മറവന്‍തുരുത്തിൽ അമ്മായിഅമ്മയേയും ഭാര്യയെയും വെട്ടിക്കൊലപ്പെടുത്തിയ യുവാവിനെ പോലീസ് അറസ്റ്റ് ചെയ്തു. കഴിഞ്ഞ ദിവസം വൈകിട്ട് ആറിന് മറവന്‍ തുരുത്ത് വാളോര്‍മംഗലത്താണ് നാടിനെ നടുക്കിയ കൊലപാതകം നടന്നത്. ശിവപ്രസാദം വീട്ടില്‍ ഗീത (60), ശിവപ്രിയ (35) എന്നിവരെയാണ് മരുമകന്‍ നിധീഷ് (39) അതിദാരുണമായി വെട്ടിക്കൊലപ്പെടുത്തിയത്. ശിവപ്രിയയെ കട്ടിലിലും ഗീതയെ നിലത്തുമാണ് കൊല്ലപ്പെട്ട നിലയില്‍ കണ്ടത്. കുറച്ചു നാളുകളായി കുടുംബവുമായി അകന്നുകഴിയുന്ന നിധീഷ് ഉദയനാപുരം നേരേകടവ് ഭാഗത്ത് മാറി താമസിക്കുകയായിരുന്നു.

ഇവിടെ നിന്നെത്തിയാണ് കൃത്യം നിര്‍വഹിച്ചത്. ഭാര്യയ്‌ക്കൊപ്പം ഉണ്ടായിരുന്ന നാല് വയസ്സുള്ള പെണ്‍കുഞ്ഞിനെ ഇയാള്‍ എടുത്തുകൊണ്ട് പോയി. കനത്ത മഴയായിരുന്നതിനാല്‍ സമീപവാസികള്‍ ആരുംതന്നെ സംഭവം അറിഞ്ഞില്ല. ചോരയില്‍ കുളിച്ചു നിതീഷ് നടന്നുപോകുന്നത് നാട്ടുകാരിൽ ചിലർ കണ്ടിരുന്നു. സുഹൃത്ത് നൽകിയ വിവരത്തിന്റെ അടിസ്ഥാനത്തിൽ പോലീസ് എത്തിയാണ് ഇയാളെ പിടികൂടുകയും ചോദ്യം ചെയ്യലില്‍ കൊലപാതകക്കഥ പുറത്തുവരുകയും ചെയ്തത്. ഉദയനാപുരത്ത് പപ്പട കടയില്‍ ജോലി നോക്കുകയായിരുന്നു നിധീഷ്.

ഒന്നര വര്‍ഷങ്ങള്‍ക്ക് മുമ്പ് ഗള്‍ഫില്‍ നിന്ന് അവധിക്കെത്തിയ ഗീതയുടെ മകന്‍ തുറുവേലിക്കുന്നില്‍ വെച്ച് ബൈക്ക് അപകടത്തില്‍ മരണപ്പെട്ടിരുന്നു. പിന്നീട് ഗീതയ്‌ക്കൊപ്പം ആയിരുന്നു മകളും മരുമകനും താമസിച്ചിരുന്നത്. കൈയ്ക്കു ഗുരുതരമായി മുറിവേറ്റ പ്രതിയെ പൊലീസ് കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.

ഇന്നലെ രാത്രി 7.15ന് ആണു സംഭവം. നിധീഷ് ഇരുവരെയും ഈയിടെ വാങ്ങിയ കത്തി ഉപയോഗിച്ച് കുത്തിക്കൊല്ലുകയായിരുന്നുവെന്നു പൊലീസ് പറഞ്ഞു. കൃത്യത്തിനു ശേഷം ഇയാൾ ഇയാളുടെ വീട്ടിൽ മകളെ ആക്കിയ ശേഷം സുഹൃത്തിനോടു കൊലപാതക വിവരം പറയുകയായിരുന്നു. സുഹൃത്താണു പൊലീസിൽ വിവരം അറിയിച്ചത്. തലയോലപ്പറമ്പ് എസ്എച്ച്ഒ വിപിൻ ചന്ദ്രൻ എത്തിയാണു നിധീഷിനെ കസ്റ്റഡിയിലെടുത്തത്. നിധീഷ് പപ്പടനിർമാണത്തൊഴിലാളിയാണ്.

ശിവപ്രിയ വൈക്കത്ത് സ്വകാര്യ സ്ഥാപനത്തിലെ ജീവനക്കാരിയാണ്. കൊലപാതകം നടന്ന വീട്ടിൽ പൊലീസ് പരിശോധന നടത്തുമ്പോഴാണു നാട്ടുകാർ സംഭവത്തെക്കുറിച്ച് അറിയുന്നത്. ഏതാനും വർഷങ്ങൾക്കു മുൻപാണ് ഇവർ ഇവിടെ സ്ഥലം വാങ്ങി വീടുവച്ച് താമസമാക്കിയത്. പ്രദേശവാസികളുമായി കുടുംബത്തിന് അധികം ബന്ധമില്ലായിരുന്നുവെന്നു നാട്ടുകാർ പറഞ്ഞു.