വികസിത പാലായുടെ ശില്‍പ്പിയെന്നാണു കെ.എം. മാണിയെ പാലായിലെ കേരള കോണ്‍ഗ്രസുകാര്‍ വിശേഷിപ്പിക്കുന്നത്. തനികര്‍ഷകരായിരുന്ന കരിങ്ങോഴയ്ക്കല്‍ തൊമ്മി മാണിയുടെയും ഏലിയാമ്മയുടെ മകനായി ജനിച്ച് മരങ്ങാട്ടുപള്ളിയില്‍ നിന്ന് പാലാ നഗരാതിര്‍ത്തിയില്‍ താമസം തുടങ്ങിയതോടെ തനി പാലക്കാരനായി. പാല മണ്ഡലത്തിലെ ഏതൊരാളെയും പേരെടുത്ത് വിളിക്കാനുള്ള ബന്ധം .എല്ലാരംഗത്തും നിറഞ്ഞു നില്‍ക്കുന്ന വ്യക്തിത്വം. മതരാഷ്ട്രീയ സാമൂഹ്യ സാംസ്‌ക്കാരിക രംഗങ്ങളില്‍ സജീവസാന്നിധ്യം.

സംഘടന, നിയമസഭ
കേരളരാഷ്ട്രീയത്തില്‍ ഒരുപാട് റെക്കോഡുകളുടെ ഉടമസ്ഥനാണ് കെ.എം. മാണി. 1964ല്‍ പാലാ നിയോജകമണ്ഡലം രൂപീകരിക്കപ്പെട്ട കാലം മുതല്‍ തുടര്‍ച്ചയായി നേടിയ വിജയം, എറ്റവും കൂടുതല്‍ കാലം മന്ത്രി. 13 ബജറ്റ് അവതരിപ്പിച്ചു, ഒരേ മണ്ഡലത്തില്‍ നിന്നും തുടര്‍ച്ചയായി വിജയിക്കുക, കൂടുതല്‍ തവണ നിയമസഭാംഗമാകുക, 11 തവണ മന്ത്രിയാകുക തുടങ്ങിയ അപൂര്‍വ ഭാഗ്യത്തിനുടമ. കോണ്‍ഗ്രസില്‍ തുടങ്ങി കേരള കോണ്‍ഗ്രസിലേക്കെത്തി. നാലു പതിറ്റാണ്ടിലേറെയായി സ്വന്തം പേരില്‍ ഒരു പാര്‍ട്ടി. കേരള കോണ്‍ഗ്രസിന്റെ മറ്റു ഗ്രൂപ്പുകളെക്കാള്‍ പ്രബലം. കഴിഞ്ഞ തെരഞ്ഞെടുപ്പോടെ പാര്‍ലമെന്ററി രാഷ്ട്രീയം അവസാനിപ്പിക്കുമെന്നു സൂചനകളുണ്ടായിരുന്നെങ്കിലും ബാര്‍ കോഴക്കേസിലെ വിവാദങ്ങളും ഒടുവില്‍ കുറ്റവിമുക്തനാക്കപ്പെടുകയും ചെയ്തത് വീണ്ടും മത്സരത്തി നു കളമൊരുങ്ങി.

ഒരിക്കലുംമാറി ചിന്തിക്കാത്ത മണ്ഡലം
പാലായിലെ വോട്ടര്‍മാരാണു മാണിയുടെ ബലം. എല്ലാവരെയും നേരിട്ടു പേരു വിളിക്കാനുള്ള പരിചയമുണ്ട് മാണിക്ക്. മണ്ഡലം രൂപീകരിക്കപ്പെട്ടതു മുതല്‍ മറ്റൊരാളുമായിട്ടില്ല പാലായുടെ എംഎല്‍എ. പാലാക്കാര്‍ അതിന് അനുവദിച്ചിട്ടുമില്ല. തദ്ദേശ തെരഞ്ഞെടുപ്പില്‍ സംസ്ഥാന ത്താകെ യുഡിഎഫിനു തിരിച്ചടിയേറ്റപ്പോഴും പാലായില്‍ മാണിക്കും കേരള കോണ്‍ഗ്രസിനും പിടിച്ചുനില്‍ക്കാനായി, പാലാ മുനിസിപ്പാലിറ്റിയിലും സമീപ പഞ്ചായത്തുകളിലും കേരള കോണ്‍ഗ്രസ് ഭരണം ഉറപ്പാക്കി.

കരുത്തും വെല്ലുവിളിയും
കത്തോലിക്കാ സഭയുടേതടക്കം ഉറച്ച പിന്തുണയാണു മാണിയുടെ കരുത്ത്. ബാര്‍ കോഴക്കേസുമായി ബന്ധപ്പെട്ട വിവാദങ്ങളും പാലായ്ക്ക് യഥാര്‍ഥ വികസനമുണ്ടായില്ലെന്ന ആരോപണങ്ങളും വേട്ടയാടുന്നുണ്ട് മാണിയെ. 1996ല്‍ 23790 വോട്ടിന്റെ ഭൂരിപക്ഷത്തിന്റെ ഗ്രാഫ് ക്രമേണ കുറയുന്നതാണ് കണ്ടത്.
2001 ല്‍22301 , 2006ല്‍ 7759 2011 ല്‍ 5259 എന്നിങ്ങനെ ചുരുങ്ങി വരുന്നു. പി സി ജോര്‍ജിന് നിര്‍ണ്ണായക സ്വാധീനമുള്ള മൂന്നിലവ്, മേലുകാവ്, തിടനാട്, തലനാട് തുടങ്ങി പഴയ പൂഞ്ഞാര്‍ മണ്ഡലത്തിലെ നാലുപഞ്ചായത്തുകള്‍ പാലാ മണ്ഡലത്തിന്റെ ഭാഗമായി. തദ്ദേശ സ്വയം ഭരണതിരഞ്ഞെടുപ്പില്‍ ഈ പഞ്ചായത്തുകള്‍ അടങ്ങിയ പൂഞ്ഞാര്‍ ഡിവിഷനില്‍ മാണിയുടെ വിശ്വസ്തയും മുന്‍ കോട്ടയം ജില്ലാ പഞ്ചായത്ത് പ്രസിഡന്റുമായ നിര്‍മ്മലാജിമ്മിയെ പി സി ജോര്‍ജിന്റെ പാര്‍ട്ടിയുടെ സ്ഥാനാര്‍ഥി ജെസി സെബാസ്റ്റ്യന്‍ ഇടതുപിന്തുണയോടെ തോല്‍പ്പിച്ചതു മാണിയെ ഞെട്ടിച്ചിരുന്നു. പാലയുടെ ഹൃദയമായ മീനച്ചില്‍ പഞ്ചായത്തില്‍ കേരളകോണ്‍ഗ്രസ് എമ്മിലെ ഒരു വിഭാഗം നേതൃത്വത്തെ പരസ്യമായി വെല്ലുവിളിച്ച് സി പി എം പിന്തുണയോടെ പഞ്ചായത്തു ഭരണം കൈയാളുന്നത് തലവേദന.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha