ശ്വേതാ മേനോന്റെ പോസ്റ്റിനെതിരെ പ്രതികരണവുമായി സംവിധായകന് വിനയന്
ഹേമ കമ്മറ്റിയിലെ ആരോപണ വിധേയരായവര്ക്കെതിരായ ശ്വേതാ മേനോന്റെ പോസ്റ്റില് പ്രതികരണവുമായി സംവിധായകന് വിനയന് രംഗത്ത്. ഫേസ് ബുക്ക് പോസ്റ്റിലൂടെയാണ് പ്രതികരണം. പോസ്റ്റിന്റെ പൂര്ണ്ണ രൂപം ഹേമക്കമ്മിറ്റി റിപ്പോര്ട്ടിനെ സപ്പോര്ട്ട് ചെയ്തും സിനിമയിലെ പവര് ഗ്രൂപ്പിനെ എതിര്ത്തും ശ്രീമതി ശ്വേതാമേനോന് പറയുന്ന കമന്റുകള് നിരവധി ഓണ്ലൈന് മാദ്ധ്യമങ്ങളില് വരുന്നുണ്ട്… അതില് കണ്ട ഒരു പോസ്റ്ററാണിത്.
ഇത് ശരിയാണങ്കില് വളരെ നല്ല കാര്യം.. പക്ഷേ ഇതേവരെ അമ്മയില് നിന്ന് ആരും ഹേമക്കമ്മിറ്റി റിപ്പോര്ട്ടനെ സപ്പോര്ട്ട് ചെയ്യുകയോ, ആ റിപ്പോര്ട്ട് മുഴുവന് പുറത്തു വിടണമെന്നു പറയുകയോ ചെയ്തതായി കണ്ടിട്ടില്ല.. റിപ്പോര്ട്ടില് പറയുന്ന പവര് ഗ്രൂപ്പിനെതിരെ ആത്മാര്ത്ഥമായും നിങ്ങളാല് കഴിയുന്ന നടപടികളുമായി മുന്നോട്ടു പോകാന് അമ്മയുടെ പ്രസിഡന്റ് ശ്വേതാ മേനോന് തയ്യാറാണോ.? കാരണം അതിന്റെ നടപടികളൊക്കെ നിങ്ങളുടെ ആള്ക്കാര് തന്നെ തടഞ്ഞിരിക്കുകയാണല്ലൊ?
അന്വേഷണം പുനരാരംഭിക്കാന് സര്ക്കാരിനോട് നിങ്ങള് ആവശ്യപ്പെടുമോ? പത്തു പന്ത്രണ്ടു വര്ഷം സിനിമയിലെ എന്റെ കരിയര് തന്നെ ബ്ളോക്കു ചെയ്തതതും മഹാനടന് തിലകന് ചേട്ടനെ ഉള്പ്പടെ വിലക്കിയതും സിനിമയിലെ ഇതേ പവര്ഗ്രൂപ്പാണെന്ന് അതേ ഹേമക്കമ്മിറ്റി റിപ്പോര്ട്ടിന്റെ 141 മുതല് 144 വരെ പേജുകളില് വ്യക്തമാക്കിയിട്ടുള്ളതു കൊണ്ടു തന്നെ എനിക്കാ റിപ്പോര്ട്ടിന്മേലുള്ള നടപടിയില് താല്പര്യമുണ്ട്. നമ്മുടെ നികുതിപ്പണത്തില് നിന്നും ഒരു കോടിയിലേറെ രൂപ ചെലവു ചെയ്ത് ഉണ്ടാക്കിയ റിപ്പോര്ട്ട് ആണത്.
https://www.facebook.com/Malayalivartha
