വിവാഹാഭ്യര്‍ത്ഥന നിരസിച്ച കാമുകിയെയും പിതാവിനെയും മദ്യലഹരിയില്‍ യുവാവ് വീട്ടില്‍ക്കയറി വെട്ടി പരിക്കേല്‍പ്പിച്ചു
പാലക്കാട് നെന്‍മാറയില്‍ വിവാഹാഭ്യര്‍ത്ഥന നിരസിച്ചതിന് കാമുകിയെയും പിതാവിനെയും യുവാവ് വീട്ടില്‍ക്കയറി വെട്ടി. അതിക്രമം നടത്തിയ കാമുകനായ മേലാര്‍കാട് സ്വദേശി ഗിരീഷിനെ പൊലീസ് അറസ്റ്റു ചെയ്തു. ഗിരീഷും യുവതിയും തമ്മില്‍ നാലു വര്‍ഷമായി അടുപ്പത്തിലായിരുന്നു എന്നാണ് പൊലീസ് പറയുന്നത്. ഒന്നര വര്‍ഷം മുമ്പാണ് യുവതി വിദേശത്തേക്ക് ജോലിക്കു പോയത്. അവധിക്കായി നാട്ടില്‍ വന്നപ്പോഴായിരുന്നു ആക്രമണം.
ആക്രമണത്തില്‍ യുവതിയുടെ കൈയിലും മുതുകിലും വെട്ടേറ്റിട്ടുണ്ട്. യുവതിയും അച്ഛനും നിലവില്‍ ആശുപത്രിയില്‍ ചികിത്സയിലാണ്. ഒളിവില്‍ പോകാന്‍ ശ്രമിച്ച പ്രതി പിടിയിലായി. അറസ്റ്റു ചെയ്ത ശേഷം ഇയാളെ റിമാന്‍ഡ് ചെയ്തു.
നാട്ടിലെത്തിയ വിവരമറിഞ്ഞ് ഗിരീഷ് നിരന്തരം യുവതിയെ കാണാന്‍ ശ്രമിക്കുകയും വിവാഹം കഴിക്കണമെന്ന് ആവശ്യപ്പെടുകയും ചെയ്തു. എന്നാല്‍ യുവതിയും പിതാവും അതിന് തയ്യാറായില്ല. ഇതിനെത്തുടര്‍ന്നുണ്ടായ പ്രകോപനത്താലാണ് പ്രതി ഇരുവരെയും വെട്ടി പരിക്കേല്‍പ്പിച്ചത്
മദ്യലഹരിയില്‍ യുവതിയുടെ വീട്ടിലെത്തിയ ഗിരീഷ് കിടപ്പുമുറിയിലായിരുന്ന യുവതിയെ കൈയിലുണ്ടായിരുന്ന കത്തി കൊണ്ട് തലങ്ങും വിലങ്ങും വെട്ടി പരിക്കേല്‍പ്പിക്കുകയായിരുന്നു. തടയാനെത്തിയ പിതാവിനെയും ഇയാള്‍ വെട്ടിപരിക്കേല്‍പ്പിക്കുകയായിരുന്നു.
https://www.facebook.com/Malayalivartha
