മൈക്രോഫിനാന്‍സ് തട്ടിപ്പില്‍ എസ്.എന്‍.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍ അടക്കം നാലു പേര്‍ക്കെതിരെ അന്വേഷണത്തിന് ഉത്തരവിടണമെന്ന പ്രതിപക്ഷനേതാവ് വി.എസ്. അച്യുതാനന്ദന്‍ സമര്‍പ്പിച്ച ഹര്‍ജിയില്‍ തിരുവനന്തപുരം വിജിലന്‍സ് കോടതി ഇന്ന് വിധി പറയും.
കേന്ദ്രസര്‍ക്കാര്‍ നല്‍കിയ കോടികണക്കിന് രൂപ, എസ്.എന്‍.ഡി.പി യോഗം ജനറല്‍ െസക്രട്ടറി വെളളാപളളി നടേശന്‍, പ്രസിഡന്റ് എം.എന്‍.സോമന്‍, പദ്ധതി കോ ഓര്‍ഡിനേറ്റര്‍ കെ.കെ. മഹേശന്‍, പിന്നാക്ക വികസന കോര്‍പറേഷന്‍ മുന്‍ എം.ഡി.എന്‍.നജീബ് എന്നിവര്‍ ചേര്‍ന്ന് തട്ടിയെടുത്തുവെന്നാണ് പ്രധാന ആരോപണം. എസ്.എന്‍.ഡി.പി ജില്ലാ ശാഖകള്‍ മുഖാന്തിരം സമുദായാംഗങ്ങള്‍ക്ക് വിതരണം ചെയ്യേണ്ടിയിരുന്ന വായ്പാതുക,, വ്യാജരേഖകള്‍ നിര്‍മിച്ച് തട്ടിയെടുക്കുകയായിരുന്നു. സര്‍ക്കാരിന്റെ അയ്യായിരം കോടി രൂപയാണ് ഇത്തരത്തില്‍ തട്ടിയെടുത്തത്. ഇതിന് പിന്നില്‍ വലിയതോതിലുളള ഗൂഢാലോചനയുണ്ടെന്നും വി.എസ്. അച്യുതാനന്ദന്‍ ഹര്‍ജിയില്‍ ആരോപിച്ചു. പദ്ധതിയില്‍ എണ്‍പതുലക്ഷത്തി മുപ്പതിനായിരം രൂപയുടെ തട്ടിപ്പു നടന്നുവെന്ന് വിജിലന്‍സിന്റെ രഹസ്യപരിശോധനയില്‍ തെളിഞ്ഞിരുന്നു. ഇക്കാര്യം വിജിലന്‍സ് അഡ്വൈസര്‍ കോടതിയെ അറിയിച്ചിട്ടുണ്ട്. വാദത്തിനിടെ എസ്.എന്‍.ഡി.പി യോഗത്തിന്റെ ജില്ലാശാഖകള്‍ക്ക് മാത്രമല്ലേ ഉത്തരവാദിത്തമെന്നും നേതൃത്വം എങ്ങനെ കുറ്റക്കാരാകുമെന്നും കോടതി സംശയമുന്നയിച്ചു. വായ്പ കരാര്‍ ഒപ്പിട്ടതും തുക കൈപ്പറ്റിയതും അടക്കം എല്ലാം കൈകാര്യം ചെയ്തത് എസ്എന്‍ഡിപി നേതൃത്വമാണെന്നായിരുന്നു വി.എസിന്റെ അഭിഭാഷകന്റെ മറുപടി. ഇക്കാര്യങ്ങളെല്ലാം പരിശോധിച്ചായിരിക്കും കോടതി വിധി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha