സംസ്ഥാനത്ത് സ്വർണവില ഒരുലക്ഷം രൂപയിലേക്ക് കുറയാൻ ഇനി വെറും 320 രൂപയുടെ ദൂരം...ആകാംക്ഷയോടെ വിപണി..റോക്കറ്റ് പോലെ കുതിച്ചുയരാനും പെട്ടെന്ന് താഴാനും പിന്നിൽ യഥാർത്ഥത്തിൽ എന്താണ് നടക്കുന്നത്?

"രാവിലെ ഒരു വില, വൈകുന്നേരം മറ്റൊരു വില! സ്വർണവില ഇങ്ങനെ റോക്കറ്റ് പോലെ കുതിച്ചുയരാനും പെട്ടെന്ന് താഴാനും പിന്നിൽ യഥാർത്ഥത്തിൽ എന്താണ് നടക്കുന്നത്? നമ്മുടെ നാട്ടിലെ ജ്വല്ലറിക്കാരാണോ, അതോ അങ്ങ് അമേരിക്കയിലുള്ള വൻകിട കോടീശ്വരന്മാരാണോ നമ്മുടെ പോക്കറ്റ് കാലിയാക്കുന്നത്? സ്വർണവിലയ്ക്ക് പിന്നിലെ ആരും പറയാത്ത കളി എന്താണെന്ന് വളരെ ലളിതമായി നോക്കാം..."സ്വർണവില കൂടുതൽ ഇടിയുന്നു. പവൻവില ഒരുലക്ഷം രൂപയിലേക്ക് താഴാൻ ഇനി അൽപദൂരം മാത്രം. രാജ്യാന്തര വിലയിലെ ഇടിവാണ് കേരളത്തിലും പ്രതിഫലിക്കുന്നത്. വില കൂടുതൽ താഴുമെന്നാണ് വിലയിരുത്തൽ. അങ്ങനെ സംഭവിച്ചാൽ ഇന്നുതന്നെ കേരളത്തിൽ പവൻവില ഒരുലക്ഷം രൂപയ്ക്കു താഴെയെത്താനുള്ള സാധ്യതയുണ്ട്.
കേരളത്തിൽ ഇന്നുരാവിലെ വില നിശ്ചയിക്കുമ്പോൾ ഇതു 3865.20 ഡോളർ ആയിരുന്നു. സംസ്ഥാനത്ത് സ്വർണവില ഗ്രാമിന് 75 രൂപ കുറഞ്ഞ് 12,540 രൂപയായി. 600 രൂപ കുറഞ്ഞ് 1,00,320 രൂപയാണ് പവൻവില. ഒരുലക്ഷം രൂപയിലേക്ക് കുറയാൻ ഇനി വെറും 320 രൂപയുടെ ദൂരം.സ്വര്ണ വിലയിലെ വീഴ്ച. ശക്തമായ ഡോളര്, ഉയര്ന്ന ട്രഷറി യീല്ഡുകള്, ഡിസംബറില് ഫെഡ് പലിശനിരക്ക് വര്ദ്ധിപ്പിക്കുമെന്ന ശക്തമായ പ്രതീക്ഷകള് എന്നിവയ്ക്കെതിരെയാണ് സ്വര്ണം ഇപ്പോഴും നീങ്ങുന്നത്. അതിനാല് തന്നെ വില തിരികെ കയറാന് പാടുപെടുകയാണ്.അതേസമയം അന്താരാഷ്ട്ര വിപണിയില് ഇന്ന് സ്വര്ണ വിലയില് മാറ്റമൊന്നുമുണ്ടായിട്ടില്ല. ഈ മാസത്തെ ഏറ്റവും കുറഞ്ഞ പവന് നിരക്കാണിത്. നവംബര് 5 ന് രേഖപ്പെടുത്തിയ 107080 രൂപയാണ് ഈ മാസത്തെ ഏറ്റവും ഉയര്ന്ന നിരക്ക്.
അതായത് 10 ദിവസം കൊണ്ട് സ്വര്ണത്തിന് 6000 രൂപയിലേറെ ഇടിവാണ് ഈ മാസം മാത്രം സംഭവിച്ചിരിക്കുന്നത്. ഇനിയുള്ള മണിക്കൂറുകളിലും ഈ വിലയിൽ പല ചാഞ്ചട്ടങ്ങളും സംഭവിക്കാം.യഥാർത്ഥത്തിൽ എങ്ങനെയാണ് സ്വർണ വില കൂടിയും കുറഞ്ഞും ഇരിക്കുന്നത്. ഇതിനെ യഥാർത്ഥത്തിൽ സ്വാധീനിക്കുന്ന ഘടകം എന്താണ്..കുറച്ചു ലളിതമായി പറഞ്ഞു തരാം..സത്യത്തിൽ സ്വർണ വിലയെ ബാധിക്കുന്നത് ഒരു ഘടകമല്ല ഒന്നിലധികം ഘടകമുണ്ട്. സ്വർണവില കൂടാനും കുറയാനും പിന്നിൽ ആഗോള വിപണിയിലെ ആവശ്യകതയും (Demand), ഡോളറിന്റെ മൂല്യവും, ലോകരാഷ്ട്രീയത്തിലെ മാറ്റങ്ങളുമാണ് പ്രധാന കാരണങ്ങൾ. സ്വർണം ഭൂമിയിൽ പരിമിതമായ അളവിൽ മാത്രമേ ഉള്ളൂ എന്നതുകൊണ്ട് തന്നെ ലോകത്തെ ചെറിയ മാറ്റങ്ങൾ പോലും ഇതിന്റെ വിലയെ വേഗത്തിൽ ബാധിക്കാറുണ്ട്.സ്വർണവിലയിൽ മാറ്റങ്ങൾ വരാനുള്ള പ്രധാന കാരണങ്ങൾ ഇവയൊക്കെയാണ്..
1. ആഗോള രാഷ്ട്രീയവും യുദ്ധങ്ങളും (സുരക്ഷിത നിക്ഷേപം)..
പ്രതിസന്ധി ഘട്ടങ്ങളിലെ ആശ്രയം: ലോകത്ത് എവിടെയെങ്കിലും യുദ്ധമോ, സാമ്പത്തിക മാന്ദ്യമോ, വലിയ രോഗവ്യാപനമോ ഉണ്ടായാൽ ആളുകൾക്ക് ഓഹരി വിപണിയിലുള്ള വിശ്വാസം കുറയും.വില കൂടുന്ന വിധം: അത്തരം സമയങ്ങളിൽ വൻകിട നിക്ഷേപകർ ഓഹരികൾ വിറ്റ് ഏറ്റവും സുരക്ഷിതമായ നിക്ഷേപമായ സ്വർണം വാങ്ങിക്കൂട്ടും. ഇതോടെ സ്വർണത്തിന് ആവശ്യക്കാർ കൂടുകയും വില കുതിച്ചുയരുകയും ചെയ്യും.രണ്ടാമത്തെ പ്രധാന കളി നടക്കുന്നത് അമേരിക്കയിലാണ്..ഡോളറും സ്വർണവും: അന്താരാഷ്ട്ര വിപണിയിൽ സ്വർണവ്യാപാരം നടക്കുന്നത് അമേരിക്കൻ ഡോളറിലാണ്. ഡോളറിന്റെ മൂല്യം കുറയുമ്പോൾ മറ്റ് രാജ്യങ്ങൾക്ക് കുറഞ്ഞ ചെലവിൽ കൂടുതൽ സ്വർണം വാങ്ങാൻ സാധിക്കും. ഇത് ഡിമാൻഡ് കൂട്ടുകയും സ്വർണവില ഉയരാൻ കാരണമാവുകയും ചെയ്യും.
അമേരിക്കൻ ബാങ്ക് പലിശ നിരക്ക്: അമേരിക്കൻ കേന്ദ്ര ബാങ്കായ ഫെഡറൽ റിസർവ് പലിശ നിരക്ക് കുറയ്ക്കുമ്പോൾ, ബാങ്ക് നിക്ഷേപങ്ങളിൽ നിന്നുള്ള ലാഭം കുറയും. അപ്പോൾ നിക്ഷേപകർ പണം പിൻവലിച്ച് സ്വർണത്തിൽ നിക്ഷേപിക്കാൻ തുടങ്ങും. ഇതും വില കൂട്ടും.രാജ്യങ്ങളുടെ കരുതൽ ശേഖരം: ഇന്ത്യയുടെ റിസർവ് ബാങ്ക് (RBI) ഉൾപ്പെടെ ലോകത്തെ പല രാജ്യങ്ങളുടെയും കേന്ദ്ര ബാങ്കുകൾ അവരുടെ സാമ്പത്തിക സുരക്ഷ ഉറപ്പാക്കാൻ വൻതോതിൽ സ്വർണം വാങ്ങി സൂക്ഷിക്കാറുണ്ട്.വിപണിയിലെ സ്വാധീനം: ഇത്തരത്തിൽ രാജ്യങ്ങൾ ടൺ കണക്കിന് സ്വർണം വാങ്ങിക്കൂട്ടുമ്പോൾ വിപണിയിൽ സ്വർണത്തിന് ക്ഷാമം നേരിടുകയും വില കുത്തനെ കൂടുകയും ചെയ്യും.രൂപയുടെ മൂല്യത്തകർച്ച: അന്താരാഷ്ട്ര വിപണിയിൽ സ്വർണവില കൂടിയില്ലെങ്കിൽ പോലും, ഡോളറിനെതിരെ ഇന്ത്യൻ രൂപയുടെ മൂല്യം ഇടിഞ്ഞാൽ ഇന്ത്യയിൽ സ്വർണവില കൂടും.
കാരണം, വിദേശത്ത് നിന്ന് സ്വർണം ഇറക്കുമതി ചെയ്യാൻ ഇന്ത്യ കൂടുതൽ രൂപ നൽകേണ്ടി വരും.ഇറക്കുമതി തീരുവ (Import Duty): ഇന്ത്യയ്ക്ക് ആവശ്യമായ സ്വർണത്തിന്റെ ഭൂരിഭാഗവും വിദേശത്ത് നിന്ന് ഇറക്കുമതി ചെയ്യുന്നതാണ്. കേന്ദ്ര സർക്കാർ സ്വർണത്തിന്റെ ഇറക്കുമതി നികുതിയോ ജി.എസ്.ടിയോ കൂട്ടുകയോ കുറയ്ക്കുകയോ ചെയ്താൽ, അത് അന്ന് തന്നെ നമ്മുടെ നാട്ടിലെ സ്വർണവിലയിൽ മാറ്റമുണ്ടാക്കും.സീസണൽ ഡിമാൻഡ്: ഇന്ത്യയിലും ചൈനയിലുമാണ് ലോകത്ത് ഏറ്റവും കൂടുതൽ സ്വർണം ഉപയോഗിക്കുന്നത്. ഇന്ത്യയിൽ വിവാഹ സീസണുകളിലും ദീപാവലി, അക്ഷയ തൃതീയ പോലുള്ള ആഘോഷ സമയങ്ങളിലും സ്വർണത്തിന് വലിയ ഡിമാൻഡ് ഉണ്ടാകും.
https://www.facebook.com/Malayalivartha


























