ജനിച്ച കാലം തൊട്ട് ഇതു വരെ അക്ഷരത്തെറ്റ് ഉണ്ടാക്കാത്തവരക്ക് തന്നെ എന്തുവേണമെങ്കിലും പറയാം: തിരുവഞ്ചൂര്
കഴിഞ്ഞ കുറച്ചുനാളായി തിരുവഞ്ചൂര് രാധാകൃഷ്ണനെ വികട സരസ്വതി വിടാതെ പിന്തുടരുകയാണ്. ട്രോളര്മാരും ചാനലുകാരും തിരുവഞ്ചൂരിനെ കളിയാക്കുമ്പോള് മന്ത്രിക്ക് പറയാനുള്ള ഒരു കാര്യം കൂടെ കേട്ടിട്ട് പരിഹസിച്ചോള്ളൂ...
\'വിമര്ശകരുടെ കൂട്ടത്തില് മലയാള ഭാഷയിലെ 56 അക്ഷരങ്ങളും കൃത്യമായി എഴുതാനറിയാത്തവര് വരെയുണ്ട്. എനിക്ക് അവരെയെല്ലാം വ്യക്തിപരമായി അറിയാം തിരുവഞ്ചൂര് പറഞ്ഞു. ഒരക്ഷരത്തെറ്റ് പോലും ഉണ്ടാവാത്ത ഏതെങ്കിലും മനുഷ്യനുണ്ടാകുമോ ഞാന് ഒരു അസാധാരണ വസ്തുവൊന്നും അല്ല. തെറ്റുകള് ഉണ്ടാകും. ജനിച്ച കാലം തൊട്ട് ഇതു വരെ അക്ഷരത്തെറ്റ് ഉണ്ടാക്കാത്തവരക്ക് തന്നെ എന്തുവേണമെങ്കിലും പറയാമെന്നും അദ്ദേഹം കൂട്ടിച്ചേര്ത്തു. തനിക്കെതിരെയുള്ള വിമര്ശനങ്ങള് ജനങ്ങള്ക്കിടയില് നല്ല സര്ട്ടിഫിക്കറ്റ് ലഭിക്കാന് കാരണമായെന്നും മന്ത്രി അഭിപ്രായപ്പെടുന്നു. ഇത്രയും കാലത്തെ രാഷ്ട്രീയഭരണപ്രവര്ത്തനത്തില് തനിക്ക് കാര്യമായ വിമര്ശനങ്ങളൊന്നും നേരിടേണ്ടിവന്നിട്ടില്ല. അതുകൊണ്ടാണ് അക്ഷരത്തെറ്റ് പോലെയുള്ള ചെറിയ കാര്യങ്ങളില് അവര് കയറിപ്പിടിച്ചിരിക്കുന്നത്. സോഷ്യല് മീഡിയയിലെ ട്രോളുകള് പേരും മേല് വിലാസവുമില്ലാത്തവരുടെ ഒളിപ്പോരായി മാത്രമേ കാണുന്നുള്ളൂ. ഇവയൊന്നും താന് ശ്രദ്ധിക്കാറില്ല\' എന്നും തിരുവഞ്ചൂര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
