സന്തോഷ് മാധവന് ഭൂമിദാന കേസില് റവന്യൂ മന്ത്രി അടൂര് പ്രകാശിനെതിരെ ദ്രുത പരിശോധനയ്ക്ക് മൂവാറ്റുപുഴ വിജിലന്സ് കോടതി ഉത്തരവ്
വിവാദ ആള് ദൈവം സന്തോഷ് മാധവന് ഇടനിലക്കാരനായ ഭൂമിദാന കേസില് റവന്യൂ മന്ത്രി അടൂര് പ്രകാശിനെതിരെ ദ്രുത പരിശോധനയ്ക്ക് മൂവാറ്റുപുഴ വിജിലന്സ് കോടതി ഉത്തരവിട്ടു. റവന്യൂ പ്രിന്സിപ്പല് സെക്രട്ടറി ബിശ്വാസ് മേത്തയടക്കം അഞ്ചു പേര്ക്കെതിരെയും ത്വരിത പരിശോധന നടത്താന് കോടതി ഉത്തരവിട്ടു. സന്തോഷ് മാധവനെതിരേയും ഇയാളുടെ ബിനാമി കമ്പനികള്ക്കെതിരെയും അന്വേഷണം നടത്തും. എസ്പി റാങ്കിലുള്ള ഉദ്യോഗസ്ഥന് അന്വേഷിച്ച് 15 ദിവസത്തിനകം റിപ്പോര്ട്ട് നല്കാനാണ് കോടതി നിര്ദ്ദേശിച്ചിരിക്കുന്നത്.
എറണാകുളം, തൃശൂര് ജില്ലകളിലായി 127 ഏക്കര് മിച്ച ഭൂമിയാണ് സ്വകാര്യ കമ്പനിക്ക് നല്കിയത്. ഇത് സംബന്ധിച്ച വാര്ത്ത റിപ്പോര്ട്ടറാണ് പുറത്തു കൊണ്ടുവന്നത്.
തെരഞ്ഞെടുപ്പ് വിജ്ഞാപനത്തിന് തൊട്ടുമുമ്പാണ് റവന്യൂവകുപ്പിന്റെ ഇളവ് നല്കിക്കൊണ്ടുള്ള ഉത്തരവിറങ്ങിയത്. ഐടി വ്യവസായത്തിനെന്ന വ്യാജേനെയാണ് 90 ശതമാനം നെല്പാടങ്ങളുള്പ്പെട്ട സ്ഥലം സര്ക്കാര് വിട്ടുനല്കിയത്.
സന്തോഷ് മാധവന്റെ നേതൃത്വത്തിലുള്ള ആഎംഇസെഡ് ഇക്കോ വേള്ഡ് ഇന്ഫ്രാസ്ട്രെക്ചര് ലിമിറ്റഡ് എന്ന കമ്പനിയുടെ ഉടമസ്ഥതയില് വടക്കന് പറവൂര്, പുത്തന്വേലിക്കര, മാള എന്നിവടങ്ങളിലുള്ള 118 ഏക്കര് സ്ഥലം 2009 ജനുവരിയിലാണ് മിച്ചഭൂമിയായി സര്ക്കാര് ഏറ്റെടുത്തത്. അന്ന് കമ്പനിയുടെ പേര് ആദര്ശ് െ്രെപം പ്രൊജക്ട് ലിമിറ്റഡ് എന്നായിരുന്നു. ഇതേ തുടര്ന്ന് ഇക്കോ ഫുഡ് പാര്ക്ക് തുടങ്ങുന്നതിനായി ഭൂപരിഷ്കരണനിയമം 81(3) ബി പ്രകാരമുള്ള ഭൂപരിധി ഒഴിവിനായി സര്ക്കാരിനെ സമീപിച്ചു. ഇത് സംബന്ധിച്ച് അന്വേഷണം നടത്തി റിപ്പോര്ട്ട് സമര്പ്പിക്കാന് എറണാകുളം, തൃശൂര് ജില്ലകളിലെ കളക്ടര്മാരുടെ അധ്യക്ഷതയിലുള്ള ജില്ലാസമിതികളോട് സംസ്ഥാന സര്ക്കാര് നിര്ദ്ദേശം നല്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
