മാനസികാരോഗ്യ കേന്ദ്രത്തില്‍ പ്രായപൂര്‍ത്തിയായ പെണ്‍കുട്ടികളുള്‍പ്പടെയുള്ള അന്തേവാസികളെ നഗ്‌നരാക്കി അപമാനിക്കുന്നതായി പരാതി. പാട്ടു പാടിയെന്നും ആത്മഹത്യക്കു ശ്രമിച്ചെന്നുമെല്ലാം ആരോപിച്ചാണ് പെണ്കുട്ടികളുള്‍പ്പെടെയുള്ളവരെ നഗ്‌നരാക്കി സെല്ലില്‍ ഒറ്റയ്ക്കിടുന്നത്. പാട്ടുപാടി എന്ന കുറ്റത്തിന് നാലുദിവസമാണ് ഒരാളെ പൂര്‍ണ്ണ നഗ്‌നരാക്കി സെല്ലില് അടച്ചത്. കുപ്പിച്ചില്ലുപയോഗിച്ച് ആത്മഹത്യക്കു ശ്രമിച്ചതിനാണ് മറ്റൊരാളുടെ വസ്ത്രങ്ങള്‍ അധികൃതര്‍ ഊരി മാറ്റിയത്. പ്രായപൂര്‍ത്തിയാവാത്ത പെണ്‍കുട്ടിയും ഇത്തരം ശിക്ഷാ നടപടിക്കു വിധേയരായവരില്‍പെടുന്നു.
ശിക്ഷയ്ക്ക് വിധേയരായവര്‍ അപമാനഭാരത്തോടെ തണുത്തു വിറങ്ങലിച്ച് ദിവസങ്ങളോളം സെല്ലില് കഴിയേണ്ടി വരുന്നു.
പീഡനം സംബന്ധിച്ച് തൃശൂര് മാനസികാരോഗ്യ കേന്ദ്രത്തിലെ അന്തേവാസികള്‍ മനുഷ്യാവകാശ കമ്മീഷനും ബാലാവകാശ കമ്മീഷനും പോലീസിനും പരാതി നല്‍കിയിട്ടുണ്ട്. എന്നാല്‍, ഒരു മാസം കഴിഞ്ഞിട്ടും നടപടി ഉണ്ടായിട്ടില്ല. പരാതി ലഭിക്കുന്നതിന് ഇപ്പോഴാണെങ്കിലും ഇതിനുമുമ്പും പലരെയും ഇത്തരത്തില് അപമാനിച്ചിട്ടുണ്ട് എന്നാണ് അറിയുന്നത്. പലപ്പോഴും രോഗിയെ കൊണ്ടു വരുന്നവരുടെ മുന്നില് വച്ചു തന്നെയാണ് പ്രാകൃത ശിക്ഷാ മുറകള്‍ നടപ്പാക്കുന്നത്. അസുഖമുണ്ടോ എന്നറിയാന് വിദഗ്ദ്ധ പരിശോധനയക്ക് എത്തുന്നവരെപ്പോലും വെറുതെ വിടുന്നില്ല.
മാനസികരോഗം സംശയിക്കുന്നവരെ പോലും ഇത്തരത്തിലാണ് ചില ഡോക്ടര്മാര് ചികിത്സിക്കുന്നത്,
ആത്മഹത്യാ പ്രവണതയുള്ളവര്ക്ക് അതിനുള്ള സാഹചര്യങ്ങള് ഒഴിവാക്കുന്നതിന്റെ ഭാഗമായാണ് വസ്ത്രങ്ങള് ഒഴിവാക്കുന്നതെന്ന ന്യായമാണ് അധികൃതര് നിരത്തുന്നത്. എന്നാല് അത്തരക്കാര്‍ക്ക് നല്‍കാനുള്ള വസ്ത്രങ്ങളുണ്ട് എന്ന് വിദഗ്ദ്ധര്‍ ചൂണ്ടികാണിക്കുന്നു. ജയിലില് പോലും വസ്ത്രത്തിന്റെ കാര്യത്തില് കൃത്യമായ മാര്‍ഗ്ഗനിര്‍ദ്ദേശങ്ങള് ഉള്ളപ്പോഴാണ് രോഗത്തിന്റെ പേരില്‍ ഈ പീഡനം അരങ്ങേറുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha