റബര്, കാര്ഷിക മേഖലയിലെ പ്രതിസന്ധി പരിഹരിക്കണമെന്ന് എന്എസ്എസ്
റബര്, കാര്ഷിക മേഖലയിലെ പ്രതിസന്ധി പരിഹരിക്കാന് കേന്ദ്രസംസ്ഥാനസര്ക്കാരുകള് തയാറാകണമെന്നു അഖിലകേരള നായര് പ്രതിനിധിസമ്മേളനം പ്രമേയത്തിലൂടെ ആവശ്യപ്പെട്ടു.
റബര് മേഖലയിലെ വന്പ്രതിസന്ധി ഒഴിവാക്കാന് കേന്ദ്രസര്ക്കാര് നടപടിയെടുക്കണം. കിലോയ്ക്കു 160 രൂപയെങ്കിലും വില ലഭിക്കത്തക്ക വിധത്തില് റബര് സംഭരിക്കാന് കേന്ദ്രസര്ക്കാര് തയാറായാല് ടാപ്പിങ് പുനരാരംഭിക്കാന് കഴിയും. ഉത്പാദനം വര്ധിച്ചാല് അനാവശ്യമായ ഇറക്കുമതിയും വിദേശനാണ്യനഷ്ടവും ഒഴിവാക്കാം. നിശ്ചിതകാലത്തേക്ക് ഇറക്കുമതി നിര്ത്തിവയ്ക്കണം.
ആറുവര്ഷത്തെ ഏറ്റവും കുറഞ്ഞ വിലയാണു റബറിനു ലഭിക്കുന്നത്. 2011 ഏപ്രിലില് 243 രൂപയുണ്ടായിരുന്ന റബര്വില നൂറിലെത്തി. കര്ഷകന് 95 രൂപയിലും താഴെയാണു ലഭിക്കുന്നത്. മുന്കാലങ്ങളില് വിലയിടിവുണ്ടായപ്പോഴൊക്കെ കേന്ദ്രസംസ്ഥാനസര്ക്കാരുകള് ഇടപെട്ട് ന്യായവില ഉറപ്പാക്കിയിരുന്നു.കഴിഞ്ഞ രണ്ടുവര്ഷമായി കേരളത്തിലെ കര്ഷകര്ക്കും സംസ്ഥാനത്തിന്റെ സമ്പദ്വ്യവസ്ഥയ്ക്കും റബര്വിലയിടിവ് ഏറെ പ്രതിസന്ധിയുണ്ടാക്കിയിട്ടും കേന്ദ്രസംസ്ഥാന സര്ക്കാരുകള് ഒരു നടപടിയും സ്വീകരിക്കുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
