അമേരിക്കയിൽ അപൂർവ്വ വിധി!കുട്ടികളെ ബലാത്സംഗം ചെയ്തതിന് പ്രതിയെഷണ്ഡീകരിക്കാൻ കോടതി ഉത്തരവ്..വിധി ആഘോഷമാക്കി ജനങ്ങൾ!

സ്ത്രീകൾക്കും കുട്ടികൾക്കുമെതിരെയുള്ള ലൈംഗിക അതിക്രമങ്ങൾ വർധിച്ചു കൊണ്ട് ഇരിക്കുകയാണ്. പിടിയിലാവുകയും പിന്നീട് നിയമത്തിന്റെ തന്നെ പഴുതുകളിലൂടെ ഇവർ പുറത്തിറങ്ങി ജീവിക്കുകയും ചെയ്യുന്നു. ഇതാണ് പതിവ് . എന്നാലിപ്പോൾ അമേരിക്കയിലെ ലൂസിയാനയിൽ പ്രായപൂർത്തിയാകാത്ത കുട്ടികളെ ലൈംഗികമായി പീഡിപ്പിച്ച കേസിൽ കുറ്റക്കാരനെന്ന് കണ്ടെത്തിയ യുവാവിന് കോടതിയുടെ കടുത്ത ശിക്ഷാവിധി. മുൻ പൊലീസുദ്യോഗസ്ഥനും അഗ്നിരക്ഷാ പ്രവർത്തകനുമായ ക്രെഡിയോൺ കെ. വില്യംസ് (31) ആണ് ലൂസിയാന കോടതിയുടെ ചരിത്രപ്രധാനമായ ശിക്ഷാവിധിക്ക് വിധേയനായത്.
അമേരിക്കയിൽ ഇത്തരമൊരു ശിക്ഷയ്ക്ക് വിധിക്കപ്പെടുന്ന രണ്ടാമത്തെ വ്യക്തിയാണ് വില്യംസ് എന്ന് അധികൃതർ വ്യക്തമാക്കുന്നു.എട്ട് മുതൽ 11 വയസ്സ് വരെ പ്രായമുള്ള നിരവധി കുഞ്ഞുങ്ങളെ പ്രതി ക്രൂരമായി ലൈംഗികമായി പീഡിപ്പിച്ചു എന്നാണ് കേസ്. കുട്ടികളോടുള്ള ലൈംഗിക അതിക്രമങ്ങൾ, കുട്ടികളുടെ അശ്ലീല ദൃശ്യങ്ങൾ കൈവശം വെക്കൽ തുടങ്ങിയ ഗുരുതരമായ കുറ്റങ്ങളാണ് ഇയാൾക്കെതിരെ ചുമത്തിയിട്ടുള്ളത്. ന്യൂ റോഡ്സിലെ അഗ്നിരക്ഷാ നിലയങ്ങളിലും സ്വന്തം വീട്ടിയിലും വെച്ചാണ് പ്രതി കുഞ്ഞുങ്ങളെ പീഡനത്തിനിരയാക്കിയത്.
മാത്രമല്ല, ഈ ഹീനകൃത്യങ്ങളുടെ ദൃശ്യങ്ങൾ ഇയാൾ പകർത്തി സൂക്ഷിച്ചിരുന്നതായും അന്വേഷണത്തിൽ വ്യക്തമായിട്ടുണ്ട്.കഴിഞ്ഞ ഒക്ടോബർ ഒന്നിനാണ് കേസിൽ ജൂറി നിർണ്ണായക വിധി പുറപ്പെടുവിച്ചത്. ലൂസിയാന നിയമപ്രകാരം ഇത്തരം കുറ്റകൃത്യങ്ങളിൽ തടവുശിക്ഷ നിർബന്ധമാണെങ്കിലും, പ്രതിക്ക് ഏറ്റവും കഠിനമായ ശിക്ഷ ഉറപ്പാക്കുന്നതിന്റെ ഭാഗമായി രാസ വന്ധ്യംകരണത്തിനും ശസ്ത്രക്രിയയിലൂടെയുള്ള വന്ധ്യംകരണത്തിനും പ്രോസിക്യൂഷൻ ആവശ്യപ്പെടുകയായിരുന്നു.
അമേരിക്കയിൽ നിർബന്ധിത ശസ്ത്രക്രിയാ വന്ധ്യംകരണത്തിന് വിധിക്കപ്പെട്ട ആദ്യ വ്യക്തി അസംപ്ഷൻ പാരിഷ് സ്വദേശിയായ കരോൾ റേ ക്ലാർക്കാണെന്ന് 23-ാം ജുഡീഷ്യൽ ഡിസ്ട്രിക്ട് അറ്റോർണി റിക്കി ബാബിൻ അറിയിച്ചു.ലൂസിയാനയിൽ വന്ധ്യംകരണവുമായി ബന്ധപ്പെട്ട നിയമം നിലവിൽ വന്നത് 2008-ലാണെങ്കിലും, 2024-ൽ ഇതിൽ നിർണ്ണായക ഭേദഗതികൾ വരുത്തിയിരുന്നു. ഗുരുതരമായ ലൈംഗിക കുറ്റകൃത്യങ്ങളിൽ ശിക്ഷിക്കപ്പെടുന്ന പ്രതികൾക്ക് രാസ വന്ധ്യംകരണമോ ശസ്ത്രക്രിയയിലൂടെയുള്ള വന്ധ്യംകരണമോ
വിധിക്കാൻ ജഡ്ജിക്ക് അധികാരം നൽകുന്നതാണ് ഈ നിയമം. 13 വയസ്സിൽ താഴെയുള്ള കുട്ടികൾക്കെതിരെയുള്ള അതിഗുരുതരമായ ലൈംഗിക കുറ്റകൃത്യങ്ങളിൽ പ്രതിയുടെ സമ്മതമില്ലാതെ പോലും ശസ്ത്രക്രിയയിലൂടെയുള്ള വന്ധ്യംകരണം വിധിക്കാൻ കോടതിക്ക് അധികാരം നൽകുന്നതാണ് 2024-ലെ ഭേദഗതി.
https://www.facebook.com/Malayalivartha


























