താന്‍ ജനരക്ഷായാത്രയില്‍ നിന്ന് വിട്ട് നിന്നത് മനപൂര്‍വമാണെന്ന് മുല്ലപ്പള്ളി രാമചന്ദ്രന്‍ എംപി. സുധീരന്‍ മൂന്നാം ഗ്രൂപ്പ് ഉണ്ടാക്കാനാണ് ഗ്രമിക്കുന്നത്. അതിന്റെ ആഗ്യഘട്ടമായിരുന്നു ഡിസിസി പുനസംഘടന. അതിന്റെ രണ്ടാം ഘട്ടമാണ് ജനരക്ഷായാത്രയെന്നും മുല്ലപ്പള്ളി പറഞ്ഞു.
ഡിസിസി പുനഃസംഘടനയില്‍ സുധീരന്റെ ലക്ഷ്യം വ്യക്തമാണ്.ഒന്നിനുംകൊള്ളാത്തവരെയാണ് സുധീരന്‍ ഡിസിസികളില്‍ തിരുകിക്കയറ്റിയിരിക്കുന്നത്. ഇതിനുള്ള തെളിവുകള്‍ ഓരോ ഡിസിസികളിലും ഉണ്ടെന്നും അദ്ദേഹം പറഞ്ഞു.
പാര്‍ട്ടി പുനഃസംഘടനയില്‍ പൂര്‍ണമായും തന്നെ പൂര്‍ണമായും അവഗണിച്ചു. താന്‍ ഉള്‍പ്പെട്ട മണ്ഡലം കമ്മിറ്റിയില്‍ കോണ്‍ഗ്രസ് പ്രസിഡന്റിനെ തീരുമാനിച്ചപ്പോള്‍ ഒരു പ്രാദേശിക നേതാവിനു നല്‍കേണ്ട പരിഗണന പോലും തനിക്ക് നല്‍കിയില്ല. തന്നെ വേണ്ടാത്ത പാര്‍ട്ടിക്കാരോടൊപ്പം ജനരക്ഷായാത്ര നടത്തേണ്ട കാര്യമില്ല. വടകരയിലെ പരിപാടികളില്‍ നിന്ന് വിട്ടുനിന്നത് മനഃപൂര്‍വമാണെന്നും മുല്ലപ്പള്ളി രാമചന്ദ്രന്‍ വ്യക്തമാക്കി.
നിയമസഭാ തിരഞ്ഞെടുപ്പിനു മുന്നോടിയായി കെപിസിസി പ്രസിഡന്റ് വി.എം. സുധീരന്‍ നടത്തിയ ജനരക്ഷായാത്ര സ്വന്തം മണ്ഡലമായ കോഴിക്കോട്ടെ വടകരയിലെത്തിയപ്പോള്‍ മുല്ലപ്പള്ളി രാമചന്ദ്രന്‍ പങ്കെടുത്തില്ല. ഇതിനുള്ള കാരണം ചോദിച്ചപ്പോഴായിരുന്നു മുല്ലപ്പള്ളിയുടെ പ്രതികരണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha