മാസപ്പടി കേസില് മുഖ്യമന്ത്രി പിണറായി വിജയനും മകള് വീണക്കുമെതിരെ അന്വേഷണം ആവശ്യപ്പെട്ട് മാത്യു കുഴല്നാടന് എംഎല്എ നല്കിയ ഹര്ജിയില് വിധി ഇന്ന്...
മാസപ്പടി കേസില് മുഖ്യമന്ത്രി പിണറായി വിജയനും മകള് വീണക്കുമെതിരെ അന്വേഷണം ആവശ്യപ്പെട്ട് മാത്യു കുഴല്നാടന് എംഎല്എ നല്കിയ ഹര്ജിയില് വിധി ഇന്ന്. തിരുവനന്തപുരം വിജിലന്സ് കോടതിയാണ് വിധി പ്രസ്താവിക്കുക. ധാതുമണല് ഖനനത്തിന് സിഎംആര്എല്ലിന് വഴിവിട്ട് സഹായം നല്കിയെന്നാണ് ആരോപണമുള്ളത്. മുഖ്യമന്ത്രിയും മകളും ഉള്പ്പെടെ ഏഴു പേരാണ് എതിര്കക്ഷികള്.
കേസില് വിജിലന്സ് അന്വേഷണം വേണമെന്നായിരുന്നു മാത്യു കുഴല്നാടന് ആദ്യം ആവശ്യപ്പെട്ടിരുന്നത്. പിന്നീട് കോടതി മേല്നോട്ടത്തില് അന്വേഷണം വേണമെന്ന ആവശ്യം ഉന്നയിക്കുകയായിരുന്നു.ഹര്ജിയില് 12 ന് വിധി പുറപ്പെടുവിക്കുമെന്നാണ് കോടതി നേരത്തെ വ്യക്തമാക്കിയിരുന്നത്.
എന്നാല് വിധിപ്പകര്പ്പ് തയ്യാറാക്കുന്നത് പൂര്ത്തിയാകാത്തതിനാലാണ് വിധി പ്രസ്താവം മാറ്റിയത്. ധാതു മണല് ഖനനത്തിനായി സിഎംആര്എല് കമ്പനിക്കു അനുമതി നല്കിയതിനു പ്രതിഫലമായി മുഖ്യമന്ത്രിയുടെ മകള്ക്ക് മാസപ്പടി ലഭിച്ചുവെന്നാണ് ഹര്ജിയിലെ ആരോപണം.
"
https://www.facebook.com/Malayalivartha