കണ്ണീര്‍ക്കാഴ്ചയായി... കോട്ടയം കുമാരനല്ലൂരില്‍ ബൈക്ക് അപകടത്തില്‍ 3 യുവാക്കള്‍ക്ക് ദാരുണാന്ത്യം. തിരുവഞ്ചൂര്‍ സ്വദേശി പ്രവീണ്‍, സംക്രാന്തി സ്വദേശികളായ ആല്‍വിന്‍, ഫാറൂക്ക് എന്നിവരാണ് മരിച്ചത്.

കുമാരനല്ലൂര്‍ കൊച്ചാലും ചുവട്ടില്‍ വൈകിട്ടാണ് അഞ്ചരയോടെയാണ് അപകടം നടന്നത്. അമിത വേഗതയില്‍ വന്ന ഡ്യൂക്ക് ബൈക്ക് ടോറസ് ലോറിയില്‍ ഇടിച്ചാണ് അപകടമുണ്ടായത്. മൂന്നു പേരും സഞ്ചരിച്ചത് ഒരു ബൈക്കിലായിരുന്നു.

ബൈക്ക് അമിതവേഗതയിലായിരുന്നുവെന്ന് ദൃക്‌സാക്ഷികള്‍ പറയുന്നു. ബൈക്ക് എതിര്‍വശത്ത് കൂടി വന്നിരുന്ന ലോറിയില്‍ ഇടിക്കുകയായിരുന്നു. സംഭവ സ്ഥലത്തുതന്നെ മൂവര്‍ക്കും ജീവന്‍ നഷ്ടമായി. ഇവരുടെ മൃതദേഹം കോട്ടയം മെഡിക്കല്‍കോളേജിലേക്ക് മാറ്റി.