വാര്ഷിക വായ്പ വെട്ടിക്കുറയ്ക്കുന്നതിനെതിരെ കേരളം സുപ്രീം കോടതിയെ സമീപിക്കാന് ഒരുങ്ങുന്നു.... കേരളത്തിന് രണ്ട് ശതമാനം വായ്പയെടുക്കാനുള്ള അവകാശമേയുള്ളൂവെന്ന് കേന്ദ്രം; കേന്ദ്ര സര്ക്കാരിനു വായ്പാ പരിധി വെട്ടിക്കുറയ്ക്കാന് അവകാശമുണ്ടോ?
സംസ്ഥാനത്തിന്റെ വാര്ഷിക വായ്പ വെട്ടിക്കുറയ്ക്കുന്നതിനെതിരെ കേരളം സുപ്രീം കോടതിയെ സമീപിക്കാന് ഒരുങ്ങുന്നു. മുന് ധനമന്ത്രി ഡോ. തോമസ് ഐസക്കാണ് ഇക്കാര്യം ഫേസ്ബുക്ക് കുറിപ്പിലൂടെ അറിയിച്ചത്. നടപ്പുവര്ഷം ഫിനാന്സ് കമ്മീഷന് തീര്പ്പു പ്രകാരം കേരളത്തിന് സംസ്ഥാന ജിഡിപിയുടെ മൂന്ന് ശതമാനം വായ്പയെടുക്കാന് അവകാശമുണ്ട്. പാര്ലമെന്റ് അംഗീകരിച്ച ആക്ഷന് ടേക്കണ് റിപ്പോര്ട്ടിലും ഉള്പ്പെട്ടിട്ടുണ്ട്.
എന്നാല് ഇപ്പോള് കേരളത്തിന് രണ്ട് ശതമാനം വായ്പയെടുക്കാനുള്ള അവകാശമേയുള്ളൂവെന്നാണ് കേന്ദ്ര സര്ക്കാര് പറയുന്നത്. ഇത്തരത്തില് കേന്ദ്ര സര്ക്കാരിനു വായ്പാ പരിധി വെട്ടിക്കുറയ്ക്കാന് അവകാശമുണ്ടോ എന്നതാണു ചോദ്യമെന്നും തോമസ് ഐസക് കുറിപ്പില് പറയുന്നു.
13ന് കേരള സര്ക്കാര് പുറത്തിറക്കിയ ഉത്തരവു പ്രകാരം സംസ്ഥാനത്തിന്റെ ഭരണഘടനാപരമായ അവകാശങ്ങള് സംരക്ഷിക്കുന്നതിന് സുപ്രീം കോടതിയെ സമീപിക്കുന്നതിനും കെ.കെ. വേണുഗോപാലിനെ നിയമോപദേശത്തിനു സമീപിക്കുന്നതിനും അഡ്വക്കേറ്റ് ജനറലിനെ ചുമതലപ്പെടുത്തിയിരിക്കുകയാണെന്നും അദ്ദേഹം പറഞ്ഞു.
https://www.facebook.com/Malayalivartha
