ജയിലില്‍നിന്ന് മാവോയിസ്റ്റ് നേതാവ് രൂപേഷിന്റെ കത്ത്. വസന്തത്തിന്റെ പൂമരങ്ങള്‍ എന്ന തന്റെ നോവല്‍ പ്രസിദ്ധീകരിച്ച ഗ്രീന്‍ ബുക്‌സിന് അയച്ച കത്ത്, പ്രസാധകരുടെ പുസ്തകവിചാരം എന്ന പ്രസിദ്ധീകരണത്തിലാണ് അച്ചടിച്ചുവന്നത്. ജയില്‍ ജീവിതത്തെ കുറിച്ചും സാഹിത്യകാരന്‍ പാട്രിക് മോദിയാനോയെ കുറിച്ചും പ്രതിപാതിക്കുന്ന കത്തില്‍ ജയിലില്‍ ജിവിക്കുന്ന കഥാപാത്രങ്ങളുടെ സാധ്യതകളും പങ്കുവയ്ക്കുന്നുണ്ട്.

കത്തിന്റെ പൂര്‍ണരൂപം:

പ്രിയ സ്‌നേഹ മാഡം,
മുമ്പയച്ച കത്തുകള്‍ കിട്ടിയിട്ടുണ്ടാകുമെന്നു കരുതുന്നു. കോയമ്പത്തൂരില്‍ നിന്ന് കണ്ണൂരു വന്നപ്പോള്‍ മോദിയാനോയുടെ നോവലുകള്‍ കൈപറ്റി.ഔപചാരികസ്വഭാവത്തോടെയാണെങ്കിലും നിങ്ങളുടെ ഒരു പിന്തുണ എന്ന നിലയില്‍ മനസ്സിലാക്കുകയും നന്ദി രേഖപ്പെടുത്തുകയും ചെയ്യുന്നു.
മോദിയാനോയുടെ നോവല്‍ നല്ല വായനാനുഭവമായിരുന്നു. എഴുത്തിന്റെ അപാരമായ ടെക്‌നിക്കുകളുണ്ട്. എങ്കിലും വഴിയോരകഫേയിലെ പെണ്‍കുട്ടിയുടെ രാഷ്ര്ടീയം ഗൗരവമായി ചര്‍ച്ച ചെയ്യപ്പെടേണ്ടതാണെന്നു തോന്നുന്നു.ഫ്രഞ്ചു വിപല്‍വത്തില്‍ നിന്ന് വസന്ത കലാപത്തിലെത്തിയ ശക്തമായ ഒരു വിപല്‍വ അടിയൊഴുക്കില്‍ നിന്നുള്ള ഒരു പ്രതിസന്ധിയെയാണ് നോവലില്‍ അവതരിപ്പിക്കുന്നത്. എന്നാല്‍ അതിന്റെ ധാര ഉത്തരാധുനികതയും ഓറിയന്റലിസവും ചേര്‍ന്ന ഒരു രാസമിശ്രിതമാണെന്നാണ് എനിക്കു തോന്നിയത്. മൂന്നു നാലു വര്‍ഷം മുമ്പ് ഒരു യൂറോപ്യന്‍ ബുദ്ധിജീവിയുമായി ഒതു രാത്രി മുഴുവന്‍ ഇക്കാര്യത്തെ കുറിച്ച് സംവാദത്തിലേര്‍പ്പെട്ടിരുന്നു. യൂറോപ്പിന്റെ ഒരു ദൈഷണിക പ്രതിസന്ധിയെയാണ് ഇതു കുറിക്കുന്നത് എന്ന് തോന്നുന്നു.
ഇവിടെ എഴുത്തിനും വായനയ്ക്കുമുള്ള സാധ്യത അനന്തമാണ്. ഒരു പക്ഷേ ഭാവിയില്‍ എഴുകുകയോ എഴുതാതെ പോവുകയോ ചെയ്യാവുന്ന കഥകളിലേക്കും നോവലുകളിലേക്കും കഥാപാത്രങ്ങള്‍ക്കു നടുവിലുള്ള ഒരു ജീവിതത്തെകുറിച്ച് ഓര്‍ത്തു നോക്കൂ....നിഷാമും,ഗോവിന്ദചാമിയും അങ്ങനെ കുറെപെര്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha