ലോകംമുഴുവന് ശ്രദ്ധിച്ചുകൊണ്ടിരിക്കുന്ന യുദ്ധത്തിനിടെ അതിലെ പ്രധാന പോരാളികളിലൊരാളായ ഹമാസിന്റെ നേതാവ് ഓണ്ലൈന് വഴി പ്രസംഗം നടത്തുമെന്ന് പിണറായി ഭരിക്കുന്ന ആഭ്യന്തരവകുപ്പ് സ്വപ്നം പോലും കണ്ടില്ല...കേന്ദ്രമന്ത്രി രാജീവ് ചന്ദ്രശേഖറും ബി.ജെ.പി അധ്യക്ഷന് ജെ.പി നദ്ധയും സംഭവം ശ്രദ്ധയില്പ്പെടുത്തിയതോടെ മുഖ്യമന്ത്രിയും സി.പി.എമ്മും വെട്ടിലായി..
ലോകംമുഴുവന് ശ്രദ്ധിച്ചുകൊണ്ടിരിക്കുന്ന യുദ്ധത്തിനിടെ അതിലെ പ്രധാന പോരാളികളിലൊരാളായ ഹമാസിന്റെ നേതാവ് ഓണ്ലൈന് വഴി പ്രസംഗം നടത്തുമെന്ന് പിണറായി ഭരിക്കുന്ന ആഭ്യന്തരവകുപ്പ് സ്വപ്നം പോലും കണ്ടില്ല. ജമാഅത്തെ ഇസ്ലാമിയുടെ യുവജനസംഘടനയായ സോളിഡാരിറ്റി യൂത്ത്മൂവ്മെന്റിന് ഇക്കാര്യം അറിയാവുന്നത് കൊണ്ട് അവര് നൈസായിട്ടൊരു പണിയും കൊടുത്തു. കേന്ദ്രമന്ത്രി രാജീവ് ചന്ദ്രശേഖറും ബി.ജെ.പി അധ്യക്ഷന് ജെ.പി നദ്ധയും സംഭവം ശ്രദ്ധയില്പ്പെടുത്തിയതോടെ മുഖ്യമന്ത്രിയും സി.പി.എമ്മും വെട്ടിലായി. മുഖ്യമന്ത്രി ഭരിക്കുന്ന ആഭ്യന്തരവകുപ്പ് പരാജയങ്ങളുടെ ഘോഷയാത്രയായി മാറിയിരിക്കുകയാണ്.
എലത്തൂര് ട്രെയിന് തീവെയ്പും പ്രതിയെ മഹാരാഷ്ട്ര എ.ടി.എസ് പിടികൂടിയതും അതിന്റെ പേരില് ഐ.ജി വിജയനെ സസ്പെന്റ് ചെയ്തതും ആരും മറന്നിട്ടില്ല. പ്രധാനമന്ത്രി സംസ്ഥാനത്ത് എത്തും മുമ്പ് യാത്രാവിവരങ്ങള് സമൂഹമാധ്യമങ്ങളിലൂടെ പ്രചരിച്ചു. കൊട്ടാരക്കര താലൂക്ക് ആശുപത്രിയില് ഡോ. വന്ദനയെ പൊലീസിന്റെ കണ്മുന്നിലിട്ട് കുത്തിക്കൊന്നു. ഏറ്റവും ഒടുവില് കൊച്ചിയെ നടുക്കിയ സ്ഫോടനം. അങ്ങനെ എണ്ണിയാല് തീരാത്ത കാര്യങ്ങള് നമുക്ക് മുന്നിലുണ്ട്. അതിനിടെ മൈക്കിനെതിരെ കേസെടുക്കാന് മറന്നുമില്ല. പ്രതിപക്ഷനേതാക്കളായ വി.ഡി സതീശനും കെ.സുധാകരുമെതിരെ കേസെടുത്തെങ്കിലും ഒരു ചുക്കും സംഭവിച്ചില്ല. സ്വന്തം മകള് മാസപ്പടി വാങ്ങിയെന്ന് തെളിഞ്ഞിട്ടും ഒരന്വേഷണവും നടത്തിയില്ല.
വര്ണ്ണവിവേചനത്തിന്റെ സയണിസത്തെയും ബുള്ഡോസര് ഹിന്ദുത്വത്തെയും വേരോടെ പിഴുതെറിയുക എന്ന മുദ്രാവാക്യമുയര്ത്തി ജമാത്തെ ഇസ്ലാമിയുടെ യുവജനസംഘടനയായ സോളിഡാരിറ്റി യൂത്ത് മൂവ്മെന്റ് സംഘടിപ്പിച്ച യോഗത്തിലാണ് ഹമാസിന്റെ മുന് മേധാവി ഖാലിദ് മഷല് ഖത്തറില് നിന്നും ഓണ്ലൈന് വഴി മലപ്പുറത്തെ യോഗത്തെ അഭിസംബോധന ചെയ്ത്. അറബികിലുള്ള പ്രസംഗം മലപ്പുറത്തെ യുവാക്കള്ക്ക് മനസ്സിലാവാന് സംഘടനാനേതാക്കളില് ഒരാള് മൊഴിമാറ്റം ചെയ്ത് മലയാളത്തിലും പ്രസംഗിച്ചിരുന്നു. ഇതാണ് ആഭ്യന്തരവകുപ്പിനെ വെട്ടിലാക്കിയത്. നേരത്തെ റെക്കോഡ് ചെയ്ത പ്രസംഗം കാണിക്കുകയായിരുന്നെന്നാണ് മുഖ്യമന്ത്രി നല്കുന്ന വിശദീകരണം. ഇതേ കുറിച്ച് ആഭ്യന്തരവകുപ്പ് അന്വേഷിച്ചുവരുകയാണ്.
എന്നാല് പലസ്തീന് അനുകൂല പ്രസംഗം നടത്തിയതിന് കേസ് എടുക്കണമെന്ന കേന്ദ്രമന്ത്രി രാജീവ് ചന്ദ്രശേഖറിന്റെ പൂതി മനസ്സിലിരിക്കുകയേ ഉള്ളൂ എന്ന വ്യക്തമായ സൂചനയും മുഖ്യമന്ത്രി നല്കി. അപ്പോള് ഒരു ചുക്കും നടക്കില്ലെന്ന് അര്ത്ഥം. കേരളം പലതരം തീവ്രസ്വഭാവമുള്ള സംഘടനകളുടെ പറുദീസയായി മാറിയിരിക്കുകയാണ്. തിങ്കളാഴ്ച കണ്ണൂര് കേളകത്ത് മാവോയിസ്റ്റുകള് ആക്രമണം നടത്തിയതോടെ വനപാലകര് ഓടിരക്ഷപെട്ടു. പിന്നീട് തണ്ടര്ബോള്ട്ട് തിരച്ചിലിനിറങ്ങി. വയനാട് മേഖലയിലും മാവോയിസ്റ്റുകള് കയറി മേയുകയാണ്. അവരെ പിടികൂടി നിയമത്തിന് മുന്നില് കൊണ്ടുവരേണ്ടതിന് പകരം. വെടിവെച്ചുകൊല്ലുന്നതാണ് സര്ക്കാരിന്റെ ശൈലി. അതിനെതിരെ ശബ്ദിച്ച 94കാരനായ ഗ്രോവാസുവിനെയും വെറുതെവിട്ടില്ല. പോലീസിന്റെ തൊപ്പികൊണ്ട് ആ വയോധികന്റെ വാ മൂടിക്കെട്ടാന് നോക്കി.
ഇസ്രയേലിനെതിരെ ഇസ്ലാമിക സമൂഹം ഒന്നിച്ച് നിന്നില്ലെങ്കില് വലിയ പരീക്ഷണങ്ങളുണ്ടാകുമെന്ന് ഖലീദ് മാഷല് ചൂണ്ടിക്കാട്ടി. ഇസ്ലാമിക സമൂഹത്തിന് മേല് ഹമാസിന്റെ ഉറപ്പ് ശക്തമാണ്. നമ്മള് വിജയിക്കുമെന്നും അദ്ദേഹം വ്യക്തമാക്കി. ഈ വീഡിയോ സംഘാടകര് സമൂഹമാധ്യമങ്ങളിലൂടെ പ്രചരിപ്പിച്ചതോടെയാണ് പിണറായി സര്ക്കാര് വെട്ടിലായത്. ഇക്കാര്യം പരിശോധിക്കാമെന്നായിരുന്നു വാര്ത്താസമ്മേളനത്തില് മുഖ്യമന്ത്രി തിങ്കളാഴ്ച പ്രതികരിച്ചത്. സാധാരണ ജമാഅത്തെ ഇസ്ലാമി ഒരു പരിപാടിക്ക് അനുവാദം ചോദിക്കുമ്പോള് അത് പൊലീസ് അനുവദിച്ച് നല്കുകയാണ് പതിവ്. ഇക്കാര്യത്തില് കേന്ദ്രമന്ത്രി രാജീവ് ചന്ദ്രശേഖറിന്റെ സമ്മര്ദ്ദം മുഖ്യമന്ത്രിയെ ശരിയ്ക്കും പ്രതിരോധത്തിലാക്കിയിരുന്നു. കളമശേരി സ്ഫോടനം ഉണ്ടായ സാഹചര്യത്തില് ഇക്കാര്യം സൂചിപ്പിച്ച് കേന്ദ്രമന്ത്രി രാജീവ് ചന്ദ്രശേഖര് ഞായറാഴ്ച നടത്തിയ ട്വീറ്റ് വിവാദമായിരുന്നു.
ഹമാസ് നേതാവിനെ കേരളത്തില് പ്രസംഗിക്കാന് അനുവദിച്ച ആഭ്യന്തരമന്ത്രി കൂടിയായ മുഖ്യമന്ത്രി പ്രീണനരാഷ്ട്രീയമാണ് നടത്തിയതെന്നായിരുന്നു രാജീവ് ചന്ദ്രശേഖര് ട്വീറ്റിലൂടെ നടത്തിയ വിമര്ശനം. തിങ്കളാഴ്ച കേരളത്തില് ബോംബ് സ്ഫോനടത്തിന് ഇരയായവരെ ആശുപത്രിയില് സന്ദര്ശിക്കാനെത്തിയ രാജീവ് ചന്ദ്രശേഖര് തിങ്കളാഴ്ച നടത്തിയ വാര്ത്താസമ്മേളനത്തിലും ആഭ്യന്തരമന്ത്രിയായ മുഖ്യമന്ത്രിയുടെ പ്രീണനരാഷ്ട്രീയത്തെ ശക്തമായി വിമര്ശിച്ചിരുന്നു. ഹമാസ് നേതാവിനെ കേരളത്തില് പ്രസംഗിക്കാന് അനുവദിച്ച മുഖ്യമന്ത്രി വലിയ വീഴ്ചയാണ് നടത്തിയതെന്നും രാജീവ് ചന്ദ്രശേഖര് കുറ്റപ്പെടുത്തിയിരുന്നു.
ബിജെപി ദേശീയ നേതാവ് ജെ.പി. നദ്ദയും ഇക്കാര്യത്തില് മുഖ്യമന്ത്രിയ്ക്കെതിരെ ശക്തമായ വിമര്ശനം നടത്തിയിരുന്നു. കേന്ദ്രസര്ക്കാരില് നിന്നുള്ള സമ്മര്ദ്ദമേറിയതോടെയാണ് തിങ്കളാഴ്ച മുഖ്യമന്ത്രി ഹമാസ് നേതാവ് മലപ്പുറത്ത് പ്രസംഗിച്ച സംഭവം പരിശോധിക്കാമെന്ന് അഭിപ്രായപ്പെട്ടിരിക്കുന്നത്. ഹമാസ് അനുകൂല നിലപാടിനെ ക്രൈസ്തവസഭകളും എതിര്ക്കുന്നുണ്ട്. അതും സി.പി.എമ്മിന് തിരിച്ചടിയാകുന്നുണ്ട്. ഏഴായിരത്തോളം മലയാളികളാണ് ഇസ്രയേലിലുള്ളത്. അതില് ഭൂരിപക്ഷവും കേരളത്തില് നിന്നുള്ളവരാണ്. അവരെ അവിടെ നിന്ന് എത്തിക്കാനുള്ള നടപടി കേന്ദ്രസര്ക്കാരാണ് സ്വീകരിച്ചത്. അതും സി.പി.എമ്മിന് തലവേദനയായി. യഹോവ സാക്ഷികളുടെ പ്രാര്ത്ഥനാ വേദിയില് എന്താണ് ശരിക്കും സംഭവിച്ചതെന്ന് അന്വേഷിച്ചുവരുകയാണ്. ക്രൈസ്തവ സഭകള്ക്കിടയിലുളള പോരാണെന്നാണ് പ്രാഥമിക നിഗമനം. പ്രതിക്ക് മറ്റാരുടെയെങ്കിലും സഹായം ലഭിച്ചിട്ടുണ്ടോ എന്നും പരിശോധിക്കും. ഇങ്ങിനെ മൊത്തത്തിലൊരു അരക്ഷിതാവസ്ഥയിലേക്ക് സംസ്ഥാനം നീങ്ങുന്നതിനിടെയാണ് കോടികള് മുടക്കി തലസ്ഥാനത്ത് കേരളീയം നടത്താന് സര്ക്കാര് കച്ചകെട്ടിയിറങ്ങിയിരിക്കുന്നത്. അവിടെയും സുരക്ഷാ മുന്കരുതലുകളുണ്ടാകും. അത് കൂടുതല് തലവേദനയാകുമെന്നതിന് സംശയമില്ല.
https://www.facebook.com/Malayalivartha
