ബംഗാൾ ഉൾക്കടലിൽ വീണ്ടും ആശങ്കയുടെ കാർമേഘങ്ങൾ ഉരുണ്ടുകൂടുന്നു. തെക്കുകിഴക്കൻ ബംഗാൾ ഉൾക്കടലിൽ രൂപപ്പെട്ട ന്യൂനമർദം അതിവേഗം ശക്തിപ്രാപിച്ച് ചുഴലിക്കാറ്റായി മാറാൻ ഒരുങ്ങുകയാണ്. നവംബർ 16-ഓടെ മധ്യ ബംഗാൾ ഉൾക്കടലിൽ രൂപം കൊള്ളുന്ന ഈ പുതിയ ചുഴലിക്കാറ്റിന് ഇറാൻ നിർദ്ദേശിച്ച 'അക്‌വാൻ' എന്ന പേരാണ് നൽകിയിരിക്കുന്നത്. 'പിശാചിന്റെ മനസ്സ്' എന്നർത്ഥം വരുന്ന അക്‌വാൻ, ഈ സീസണിൽ ബംഗാൾ ഉൾക്കടലിൽ ഉണ്ടാകുന്ന മൂന്നാമത്തെ ചുഴലിക്കാറ്റായിരിക്കും. തിരുവനന്തപുരത്തിന് സമാന്തരമായി കടലിൽ സ്ഥിതി ചെയ്യുന്ന ഈ സിസ്റ്റം കേരളത്തെ ബാധിക്കുമോ?