സംസ്ഥാനത്തുണ്ടായ കനത്ത മഴയിലും കാറ്റിലും രണ്ടു മരണം... മരങ്ങളും ഇലക്ട്രിക് പോസ്റ്റുകളും ഒടിഞ്ഞുവീണാണ് ഏറെ നാശനഷ്ടം, വരും മണിക്കൂറുകളില് എട്ട് ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും കാറ്റിനും സാധ്യത
സംസ്ഥാനത്തുണ്ടായ കനത്ത മഴയിലും കാറ്റിലും രണ്ടു മരണം... മരങ്ങളും ഇലക്ട്രിക് പോസ്റ്റുകളും ഒടിഞ്ഞുവീണാണ് ഏറെ നാശനഷ്ടം, വരും മണിക്കൂറുകളില് എട്ട് ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും കാറ്റിനും സാധ്യത
കൊട്ടാരക്കരയില് റബര് മരം വീണ് സ്ത്രീക്ക് ദാരുണാന്ത്യം. ഇഞ്ചക്കാട് സ്വദേശി ലളിതകുമാരി (62) ആണ് മരിച്ചത്. അടൂരില് മരം വീണ് സ്കൂട്ടര് യാത്രക്കാരന് നെല്ലിമുകള് സ്വദേശി മനുമോഹന് മരിച്ചു. . കനത്തമഴയ്ക്ക് പിന്നാലെ അടൂരില് ആലിപ്പഴം വീഴ്ചയും ഉണ്ടായി.
കൊട്ടാരക്കരയില് കനത്തമഴയില് വ്യാപക നാശനഷ്ടമാണ് റിപ്പോര്ട്ട് ചെയതിട്ടുള്ളത്. കാറ്റത്ത് പെട്രോള് പമ്പിന്റെ മേല്ക്കൂര തകര്ന്നു. പൊലീസ് സ്റ്റേഷനില് നിര്ത്തിയിട്ടിരുന്ന കാറുകള്ക്ക് മുകളില് മരം വീണു.ഏനാക്ക് വീടിന്റെ മേല്ക്കൂര പറന്നുപോയി. കൊട്ടാരക്കര പ്രസ് സെന്ററിന്റെ മേല്ക്കൂര പറന്നുപോയി. വരും മണിക്കൂറുകളില് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട് എന്നി ജില്ലകളില് ഒറ്റപ്പെട്ടയിടങ്ങളില് ഇടിയോടു കൂടിയ മഴയ്ക്കും മണിക്കൂറില് 40 കിലോമീറ്റര് വരെ വേഗതയില് വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് പ്രവചിച്ച് കേന്ദ്ര കാലാവസ്ഥ വകുപ്പ്.
https://www.facebook.com/Malayalivartha
