തലസ്ഥാനത്തെ മുടവന്‍മുഗള്‍ തമലം മീത്തിങ്കല്‍ ലെയിന്‍ എം. എല്‍. എ റോഡിലെ അപ്പാര്‍ട്ട്‌മെന്റ് ഫ്‌ലാറ്റില്‍ നടന്ന അനാശാസ്യക്കേസിലെ മുഴുവന്‍ പ്രതികളെയും കോടതി വെറുതെ വിട്ടു. പൂജപ്പുര പോലീസിന്റെ കേസന്വേഷണത്തിലെ വീഴ്ചയും ഇരകളായ 3 കൗമാരക്കാരികളും വിചാരണയില്‍ കൂറുമാറി പ്രതിഭാഗം ചേര്‍ന്നതും ചൂണ്ടിക്കാട്ടിയാണ് കോടതി വിധിന്യായം പുറപ്പെടുവിച്ചത്.

കേസ് സംശയാതീതമായി തെളിയിക്കുന്നതില്‍ പ്രോസിക്യൂഷന്‍ ദയനീയമായി പരാജയപ്പെട്ട് കേസ് തന്നെ ദുര്‍ബലമാകുമ്പോള്‍ സംശയത്തിന്റെ അനുകൂല്യം ലഭിക്കാന്‍ പ്രതികള്‍ക്കര്‍ഹതയുണ്ടെന്ന് വിലയിരുത്തിയാണ് കോടതി ഉത്തരവ്.


തിരുവനന്തപുരം അഡീ.ചീഫ് ജുഡീഷ്യല്‍ മജിസ്ട്രേട്ട് എല്‍സാ കാതറിന്‍ ജോര്‍ജാണ് പ്രോസിക്യൂഷന്‍ വീഴ്ച വിധിന്യായത്തില്‍ ചൂണ്ടിക്കാട്ടി കുറ്റം ചുമത്തപ്പെട്ട 5 പുരുഷന്‍മാരും 2 യുവതികളുമടക്കം 7 പ്രതികളെയും വെറുതെ വിട്ടത്.



2013 ജനുവരി 14 ന് കേസിനാസ്പദമായ സംഭവം നടന്നുവെന്നാണ് കേസ്. അപ്പാര്‍ട്ട്‌മെന്റിലെ രണ്ട് റ്റി.സി നമ്പരുകള്‍ ഉള്‍പ്പെട്ട ജി ബി , ജി എ എന്നീ രണ്ട് ഫ്‌ലാറ്റുകള്‍ വേശ്യാലയം (യൃീവേലഹ വീൗലെ) നടത്തി വേശ്യാവൃത്തിയിലൂടെ (ജൃീേെശൗേശേീി) അമിതാദായം ഉണ്ടാക്കണമെന്ന ഉദ്ദേശ്യത്തോടെ ഒന്നു മുതല്‍ മൂന്നു വരെ പ്രതികളായ മാത്യു (55) , ഉമ (45) , ഉഷ (39) എന്നിവര്‍ വാടകക്കെടുത്തു.


1 മുതല്‍ 4 വരെ സാക്ഷികളായ നാലു യുവതികളെ ഈ ആവശ്യത്തിനായി പ്രേരിപ്പിച്ച് ഫ്‌ലാറ്റില്‍ താമസിപ്പിക്കുകയും ഈ ആവശ്യത്തിനായി ഫ്‌ലാറ്റില്‍ വരുന്ന അനവധി ഇടപാടുകാര്‍ക്ക് സൗകര്യം ചെയ്തു കൊടുത്ത് 4 മുതല്‍ 7 പ്രതികളും ഇടപാടുകാരുമായ ഹരിശങ്കര്‍ (24) , അജിത് കുമാര്‍ (25) , മഹേഷ് (22), അബു ഷാഹുമാന്‍ (40) എന്നിവര്‍ 3 മുറികളിലായി 3 ഇരകളുമായി ലൈംഗിക ബന്ധം പുലര്‍ത്തുന്നത് മ്യൂസിയം സി ഐ യും പോലീസ് പാര്‍ട്ടിയും കണ്ട് അറസ്റ്റ് ചെയ്തുവെന്നായിരുന്നു പ്രോസിക്യൂഷന്‍ കേസ്.