മദ്ധ്യ-പടിഞ്ഞാറന് ബംഗാള് ഉള്ക്കടലില് ചക്രവാതച്ചുഴി ... സംസ്ഥാനത്ത് മൂന്ന് ദിവസം ഒറ്റപ്പെട്ട ശക്തമായ മഴയ്ക്ക് സാധ്യത
മദ്ധ്യ-പടിഞ്ഞാറന് ബംഗാള് ഉള്ക്കടലില് ചക്രവാതച്ചുഴി രൂപം കൊണ്ടതിനെ തുടര്ന്ന് സംസ്ഥാനത്ത് മൂന്ന് ദിവസം ഒറ്റപ്പെട്ട ശക്തമായ മഴയ്ക്ക് സാധ്യത.
ഇടിമിന്നലിനും മണിക്കൂറില് 30 മുതല് 40 കിലോമീറ്റര് വരെ വേഗത്തില് വീശിയേക്കാവുന്ന ശക്തമായ കാറ്റിനും സാധ്യതയുണ്ട്. മദ്ധ്യ-തെക്കന് ജില്ലകളിലാണ് കൂടുതല് മഴ സാധ്യത. മത്സ്യബന്ധനത്തിന് വിലക്കേര്പ്പെടുത്തി. ഉയര്ന്ന തിരമാല സാധ്യതയുള്ളതിനാല് തീരദേശത്തുള്ളവര് ജാഗ്രത പാലിക്കേണ്ടതാണ്.
ഇന്ന് മുതല് 29 വരെ ഇടിമിന്നലോടു കൂടിയ മഴയ്ക്കും സാധ്യതയുണ്ട്. ഇടിമിന്നല് മുന്കരുതല് കാര്മേഘം കണ്ട് തുടങ്ങുന്ന സമയം മുതല് സ്വീകരിക്കണം. മിന്നലിന്റെ ആദ്യ ലക്ഷണം കണ്ടുകഴിഞ്ഞാല് ഉടന് സുരക്ഷിതമായ കെട്ടിടത്തിലേക്ക് മാറുക. തുറസായ സ്ഥലങ്ങളില് നില്ക്കുന്നത് ഇടിമിന്നലേല്ക്കാനുള്ള സാധ്യത വര്ധിപ്പിക്കുകയും ചെയ്യും.
കാറ്റിനും ഇടിമിന്നലിനും സാധ്യതയുള്ള സമയങ്ങളില് ജനലും വാതിലും അടച്ചിടണം. വാതിലിനും ജനലിനും അടുത്ത് നില്ക്കരുത്. കെട്ടിടത്തിനകത്ത് തന്നെ ഇരിക്കുകയും പരമാവധി ഭിത്തിയിലോ തറയിലോ സ്പര്ശിക്കാതിരിക്കാന് ശ്രമിക്കുകയും വേണം. ഗൃഹോപകരണങ്ങളുടെ വൈദ്യുതി ബന്ധം വിഛേദിക്കാനും മറക്കരുത്. വൈദ്യുതോപകരണങ്ങളുമായുള്ള സാമീപ്യം ഇടിമിന്നലുള്ള സമയത്ത് ഒഴിവാക്കേണ്ടതാണ്.
https://www.facebook.com/Malayalivartha
