സര്‍ക്കാര്‍ നയങ്ങള്‍ക്കെതിരെ വീണ്ടും ആഞ്ഞടിച്ച് ഡിജിപി ജേക്കബ് തോമസ്. സുതാര്യ കേരളം എന്ന പേരില്‍ ഓഫീസുകളില്‍ ക്യാമറ വെക്കുന്നത് ചെപ്പടി വിദ്യയാണെന്നാണ് അദ്ദേഹം പറഞ്ഞു. ഇത് അഴിമതി കുറയ്ക്കുന്നില്ലെന്ന് ജേക്കബ് തോമസ് അഭിപ്രായപ്പെട്ടു.
അഴിമതി സംബന്ധിച്ച കാര്യങ്ങളില്‍ ഒത്തുതീര്‍പ്പ് ചെയ്യാന്‍ ഏതെങ്കിലും രാഷ്ട്രീയ നേതാക്കാള്‍ നൂറ് തവണ പറഞ്ഞാലും അനുസരിക്കേണ്ടതില്ല. അഴിമതി കുറയ്ക്കാന്‍ കേരളത്തില്‍ മുഴുവന്‍ ക്യാമറ വെക്കേണ്ടി വരുമെന്നും ജേക്കബ് തോമസ് കൊച്ചിയില്‍ പറഞ്ഞു.
അഴിമതിക്കെതിരെ പ്രവര്‍ത്തിക്കേണ്ട വിജിലന്‍സ് വകുപ്പ് അടക്കമുള്ള സ്ഥാപനങ്ങള്‍ ശക്തമായി പ്രവര്‍ത്തിക്കാന്‍ തുടങ്ങിയാല്‍ അതിനൊയൊക്കെ നശിപ്പിക്കാനുള്ള ശ്രമങ്ങള്‍ ഉടന്‍ ഉണ്ടാവും. അഴിമതിയും ക്രമക്കേടും കണ്ടാല്‍ ഉദ്യോഗസ്ഥര്‍ മിണ്ടാതെ പാവകളെ പോലെ ഇരിക്കണമെന്നു പറയുന്ന കാലമൊക്കെ പോയി. അത്തരത്തിലുള്ള നിയമങ്ങളല്ല കേരളത്തില്‍ ഇപ്പോഴുള്ളത്. കേരളത്തിലെ സര്‍ക്കാര്‍ ഉദ്യോഗസ്ഥരില്‍ സത്യസന്ധമായി പ്രവര്‍ത്തിക്കുന്ന പത്തു ശതമാനം മാത്രമെയുള്ളൂവെന്നും ജേക്കബ് തോമസ് പറഞ്ഞു.
മാധ്യമങ്ങള്‍ അഴിമതിക്കെതിരേ ഉണര്‍ന്ന് പ്രവര്‍ത്തിക്കണം.മാധ്യമങ്ങള്‍ അവശ്യ സര്‍വീസ് അല്ല, അടിയന്തര സര്‍വീസ് ആണെന്നും ഡി.ജി.പി പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha