തൃശ്ശൂര് തോല്വിയില് നടപടി വേണമോയെന്ന് തീരുമാനിക്കേണ്ടത് പാര്ട്ടി നേതൃത്വമാണെന്ന് കെ മുരളീധരന്
തൃശ്ശൂര് തോല്വിയില് നടപടി വേണമോയെന്ന് തീരുമാനിക്കേണ്ടത് പാര്ട്ടി നേതൃത്വമാണെന്ന് കെ മുരളീധരന്. ബിജെപിയില് നിന്ന് സീറ്റ് തിരിച്ചുപിടിക്കാന് ടി.എന്.പ്രതാപന് അവിടെ മത്സരിക്കണം. വസ്തുതകള് മനസ്സിലാകാതെ മത്സരിക്കാനിറങ്ങിയതാണ് താന് ചെയ്ത തെറ്റ്. തന്നെ ചതിച്ചതാണോയെന്ന് എല്ലാവര്ക്കും അറിയാമെന്നും മുരളീധരന് തിരുവനന്തപുരത്ത് പറഞ്ഞു
താന് ആരോടും പരാതി പറഞ്ഞിട്ടില്ല. ആരുടെയും തലയില് കുറ്റം ചാര്ത്താനില്ല. ഒരു റിപ്പോര്ട്ടിലും പാര്ട്ടി നടപടി സ്വീകരിച്ചിട്ടില്ല. പുറത്ത് വന്ന റിപ്പോര്ട്ട് ശരിയായതാണോ എന്ന് അറിയില്ല. റിപ്പോര്ട്ട് താന് കണ്ടിട്ടില്ല. സംഭവിച്ച കാര്യങ്ങളെ കുറിച്ച് ഇനി പറഞ്ഞിട്ട് കാര്യമില്ല. നടപടി ആവശ്യപ്പെടാന് താന് പരാതിക്കാരനല്ല.
നടപടി വേണമോ എന്ന് തീരുമാനിക്കേണ്ടത് പാര്ട്ടി നേതൃത്വമാണ്. ഈ വിഷയത്തില് ഇനി പാര്ട്ടിക്ക് ഒരു പ്രശ്നം ഉണ്ടാക്കാന് താന് ഇല്ല. രാഷ്ട്രീയകാര്യ സമിതിയില് വിമര്ശനങ്ങള് ഉണ്ടാകും. പാര്ട്ടി വേദികള് സ്തുതിക്കാന് ഉള്ളതല്ല. യുഡിഎഫിന്റെ പരാജയത്തേക്കാള് ബിജെപിയുടെ ജയമാണ് തൃശൂരില് സംഭവിച്ച പ്രശ്നമെന്നും അദ്ദേഹം വ്യക്തമാക്കി.
https://www.facebook.com/Malayalivartha
