കളമശേരി സ്ഫോടന കേസ് പ്രതി ഡൊമിനിക് മാര്ട്ടിനെ നവംബര് 29 വരെ റിമാന്ഡ് ചെയ്തു... പ്രതിയെ കാക്കനാട് ജില്ലാ ജയിലിലേക്ക് മാറ്റും, കേസില് കോടതി ഏര്പ്പാടാക്കിയ അഭിഭാഷകന്റെ സേവനം വേണ്ട, സ്വന്തം നിലയ്ക്ക് കേസ് വാദിക്കാമെന്നും കോടതിയെ ധരിപ്പിച്ച് മാര്ട്ടിന്
കളമശേരി സ്ഫോടന കേസ് പ്രതി ഡൊമിനിക് മാര്ട്ടിനെ നവംബര് 29 വരെ റിമാന്ഡ് ചെയ്തു... പ്രതിയെ കാക്കനാട് ജില്ലാ ജയിലിലേക്ക് മാറ്റും, കേസില് കോടതി ഏര്പ്പാടാക്കിയ അഭിഭാഷകന്റെ സേവനം വേണ്ട, സ്വന്തം നിലയ്ക്ക് കേസ് വാദിക്കാമെന്നും കോടതിയെ ധരിപ്പിച്ച് മാര്ട്ടിന്.
സ്ഫോടന കേസ് അതീവ ഗൗരവമുള്ളതെന്ന് കോടതി നിരീക്ഷിച്ചു. അതിനിടെ കേസില് കോടതി ഏര്പ്പാടാക്കിയ അഭിഭാഷകന്റെ സേവനം വേണ്ടെന്ന് മാര്ട്ടിന് കോടതിയില് . മാര്ട്ടിന്റെ വാദം കോടതി അംഗീകരിച്ചു. പൊലീസിനെതിരെ പരാതിയില്ലെന്നും പ്രതി കോടതിയെ അറിയിച്ചു.
അതിനിടെ പ്രതിയുടെ തിരിച്ചറിയല് പരേഡിന് കോടതി അനുമതി നല്കി. അതുവരെ പ്രതിയുടെ മുഖം മറച്ച് വെയ്ക്കണമെന്നും കോടതി നിര്ദേശിച്ചു. തിരിച്ചറിയല് പരേഡിന് ശേഷം മാത്രമേ പൊലീസ് കസ്റ്റഡി അപേക്ഷ നല്കൂ. മാര്ട്ടിനില് നിന്ന് കണ്ടെടുത്ത തെളിവുകളുടെ പട്ടിക പൊലീസ് കോടതിക്ക് കൈമാറുകയും ചെയ്തു.
അതിനിടെ കേസില് അന്വേഷണം ദുബായിലേക്ക് വ്യാപിപ്പിക്കും. എന്ഐഎയാണ് ഇക്കാര്യങ്ങള് പരിശോധിക്കുന്നത്. ഡൊമിനിക് മാര്ട്ടിന് ജോലി ചെയ്ത സ്ഥലത്തടക്കം വിശദമായ അന്വേഷണം നടത്തും.
"
ദുബായില് 18 വര്ഷത്തോളം നിര്മ്മാണ മേഖലയില് പ്രവര്ത്തിച്ചതായി വിവരം ലഭ്യമായിട്ടുണ്ട്്. ഡൊമിനിക്കിന്റെ ഫോണ് വിളികളും സമൂഹമാധ്യമ അക്കൗണ്ടുകളും അന്വേഷണ ഏജന്സികള് പരിശോധിച്ചു വരുന്നു.
https://www.facebook.com/Malayalivartha
