2011 ജൂണില്‍ സെക്രട്ടേറിയറ്റില്‍ ചെന്ന് മുഖ്യമന്ത്രിയെ ആദ്യമായി നേരിട്ടു കാണുന്നത് ടീം സോളാറിന് സര്‍ക്കാര്‍ അംഗീകാരം ലഭ്യമാക്കാനും പദ്ധതികളെക്കുറിച്ച് പറയാനാണെന്ന് സരിത സോളാര്‍ കമ്മീഷനോട് പറഞ്ഞു. മുഖ്യമന്ത്രി മന്ത്രി ആര്യാടന്‍ മുഹമ്മദിനെ അവിടെ വെച്ചുതന്നെ ഫോണില്‍ വിളിച്ചുവെന്ന് ഇക്കാര്യങ്ങള്‍ സൂചിപ്പിക്കുന്നു. തുടര്‍ന്ന് ആര്യാടന്‍ മുഹമ്മദിനെ നേരിട്ട് കാണാന്‍ മുഖ്യമന്ത്രി നിര്‍ദേശിക്കുകയും ദുരിതാശ്വാസ ഫണ്ടിലേയ്ക്ക് പണം നേരിട്ട് നല്‍കുകയും ചെയ്തു. 2012ല്‍ അപ്രകാരം കൊടുത്ത ചെക്കില്‍ പണം ഇല്ലാത്തതിനാല്‍ ചെക്ക് മടങ്ങിയിട്ടുണ്ട്. മുഖ്യമന്ത്രിയുടെ ഓഫീസില്‍ എത്ര തവണ പോയി എന്ന് ഓര്‍ക്കുന്നില്ല എന്നും സരിത പറഞ്ഞു. അതിനു ശേഷം ഡല്‍ഹിയില്‍ വെച്ച് തോമസ് കുരുവിളയെ താന്‍ പരിചയപ്പെട്ടിരുന്നു. ജോപ്പന്റെ നമ്പറില്‍ വിളിക്കാന്‍ പറഞ്ഞത് മുഖ്യമന്ത്രിയായിരുന്നു എന്നും ആദ്യമായി മുഖ്യമന്ത്രിയെ കാണാന്‍ അവസരം ലഭിച്ചത് ഗണേഷ് കുമാറിന്റെ പി.എ വഴിയാണ്. 2 കോടി രൂപയാണ് പി.എ ആവശ്യപ്പെട്ടത്. പണത്തിന്റെ കാര്യത്തില്‍ താന്‍ ബാര്‍ഗെയ്ന്‍ ചെയ്തുവെന്നും സരിത കമ്മീഷനോട് പറഞ്ഞു. ഒടുവില്‍ 75 ലക്ഷം രൂപ മന്ത്രി ആര്യാടന്‍ മുഹമ്മദിന്റെ ഔദ്യോഗിക വസതിയില്‍ വെച്ച് പി.എ ക്ക് കൊടുത്തു. ജോപ്പന്‍, സലീം രാജ് ജിക്കുമോന്‍ എന്നിവരുടെ ഫോണ്‍ വഴിയാണ് താന്‍ മുഖ്യമന്ത്രിയെ വിളിച്ചിരുന്നതെന്നും പിന്നീട് മന്ത്രിയുടെ പി.എ കേശവന്‍ തന്നോട് പറഞ്ഞത്. മന്ത്രിക്ക് എന്തെങ്കിലും കൊടുത്താല്‍ മാത്രമേ കാര്യങ്ങള്‍ നടക്കൂ എന്നും പി.എ പറഞ്ഞു. പിന്നീട് മന്ത്രി ആര്യാടന്‍ മുഹമ്മദിനെ താന്‍ കണ്ടപ്പോള്‍ വേണ്ടതു ചെയ്യാമെന്ന് മുഖ്യമന്ത്രി പറഞ്ഞിരുന്നു. പിന്നീട് പല തവണ താന്‍ മന്ത്രിയെ ഫോണില്‍ വിളിച്ചെങ്കിലും ഒന്നും നടന്നില്ല. അങ്ങനെ ഒരു പ്രാവശ്യം ജിക്കുമോന്‍ ഉദേശിച്ച പ്രകാരം സോളാര്‍ മെഗാ പവര്‍ പ്രോജക്ടിനെക്കുറിച്ച് മുഖ്യമന്ത്രിയോട് പറയുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha