കോളേജ് കെട്ടിടത്തില് നിന്ന് കത്തിക്കരിഞ്ഞ നിലയില് കണ്ടെത്തിയ മൃതദേഹം ഉടമയുടേതു തന്നെയാണെന്ന് ഡിഎന്എ പരിശോധന ഫലം ... ഞായറാഴ്ച കോളജില് പൊതുദര്ശനം...
നെടുമങ്ങാട് കരകുളം പിഎ അസീസ് എന്ജിനീയറിങ് ആന്ഡ് പോളിടെക്നിക് കോളജിനുള്ളിലെ നിര്മാണത്തിലിരിക്കുന്ന കെട്ടിടത്തില് നിന്ന് കത്തിക്കരിഞ്ഞ നിലയില് കണ്ടെത്തിയ മൃതദേഹം കോളജ് ഉടമ ഇഎം താഹയുടേത് തന്നെയാണെന്നാണ് ഡിഎന്എ പരിശോധന ഫലം. ഡിഎന്എ പരിശോധന ഫലം താഹയുടെ കുടുംബത്തിന് പൊലീസ് കൈമാറി.
ഇക്കഴിഞ്ഞ ഡിസംബര് 31നാണ് കോളജിനുള്ളിലെ നിര്മാണത്തിലിരുന്ന കെട്ടിടത്തിനുള്ളില് മൃതദേഹം കണ്ടെത്തിയത്. സാമ്പത്തിക ബാധ്യതകളെ തുടര്ന്നുണ്ടായ മനോവിഷമത്തെ തുടര്ന്നുള്ള ആത്മഹത്യയാണെന്ന് സ്ഥിരീകരിച്ചതായി പൊലീസ്
60 കോടിയോളം രൂപയുടെ നികുതി ബാധ്യത താഹയ്ക്ക് ഉണ്ടായിരുന്നെന്ന് പൊലീസ് വ്യക്തമാക്കി. മരിച്ചത് ഇഎം താഹ തന്നെയാണെന്ന് സ്ഥിരീകരിച്ചതോടെ മോര്ച്ചറിയില് സൂക്ഷിച്ചിരുന്ന മൃതദേഹം ഞായറാഴ്ച കോളജില് പൊതുദര്ശനത്തിന് വെക്കും. തുടര്ന്ന് കൊല്ലം പള്ളിമുക്കില് ഖബറടക്കം ചെയ്യും.
"
https://www.facebook.com/Malayalivartha
