടുക്കുമെന്ന് പ്രഖ്യാപിച്ച വിവരവുമില്ല.
പത്രക്കുറിപ്പില് പറയുന്നതുപാേലെ സ്വര്ണ്ണകള്ളക്കടത്ത് കേസ് ഒത്തുതീര്പ്പാക്കമെന്ന വിഷയമല്ല സ്വപ്നയും വിജേഷ് പിള്ളയും ചര്ച്ച ചെയ്തത്. കേരളത്തിലെ മുഖ്യമന്ത്രിക്കും കുടുംബത്തിനും എതിരെ ഉയര്ത്തുന്ന വെല്ലുവിളികള് അവസാനിപ്പിക്കാനാണ് സ്്വപ്നയ്ക്ക് മുപ്പത് കോടി വാഗ്ദാനം നല്കിയത്. മറ്റേതെങ്കിലും രാജ്യത്ത് പോയി ജീവിക്കാനുള്ള അവസരവുമൊരുക്കുമെന്നാണ് പറഞ്ഞിരുന്നത്. മുഖ്യനെതിരെ വന്ന കാര്യങ്ങളൊന്നും സിപിഎം അറിഞ്ഞമട്ടില്ല. ജനങ്ങളെ തെറ്റിദ്ധരിപ്പിക്കാനുള്ള പ്രസ്താവനയിറക്കി സിപിഎം വീണ്ടും അപഹാസ്യരായി മാറികൊണ്ടിരിക്കുകയാണ്. സ്വപ്ന സുരേഷ് ഇപ്പോള് ഇരട്ടചങ്കന്റെ റോളിലാണ് കളിക്കുന്നത്.
ഗോവിന്ദന് മാനനഷ്ടത്തിന് കേസ് കൊടുക്കുമെന്ന് പ്രഖ്യാപിച്ചതിനെ സ്വാഗതം ചെയ്ത സ്വപ്ന അദ്ദേഹത്തിന് ചെറിയൊരു ഉപദേശം കൂടി നല്കുന്നുണ്ട്. കഴിയുമെങ്കില് മുഖ്യമന്ത്രി പിണറായി വിജയനോട് കൂടി കേസ് കൊടുക്കാന് പറയണം. അല്ലെങ്കില് അദ്ദേഹത്തിനെ കൊണ്ട് കൂടി എനിക്കെതിരെ കേസ് കൊടുപ്പിക്കണം. മാനം നഷ്ടപ്പെട്ടെങ്കില് അത് ചെയ്യണം എന്നാണ് സ്വപ്ന ആവര്ത്തിച്ച് ആവശ്യപ്പെട്ടു കൊണ്ടിരിക്കുന്നത്. ഇതേ ആവശ്യമാണ് പ്രതിപക്ഷവും ഉയര്ത്തുന്നത്.
https://www.facebook.com/Malayalivartha
