ഡ്രൈവറുടെ സമയോചിത ഇടപെടല് വന് ദുരന്തം ഒഴിവായി....ബ്രേക്ക് നഷ്ടമായ കെ.എസ്.ആര്.ടി.സി. ബസ് ഡ്രൈവറുടെ മനോധൈര്യത്തില് സുരക്ഷിതമായി മതിലില് ഇടിച്ചുനിര്ത്തി, യാത്രക്കാര് സുരക്ഷിതര്
ഡ്രൈവറുടെ സമയോചിത ഇടപെടല് വന് ദുരന്തം ഒഴിവായി....ബ്രേക്ക് നഷ്ടമായ കെ.എസ്.ആര്.ടി.സി. ബസ് ഡ്രൈവറുടെ മനോധൈര്യത്തില് സുരക്ഷിതമായി മതിലില് ഇടിച്ചുനിര്ത്തി, യാത്രക്കാര് സുരക്ഷിതര്
ഡ്രൈവര് പാണ്ടിക്കടവ് സ്വദേശി അണിയപ്രവന് ജമാലുദ്ദീനാണ് സമയോചിത ഇടപെടലിലൂടെ വലിയ അപകടം ഒഴിവാക്കിയത്. സുല്ത്താന് ബത്തേരിയില് നിന്ന് മാനന്തവാടിക്ക് വരുകയായിരുന്ന കെ.എസ്.ആര്ടി.സി. ബസിന്റെ ബ്രേക്കാണ് മാനന്തവാടി ഗവ. കോളേജിന് സമീപത്തുവെച്ച് നഷ്ടമായത്.
ചൊവ്വാഴ്ച ഉച്ചയ്ക്ക് രണ്ടരയോടെയായിരുന്നു സംഭവം നടന്നത്. ബ്രേക്ക് നഷ്ടമായ ഉടന്തന്നെ ജമാലുദ്ദീന് വാഹനങ്ങള്ക്ക് സിഗ്നല് നല്കി കടത്തിവിടുകയും എതിരെ വരികയായിരുന്ന കെ.എസ്.ആര്ടി.സി. ബസ് കൈകാണിച്ച് നിര്ത്തിക്കുകയും ചെയ്തശേഷം സുരക്ഷിതമായി സമീപത്തെ മതിലില് ബസ് ഇടിപ്പിച്ചുനിര്ത്തി.
ഇരുപതോളം യാത്രക്കാരാണ് ബസിലുണ്ടായിരുന്നത്. ബസ് മതിലില് ഇടിപ്പിച്ചുനിര്ത്തിയെങ്കിലും ആര്ക്കും പരിക്കില്ല. ബസിനും കാര്യമായ കേടുപാടുകളില്ല. ബ്രേക്ക് നഷ്ടമായ സ്ഥലത്തെ റോഡിന്റെ ഇടതുഭാഗത്ത് വയലാണ്. മുന്നിലൂടെ വാഹനങ്ങളും വരുന്നുണ്ടായിരുന്നു. ബ്രേക്ക് നഷ്ടമായ വിവരം കണ്ടക്ടറെയും യാത്രക്കാരെയും അറിയിച്ചില്ലെന്നും പകരം മുന്നിലെ വാഹനങ്ങള്ക്ക് കൈകൊണ്ട് കാണിച്ചും ലൈറ്റിട്ടും സിഗ്നല് നല്കി മതിലില് ഇടിപ്പിച്ചുമാണ് നിര്ത്തുകയാണ് ചെയ്തതെന്നും ജമാലുദ്ദീന്.
https://www.facebook.com/Malayalivartha
