കോഴിക്കോട് മലാപ്പറമ്പിൽ പോസ്റ്റിൽ നിന്ന് റോഡിലേക്ക് വീണ കേബിളിൽ കുരുങ്ങി യുവാവിന് പരിക്കേറ്റു. കുന്ദമം​ഗലം സ്വദേശിയായ ബിജുവിനാണ് പരിക്കേറ്റത്. ബിജുവിന്റെ കൈപ്പത്തിയിൽ ആഴത്തിലുള്ള മുറിവേറ്റു. ജോലിയുമായി ബന്ധപ്പെട്ട കാര്യങ്ങൾക്കായി ഇരുചക്രവാഹനത്തിൽ യാത്ര ചെയ്യുമ്പോഴാണ് അപകടം.

പിന്നിൽ നിന്ന് മറ്റൊരു വാഹനം ഹോണടിച്ചപ്പോൾ വണ്ടി സൈഡാക്കിയതാണ്. കേബിൾ കയ്യിൽ കുരുങ്ങി രക്തസ്രാവമുണ്ടായി. അപ്പോൾ തന്നെ ആശുപത്രിയിൽ പോയി. ആ സമയത്ത് അവിടെ ആരും ഇല്ലായിരുന്നെങ്കിൽ താൻ വളരെയധികം ബുദ്ധിമുട്ടിയേനെയെന്നും ബിജുവിന്റെ വാക്കുകൾ.

പെട്ടെന്ന് കാഴ്ചയിൽ പെടുന്ന രീതിയിലായിരുന്നില്ല കേബിൾ കിടന്നിരുന്നത്. അവിടങ്ങളിൽ ഒരുപാട് സ്ഥലത്ത് ഇത്തരത്തിൽ കേബിളുകൾ കിടക്കുന്നുണ്ട്. ആവശ്യമായ നടപടി അധികൃതരുടെ ഭാ​ഗത്ത് നിന്നുണ്ടായില്ലെങ്കിൽ ചിലപ്പോൾ ആളുകളുടെ ജീവന് തന്നെ ആപത്തായേക്കാം.