കണ്ണീരോടെ വിട...ലഫ്റ്റനന്റ് കേണല് നിരഞ്ജന് ജന്മനാടിന്റെ യാത്രാമൊഴി
പത്താന്കോട്ട് ഭീകരാക്രമണത്തില് ഗ്രനേഡ് പൊട്ടിത്തെറിച്ച് കൊല്ലപ്പെട്ട ലഫ്റ്റനന്റ് കേണല് നിരഞ്ജന് കുമാറിന് ജന്മനാടിന്റെ യാത്രാമൊഴി. നിരഞ്ജന്റെ ചേതനയറ്റ ശരീരം ജന്മനാട് അശ്രുപുഷ്പങ്ങളോടെ ഏറ്റുവാങ്ങി. അവസാനമായി ഒരുനോക്കു കാണാന് ഒഴുകിയെത്തിയതു പതിനായിരങ്ങള്. മൃതദേഹം പൂര്ണ്ണ ഔദ്യോഗിക ബഹുമതികളോടെ വീട്ടുവളപ്പില് സംസ്കരിച്ചു.12.15 ഓടെയായിരുന്നു സംസ്കാരം. രാവിലെ ഏഴു മണി മുതല് 11.45 വരെയായിരുന്നു പൊതുദര്ശനം. പിന്നീട് മൃതദേഹം കളരിക്കല് തറാവട്ട് വളപ്പിലേക്ക് കൊണ്ടുവന്നു. വിവിധ സൈനിക വിഭാഗങ്ങളും സംസ്ഥാന പൊലീസും ഔദ്യോഗിക ബഹുമതികള് അര്പ്പിച്ചു. സംസ്ഥാന സര്ക്കാറിനെ പ്രതിനിധീകരിച്ച് ആഭ്യന്തര മന്ത്രി രമേശ് ചെന്നിത്തല സംസ്കാരചടങ്ങില് പങ്കെടുത്തു.
ബംഗളൂരുവില് നിന്നും ഇന്നലെ വൈകീട്ട് പാലക്കാട്ടത്തെിച്ച മൃതദേഹം വിക്ടോറിയ കോളജ് മൈതാനത്തെ പൊതുദര്ശനത്തിനു ശേഷം സൈനിക വാഹനത്തിലാണ് എളമ്പുളാശേരിയിലെ കുടുംബവീട്ടില് കൊണ്ടുവന്നത്. അര്ധരാത്രിയോടെ മുഖ്യമന്ത്രി ഉമ്മന് ചാണ്ടിയും, മന്ത്രിമാരായ കെ ബാബുവും, എ പി അനില്കുമാറും വീട്ടിലെത്തി അന്തിമോപചാരം അര്പ്പിച്ചു.
നിരഞ്ജന്റെ കുടുംബത്തിന് കര്ണാടകസര്ക്കാര് 30 ലക്ഷം രൂപ സഹായധനം പ്രഖ്യാപിച്ചിട്ടുണ്ട്. ബി.ഇ.എല്. സ്കൂള് ഗ്രൗണ്ടില് നിരഞ്ജന്റെ മൃതദേഹത്തില് അന്തിമോപചാരമര്പ്പിച്ച ശേഷം മുഖ്യമന്ത്രി സിദ്ധരാമയ്യയാണ് ഇക്കാര്യം അറിയിച്ചത്. ധീരജവാന്റെ കുടുംബത്തിന് എല്ലാവിധ സഹായങ്ങളും അദ്ദേഹം വാഗ്ദാനം ചെയ്തു. ഭീകരാക്രമണത്തെ ചെറുക്കാന് കേന്ദ്രസര്ക്കാര് കര്ശന നടപടികള് സ്വീകരിക്കണമെന്നും ഇത്തരം നടപടികള് വച്ചുപുലര്ത്താനാകില്ലെന്നും മുഖ്യമന്ത്രി പറഞ്ഞു. 10 വര്ഷമായി പൂട്ടിയിട്ടിരിക്കുകയാണ് കളരിക്കല് തറവാട്ടിലാണ് സംസ്ക്കാര ചടങ്ങുകള് ഒരുക്കിയത്. തറവാടിന്റെ തെക്കുകിഴക്ക് മൂലയിലായി വിശാലമായ പ്രദേശം നിരപ്പാക്കിയെടുത്താണ് അന്ത്യവിശ്രമസ്ഥലം ഒരുക്കിയത്. നിരഞ്ജന് ആദരമര്പ്പിച്ച് സംസ്ഥാനത്തെ എല്ലാ സ്കൂളുകളിലും രാവിലെ 11ന് മൗനപ്രാര്ത്ഥന നടത്തി. നിരഞ്ജന്റെ ചെറിയച്ഛന്മാരായ സേതുമാധവന്, വിദ്യാധരന്, കരസേനയുടെ കോയമ്പത്തൂര് സ്റ്റേഷന് കമാന്ഡര് കേണല് ശൈലേന്ദ്ര ആര്യ, വ്യോമസേന കോയമ്പത്തൂര് ചീഫ് അഡ്മിനിസ്ട്രേറ്റീവ് ഓഫീസര് വി.ആര്. ശ്രീനിവാസ്, സംസ്ഥാന സര്ക്കാരിനുവേണ്ടി കളക്ടര് പി. മേരിക്കുട്ടി, എംഎ!ല്എ.മാരായ എ.കെ. ബാലന്, എം. ഹംസ, കെ. അച്യുതന് എന്നിവര് ചേര്ന്ന് മൃതദേഹം ഏറ്റുവാങ്ങി. ഹെലികോപ്ടറില് നിരഞ്ജന്കുമാറിന്റെ അച്ഛന് ശിവരാജന്, സഹോദരന് ശരത്ചന്ദ്രന്, ഭാര്യ ഡോ. കെ.ജി. രാധിക, മകള് വിസ്മയ, ഭാര്യാപിതാവ് ഗോപാലകൃഷ്ണപ്പണിക്കര്, അമ്മ രാജേശ്വരി എന്നിവര്ക്കൊപ്പം മറ്റുബന്ധുക്കളുമുണ്ടായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
