ആനമറി ചെക്ക്പോസ്റ്റില്‍ വച്ച് ലോറിയില്‍ ഒളിപ്പിച്ചു കടത്തിക്കൊണ്ടു വന്ന മൂവായിരം കിലോ ഹാന്‍സ് എക്സൈസ് പിടികൂടിആനമറി ചെക്ക്പോസ്റ്റില്‍ വച്ച് ലോറിയില്‍ ഒളിപ്പിച്ചു കടത്തിക്കൊണ്ടു വന്ന മൂവായിരം കിലോ ഹാന്‍സ് എക്സൈസ് പിടികൂടി. പാലക്കാട് ജില്ലക്കാരായ അബ്ദുല്‍ ഷഫീഖ് (35 വയസ്സ് ), അബ്ദുല്‍ റഹിമാന്‍ (35 വയസ്സ് ) എന്നിവരെ അറസ്റ്റ് ചെയ്തു.

ഇവരുടെ കയ്യില്‍ നിന്ന് മതിയായ രേഖകളില്ലാത്ത ഒരു ലക്ഷത്തി ഇരുപത്തി ഒന്‍പതിനായിരം രൂപയും പിടിച്ചെടുത്തു. പാലക്കാട് ജില്ലയില്‍ വല്ലപ്പുഴ കേന്ദ്രീകരിച്ചു പ്രവര്‍ത്തിക്കുന്ന ലഹരി വില്പന സംഘത്തെ മാസങ്ങളോളം നിരീക്ഷിച്ചാണ് അതിവിദഗ്ദ്ധമായി ഒളിപ്പിച്ചു കടത്തിയ ഹാന്‍സ് പിടിച്ചെടുത്തത്.

ലോറിയുടെ പുറംഭാഗത്ത് പരിശോധനയില്‍ കാണുന്ന ഭാഗങ്ങളിലെല്ലാം ബിസ്‌ക്കറ്റ് പാക്കറ്റുകള്‍ അടുക്കി വച്ച് രാത്രി ഒരു മണിയോടെ ഹാന്‍സ് ലോഡ് ചെക്ക്പോസ്റ്റ് കടത്താനുള്ള ശ്രമമാണ് എക്സൈസ് തകര്‍ത്തത്.

എക്സൈസ് കമ്മീഷണറുടെ ഉത്തരമേഖല സ്‌ക്വാഡും, മലപ്പുറം എക്സൈസ് ഇന്റലിജന്‍സും, വഴിക്കടവ് എക്സൈസ് ചെക്ക്പോസ്റ്റ് സംഘവും സംയുക്തമായിട്ടാണ് പരിശോധന നടത്തിയത്.