ധര്മ്മടം സത്രത്തിനടുത്തെ വീട്ടില് വന് കവര്ച്ച
കണ്ണൂര് ധര്മ്മടം സത്രത്തിനടുത്ത് വീട്ടില് നിന്നും 24 പവന് സ്വര്ണ്ണാഭരണങ്ങളും 15,000 രൂപയും മോഷണം പോയി. ധര്മ്മടം സ്വദേശി രത്നാകരന്റെ വീട്ടില് നിന്നാണ് പണവും ആഭരണങ്ങളും നഷ്ടപ്പെട്ടത്. മുറിയില് അലമാരയില് സൂക്ഷിച്ച സ്വര്ണമാണ് മോഷ്ടിച്ചത്. രത്നാകരന്റെ വീട്ടില് വിരലടയാള വിദഗ്ദരും ഡോഗ് സ്ക്വാഡും പരിശോധന നടത്തി.
തലശേരി തലായ് ഹാര്ബറില് മത്സ്യ സ്റ്റാള് നടത്തി വരികയാണ് രത്നാകരന്. ബുധനാഴ്ച്ച രാത്രിയാണ് കവര്ച്ച നടന്നതെന്നാണ് പൊലീസ് നിഗമനം. രാത്രി മകന് വിദേശത്തേക്ക് പോകുന്നതിന്റെ തിരക്കിലായിരുന്നു വീട്ടുകാര്. വീട്ടുകാര് പുറത്തേക്ക് പോയ സമയം അകത്തു കടന്ന മോഷ്ടാവ് മുറിയില് സൂക്ഷിച്ച സ്വര്ണ്ണവും പണവുമെടുത്തുവെന്നാണ് സൂചന. ഏഴ് സ്വര്ണവള, അഞ്ച് മോതിരം എന്നിവയുള്പ്പടെയുളള ആഭരണങ്ങളാണ് മോഷണം പോയതായാണ് പരാതി. സംഭവത്തില് ധര്മ്മടം പൊലീസ് അന്വേഷണം തുടങ്ങി. വീട്ടില് വിരലടയാള വിദഗ്ദരും ഡോഗ് സ്ക്വാഡും പരിശോധന നടത്തി.
https://www.facebook.com/Malayalivartha
