തിരുവനന്തപുരം നന്തന്‍കോട് ബെയിന്‍സ് കോമ്പൗണ്ട് കൂട്ടക്കൊല...കേഡല്‍ ജീന്‍സന്‍ രാജ കുറ്റക്കാരനെന്ന് വിചാരണ കോടതി കണ്ടെത്തി, ശിക്ഷയെക്കുറിച്ച് വാദം ഇന്ന് കേള്‍ക്കും
പഠനം പൂര്‍ത്തിയാക്കാത്തതിന് വീട്ടുകാര്‍ അവഗണിച്ചതില്‍ വച്ചുള്ള വിരോധത്താലും ആത്മാവ് ശരീരത്തില്‍ നിന്ന് വേര്‍പെടുന്നത് കാണാനായി ആസ്ട്രല്‍ പ്രൊജക്ഷന്‍ ചെകുത്താന്‍ സേവയിലൂടെ ആഭിചാര ക്രിയ ചെയ്തും ബിരിയാണിയില്‍ എലിവിഷം കലര്‍ത്തി നല്‍കി പ്രതിരോധിക്കാന്‍ സ്വയം കെല്‍പില്ലാത്ത അവസ്ഥയിലാക്കിയ ശേഷം
അച്ഛനും അമ്മയും സഹോദരിയും അടക്കം നാലു പേരെ ഓണ്‍ലൈനില്‍ വാങ്ങിയ മഴു കൊണ്ട് കൂട്ടക്കൊല ചെയ്ത് വീടിന് തീയിട്ട തലസ്ഥാന ജില്ലയിലെ
നന്തന്‍കോട് ബെയില്‍സ് കോംപൗണ്ട് കൂട്ടക്കൊല കേസില്‍ ഏക പ്രതി കേഡല്‍ ജീന്‍സന്‍ രാജ കുറ്റക്കാരനെന്ന് വിചാരണ കോടതി കണ്ടെത്തി.
ശിക്ഷയെക്കുറിച്ചുള്ള വാദം ചൊവ്വാഴ്ച (ഇന്ന്) കേള്‍ക്കും. ഗുരുതരവും ഗൗരവമേറിയതും മനസാക്ഷി മരവിപ്പിക്കുന്നതുമായ പൈശാചിക കൃത്യത്തിലൂടെ 4 രക്തബന്ധുക്കളെ മൃഗീയമായും ദാരുണമായും കൊലപ്പെടുത്തിയ പ്രതിയ്ക്ക് നല്ല നടപ്പു നിയമത്തിന്റെ ഔദാര്യത്തിന് അര്‍ഹതയില്ലെന്നുംകോടതി വിധിന്യായത്തില്‍ പ്രതി കുറ്റക്കാരനെന്ന് കണ്ടെത്തിയ പേജില്‍ വ്യക്തമാക്കി.
തിങ്കളാഴ്ച ഹാജരാക്കിയ കേഡലിനെ ഇന്ന് ഹാജരാക്കാന്‍ നിര്‍ദേശിച്ച് കണ്‍വിക്ഷന്‍ വാറണ്ട് പ്രകാരം ജയിലിലേക്ക് തിരിച്ചയച്ചു.
തിരുവനന്തപുരം ആറാം അഡീഷണല്‍ ജില്ലാ സെഷന്‍സ് ജഡ്ജി കെ . വിഷ്ണു ആണ് പ്രതി കുറ്റക്കാരനെന്ന് കണ്ടെത്തിയത്.
ഇന്ത്യന്‍ ശിക്ഷാ നിയമത്തിലെ വകുപ്പുകളായ 302 (കൊലപാതകം) , 436 ( വീടിന് തീ വെക്കല്‍) , 201(തെളിവ് നശിപ്പിക്കല്‍) എന്നീ ശിക്ഷാര്‍ഹമായ കുറ്റങ്ങള്‍ പ്രതി ചെയ്തുവെന്നാണ് കോടതി കണ്ടെത്തിയത്.
https://www.facebook.com/Malayalivartha
