മലപ്പുറത്ത് 16 കിലോ കഞ്ചാവുമായി ഒരാള് പിടിയില്
ഓപ്പറേഷന് തൂഫാനില് തിരൂര് കല്പകഞ്ചേരിയില് 16 കിലോ കഞ്ചാവുമായി ഒരാള് പിടിയിലായി. മുന്പ് നിരവധി ലഹരി കേസുകളില് പ്രതിയായിട്ടുള്ള കല്പകഞ്ചേരി കല്ലിങ്ങല് സ്വദേശിയായ അത്തിക്കപ്പറമ്പില് സെയ്തലവിയുടെ മകന് മുഹമ്മദ് ഹാഷി (23) മിനെയാണ് ആള്ട്ടോ കാറില് സൂക്ഷിച്ച 16 കിലോയില് അധികം കഞ്ചാവുമായി പിടികൂടിയത്. ജില്ലാ പോലീസ് മേധാവി ചൈത്ര തെരേസ ജോണിന്റെ നിര്ദ്ദേശപ്രകാരം തിരൂര് ഡാന്സാഫ് ടീമും താനൂര് ഡാന്സാഫ് ടീമും കല്പകഞ്ചേരി പോലീസും സംയുക്തമായി നടത്തിയ പരിശോധനയിലാണ് ഇയാള് പിടിയിലായത്.
പ്രദേശത്ത് ഏറ്റവും കൂടുതല് വിദ്യാഭ്യാസ സ്ഥാപനങ്ങള് ഉള്ള കല്പകഞ്ചേരി കേന്ദ്രീകരിച്ച് വില്പന നടത്താനുള്ളതാണ് കഞ്ചാവെന്ന് പ്രതി പോലീസിനോട് പറഞ്ഞു. വന്തോതില് എംഡിഎംഎ കൈവശം വെച്ചതിന് ഇയാള്ക്കെതിരെ മലപ്പുറം പോലീസ് സ്റ്റേഷനിലും കോട്ടക്കല് പോലീസ് സ്റ്റേഷനിലും കേസുകള് നിലവിലുണ്ട്. വില്പ്പനയ്ക്കുള്ള കഞ്ചാവ് കൈവശം വെച്ചതിന് പാലക്കാട് എക്സൈസ് ഇയാള്ക്കെതിരെ മുന്പ് കേസെടുത്തിരുന്നു.
https://www.facebook.com/Malayalivartha
