ചാണ്ടി ഉമ്മന്‍ പുതുപ്പള്ളിയില്‍ സ്ഥാനാര്‍ത്ഥിയായ് നിന്നത് മുതല്‍ തുടങ്ങിയതാണ് സിപിഎമ്മുകാരുടെ രോദനം. ചാണ്ടി ഉമ്മന്‍ ഉമ്മന്‍ ചാണ്ടിയെ അനുകരിക്കുന്നു. മുടി ചീകുന്നില്ല, ചെരുപ്പിടുന്നില്ല, പുതുപ്പള്ളി പള്ളിയില്‍ ചെന്ന് പടിയിലിരിക്കുന്നു. എല്ലാം ഉമ്മന്‍ ചാണ്ടിയെ അനുകരിക്കലാണ്. സഹതാപ തരംഗം ഊട്ടിയുറപ്പിക്കുകയാണ് ചാണ്ടി എന്നും പറഞ്ഞ് കരച്ചിലോട് കരച്ചില്‍. സഖാക്കളുടെ ആ കരച്ചിലിനുള്ള നല്ല വെടിക്കെട്ട് മറുപടി രമേഷ് പിഷാരടി കൊടുത്തിട്ടുണ്ട്. കോമഡി മാത്രമല്ല മാസ് ഡയലോഗും ഇവിടെ എടുക്കുമെന്ന് കാണിച്ച് പിഷാരടി. ഉമ്മന്‍ ചാണ്ടി സാറിന്റെ മകന്‍ ചാണ്ടി ഉമ്മന്‍ പിതാവിനെപ്പോലെ തന്നെയല്ലേ ഇരിക്കുകയുള്ളൂ, അതിന് അനുകരിക്കേണ്ട കാര്യമെന്തെങ്കിലും ഉണ്ടോ. അനുകരണവും പൈതൃകവും തിരിച്ചറിയാത്തവരോട് എന്തുപറയാനാണ്. ഇതായിരുന്നു പിഷാരടിയുടെ ക്ലാസ് മറുപടി. ചുരുക്കിപ്പറഞ്ഞാല്‍ ഉമ്മന്‍ ചാണ്ടിയുടെ സ്വഭാവം ചാണ്ടി ഉമ്മന്‍ കാണിക്കുന്നത് തന്തയ്ക്ക് പിറന്നത് കൊണ്ടെന്ന്. ഇനിയും മറുപടി വേണോ സഖാക്കള്‍ക്ക്.

പുതുപ്പള്ളിയിലെ വികസനം ചര്‍ച്ച ചെയ്യാം പുതുപ്പള്ളിയിലെ വികസനം ചര്‍ച്ച ചെയ്യാമെന്ന് പറഞ്ഞ് ഇടത് വെല്ലുവിളിക്കുന്നു. കേരളത്തിന്റെ മൊത്തം വികസനം ചര്‍ച്ച ചെയ്യാമെന്ന് പറഞ്ഞ് വിളിച്ചിട്ട് അവര്‍ക്ക് മറുപടിയില്ല. ഇടതിന്റെ നമ്പര്‍ വണ്‍ തള്ളിനേയും പിഷാരടി പൊളിച്ചടുക്കി കൈയ്യില്‍ കൊടുത്തിട്ടുണ്ട്. എല്ലാ മെഡിക്കല്‍ കോളജുകളും കേരളത്തില്‍ കൊണ്ടുവന്നത് കോണ്‍ഗ്രസ് പാര്‍ട്ടിയാണ്. പക്ഷേ, നമ്പര്‍ വണ്ണായെന്ന് തള്ളുന്നത് മറ്റുള്ളവരാണ്, നമ്മളല്ല. അങ്ങനെ ചിന്തിക്കുമ്പോള്‍ നമ്മള്‍ ചെയ്ത കാര്യമെങ്കിലും എല്ലാകാലത്തും യാതൊരു മടിയും കൂടാതെ നമ്മള്‍ പറയേണ്ടതായുണ്ട്. അതിനുള്ള സാഹചര്യവും കാലവുമാണ് വന്നിരിക്കുന്നത്''പിഷാരടി പറഞ്ഞു.

കോമഡി മാത്രമല്ല ഇവിടെ മാസും വഴങ്ങുമെന്ന് തെളിയിച്ചിരിക്കുകയാണ് പിഷാരടി. തനി കോണ്‍ഗ്രസ്സുകാരനാണ് പിഷാരടി അത് പൊതുവേദിയില്‍ ഒരു മടിയും കൂടാതെ മൂപ്പര് പ്രഖ്യാപിച്ചിട്ടുമുണ്ട്. കോണ്‍ഗ്രസ് അതിന്റെ ഏറ്റവും വലിയ പ്രതിസന്ധിഘട്ടത്തില്‍ നില്‍ക്കുമ്പോള്‍ പോലും കൂടെ നിന്നിട്ടുള്ള വ്യക്തി. സമ്പന്നമായിരിക്കുമ്പോള്‍ കൂടെ നില്‍ക്കുന്നവരല്ല പ്രതിസന്ധി ഘട്ടത്തില്‍ കൂടെ നില്‍ക്കുന്ന പിഷാരടിയെ പോലെ ഉള്ളവരാണ് ഈ പാര്‍ട്ടിയുടെ നട്ടെല്ല് പറഞ്ഞ് മുതിര്‍ന്ന കോണ്‍ഗ്രസ് നേതാക്കള്‍ ഉള്‍പ്പെടെ പിഷാരടിയെ ചേര്‍ത്തു നിര്‍ത്തിയിട്ടുണ്ട്. മലയാള സിനിമാ മേഖലയില്‍ വലിയ ഒരു പറ്റം നടീനടന്മാര്‍ സിപിഎമ്മിന് വേണ്ടി പണിയെടുക്കുന്നവരാണ്. സിപിഎമ്മിന്റെ എന്ത് നെറികേടിനും കണ്ണടച്ച് കൊടുത്ത് നേട്ടങ്ങള്‍ക്ക് വേണ്ടി പറ്റിച്ചേര്‍ന്ന് നില്‍ക്കുന്നവര്‍. പാര്‍ട്ടിയെ എതിര്‍ത്ത് സംസാരിച്ച് പോയാല്‍ പിന്നെ നിലനില്‍പ്പില്ലെന്ന് അവര്‍ക്ക് അറിയാം. അതുകൊണ്ടാണല്ലോ മലയാള സിനിമയിലെ ഒരു പക്ഷം സെലക്ടീവായ് പ്രതികരിക്കുന്നത്. ഉത്തരേന്ത്യയിലേക്ക് മാത്രം നോക്കിയേ അവര്‍ കുരയ്ക്കാറുള്ളു. കേരളത്തില്‍ സംഭവിക്കുന്ന ചില കാര്യങ്ങളില്‍ മാത്രമേ പ്രതികരിക്കാറുള്ളു. എന്നാല്‍ അവരില്‍ നിന്നൊക്കെ വ്യത്യസ്തരാണ് പിഷാരടിയേപ്പോലുള്ള ചിലര്‍.

പുതുപ്പള്ളി ഉപതെരഞ്ഞെടുപ്പ് പ്രഖ്യാപിച്ചത് മുതല്‍ ചാണ്ടി ഉമ്മനും ആ കുടുംബത്തിനും നേരെ കടന്നാക്രമണമാണ് സിപിഎം നടത്തുന്നത്. ചാണ്ടി ഉമ്മന്‍, ഉമ്മന്‍ ചാണ്ടിയെ അനുകരിക്കുന്നു. വീണയുടെ മാസപ്പടി വിവാദം വന്നതിന് പിന്നാലെ അതിട്ട് മറയ്ക്കാന്‍ അച്ചു ഉമ്മന്റെ അടിപ്പാവടയുടെ വില വരെ അന്വേഷിച്ച് പോയ ടീംസാണ്. വീണയുടെ മാസപ്പടി വിവരം പുറത്ത് വിട്ടത് കോണ്‍ഗ്രസ്സല്ല ആദായനികുതി വകുപ്പാണ്. എന്നാല്‍ സിപിഎമ്മുകാര്‍ കോണ്‍ഗ്രസ്സുകാരുടെ മെക്കിട്ട് കയറി. പിന്നെ അച്ചു ഉമ്മന് പിന്നാലെ ആയി ചാട്ടം. അതിനുള്ള മറുപടി അച്ചു തന്നെ കൊടുത്തു സഖാക്കള്‍ക്ക് വയറും നിറഞ്ഞു. ഉമ്മന്‍ ചാണ്ടിയുടെ കുടുംബത്തിന് നേരെ നടക്കുന്ന സൈബറാക്രമണത്തില്‍ സിപിഎം നേതാക്കള്‍ കൈമലര്‍ത്തി. എന്നാല്‍ സിപിഎം അറിവോടെ തന്നെയാണ് ഈ ആക്രമണം നടക്കുന്നത്. എന്നിട്ട് ഇരട്ടത്താപ്പും. എല്ലാത്തിനും ഉള്ള മറുപടി പിഷാരടി കൊടുത്തു.