മിണ്ടാട്ടം മുട്ടി കോണ്ഗ്രസ്... കെപിസിസി പ്രസിഡന്റ് കെ.സുധാകരന്റെ അറസ്റ്റുമായി ബന്ധപ്പെട്ടു കഴിഞ്ഞ ദിവസം നടത്തിയ പ്രതികരണത്തില് മുഖ്യമന്ത്രി പിണറായി വിജയനെ 'മുണ്ട് മോദി' എന്ന് കോണ്ഗ്രസ് ജനറല് സെക്രട്ടറി ജയറാം രമേശ് വിളിച്ചതില് സിപിഎം കേന്ദ്ര നേതൃത്വത്തിന് അതൃപ്തി; ഇനി വിളിച്ചാല് കളി മാറും
ലോക്സഭാ തെരഞ്ഞെടുപ്പിനായുള്ള പ്രതിപക്ഷ ഐക്യം നടന്നപ്പോഴാണ് കേരളത്തില് സുധാകരന്റെ അറസ്റ്റും മുണ്ടു മോദിയെന്ന പരാമര്ശവും വന്നത്. ബിഹാറിലെ പട്നയില് രൂപപ്പെട്ട പ്രതിപക്ഷ ഐക്യം, മണിപ്പുര് കലാപം ഉള്പ്പെടെയുള്ള വിഷയങ്ങള് എന്നിവ ചര്ച്ച ചെയ്യാന് സിപിഎം പൊളിറ്റ് ബ്യൂറോ (പിബി) യോഗത്തില് വിമര്ശനം. പട്നയില് നടന്ന പ്രതിപക്ഷ യോഗത്തിലെ വിശദാംശങ്ങള് ജനറല് സെക്രട്ടറി സീതാറാം യച്ചൂരി വിശദീകരിച്ചു.
കെപിസിസി പ്രസിഡന്റ് കെ.സുധാകരന്റെ അറസ്റ്റുമായി ബന്ധപ്പെട്ടു കഴിഞ്ഞ ദിവസം നടത്തിയ പ്രതികരണത്തില് മുഖ്യമന്ത്രി പിണറായി വിജയനെ 'മുണ്ട് മോദി' എന്ന് കോണ്ഗ്രസ് ജനറല് സെക്രട്ടറി ജയറാം രമേശ് വിളിച്ചതില് സിപിഎം കേന്ദ്ര നേതൃത്വത്തിന് അമര്ഷമുണ്ട്. സംസ്ഥാന വിഷയത്തില് കോണ്ഗ്രസിന്റെ ദേശീയ നേതാവ് ഇത്തരത്തില് പ്രതികരിച്ചത് പ്രതിപക്ഷ ഐക്യത്തിനു ഭൂഷണമല്ല എന്നാണു പാര്ട്ടിയുടെ വിലയിരുത്തല്. ഇതേ പേര് വിളിച്ച് പിണറായിയെ മുന്പും ജയറാം രമേശ് വിമര്ശിച്ചിട്ടുണ്ട്.
ഇന്നു കൂടി നടക്കുന്ന പിബി യോഗത്തില് പിണറായി വിജയന് പങ്കെടുക്കുന്നില്ല. കേരളത്തില് നിന്ന് സംസ്ഥാന സെക്രട്ടറി എം.വി. ഗോവിന്ദന്, എം.എ.ബേബി, എ.വിജയരാഘവന് എന്നിവര് പങ്കെടുക്കുന്നുണ്ട്.
അതേസമയം ആരെങ്കിലും കള്ളക്കേസ് എടുത്താല് രാജി വയ്ക്കാനുള്ളതല്ല കെപിസിസി പ്രസിഡന്റ് സ്ഥാനമെന്ന് കെ.സി. വേണുഗോപാല് പറഞ്ഞു. വ്യാജ പുരാവസ്തു കേസില് അറസ്റ്റ് ചെയ്തതിന്റെ പശ്ചാത്തലത്തില് വേണമെങ്കില് കെപിസിസി അധ്യക്ഷ സ്ഥാനം ഒഴിയാനും തയാറാണെന്ന് സുധാകരന് പറഞ്ഞതിനോടു പ്രതികരിക്കുകയായിരുന്നു വേണുഗോപാല്.
പിണറായിയും സിപിഎമ്മും നടത്തുന്ന വേട്ടയ്ക്കിരയാകാന് സുധാകരനെ കിട്ടില്ല. കെ.സുധാകരനെതിരെയുള്ള കേസിനെ, സര്ക്കാരിന്റെ അഴിമതികള്ക്കെതിരെ കെ.സുധാകരന് നടത്തുന്ന പോരാട്ടങ്ങളോടുള്ള പകപോക്കലായാണ് കോണ്ഗ്രസ് കാണുന്നത്. പട്നയില് പ്രതിപക്ഷ കക്ഷികളുടെ യോഗം നടന്ന ദിവസം തന്നെ സുധാകരനെ അറസ്റ്റ് ചെയ്യിച്ചത് മോദിയെ പ്രീതിപ്പെടുത്താനാണെന്നും അദ്ദേഹം ആരോപിച്ചു. മണിപ്പുര് ഐക്യദാര്ഢ്യ സദസ്സ് ഉദ്ഘാടനം ചെയ്യാനെത്തിയ കെസി മാധ്യമപ്രവര്ത്തകരോടു സംസാരിക്കുകയായിരുന്നു.
കെ.സുധാകരന് എതിരെ പൊലീസ് കെട്ടിച്ചമച്ച കേസ് കോടതിയില് എത്തുമ്പോള് തള്ളിപ്പോകുമെന്ന് മുതിര്ന്ന കോണ്ഗ്രസ് നേതാവ് എ.കെ. ആന്റണി പറഞ്ഞു. ആ ഘട്ടത്തില് പിണറായി വിജയനും എം.വി. ഗോവിന്ദനുമെല്ലാം വല്ലാതെ കഷ്ടപ്പെടും. എല്ലാ പ്രതിസന്ധികളേയും അതിജീവിച്ച് പാര്ട്ടി ഒറ്റക്കെട്ടായി നീങ്ങുമെന്നും അദ്ദേഹം ഇന്ദിരാഭവനില് പറഞ്ഞു.
കോടതിയില് പൂര്ണവിശ്വാസമുണ്ടെന്നും ആവശ്യമെങ്കില് കെപിസിസി അധ്യക്ഷപദവിയില്നിന്ന് മാറിനില്ക്കുമെന്നും കെ.സുധാകരന് പറഞ്ഞിരുന്നു. കെ.സുധാകരനെ മാറ്റിനിര്ത്തുന്നത് പാര്ട്ടി ആലോചിച്ചിട്ടില്ലെന്ന് വി.ഡി.സതീശന് പറഞ്ഞിരുന്നു. സുധാകരന് മാറാന് തയാറായാല്പോലും സമ്മതിക്കില്ല. സുധാകരനെ ഒരു കോണ്ഗ്രസുകാരനും പിന്നില്നിന്ന് കുത്തില്ലെന്നും വി.ഡി.സതീശന് പറഞ്ഞു.
മോന്സന് മാവുങ്കല് മുഖ്യപ്രതിയായ വ്യാജ പുരാവസ്തു തട്ടിപ്പു കേസിലെ കൂട്ടുപ്രതി ഐജി: ജി.ലക്ഷ്മണിനെ ചോദ്യം ചെയ്യുന്നത് അടുത്തമാസം. കേസിലെ മൂന്നാംപ്രതിയാണ് ലക്ഷ്മണ്. കെ.സുധാകരന് രണ്ടാം പ്രതിയും. കേസില് സുധാകരനു ലഭിച്ചതിനു സമാനമായ ഇടക്കാല ജാമ്യമാണു ലക്ഷ്മണിനും ലഭിച്ചിട്ടുള്ളത്. ഈ സമയപരിധിയില് ചോദ്യം ചെയ്യാന് നോട്ടിസ് നല്കിയാല് ലക്ഷ്മണിനും ജാമ്യം നല്കേണ്ടിവരും.
തട്ടിപ്പില് ലക്ഷ്മണിന്റെ പങ്കാളിത്തം സുധാകരനെക്കാള് ഗൗരവമുള്ളതാണ്. മുന് ഡിജിപി ലോക്നാഥ് ബെഹ്റ, ഐജി ലക്ഷ്മണ് എന്നിവര്ക്കു മോന്സനോടുണ്ടായിരുന്ന അടുപ്പമാണു തന്നെപ്പോലുള്ള പൊതുപ്രവര്ത്തകരെ തെറ്റിദ്ധരിപ്പിച്ചതെന്നാണു സുധാകരന്റെ മൊഴി.
"
https://www.facebook.com/Malayalivartha
